Farmers: రాజస్థాన్‌లో రైతును తన్ని, కూతుర్ని ఈడ్చుకెళ్లిన అధికారి.. వీడియో వైరల్ అవడంతో మారిన సీన్..
Farmers: కొన్నిసార్లు ప్రభుత్వ అధికారులు రెచ్చి పోయి ప్రవర్తిస్తుంటారు.. వాళ్ళ ఆగడాలకు అడ్డూ అదుపు లేకుండా సామాన్య ప్రజలపై..
Updated on: Jul 17, 2021 | 8:58 PM
Farmers: కొన్నిసార్లు ప్రభుత్వ అధికారులు రెచ్చి పోయి ప్రవర్తిస్తుంటారు.. వాళ్ళ ఆగడాలకు అడ్డూ అదుపు లేకుండా సామాన్య ప్రజలపై తిరగబడి వాళ్లపై అమాన్యుషంగా ప్రవర్తిస్తుంటారు. తాజాగా రాజస్థాన్ లో ఇలాంటి ఘటనే చోటు చేసుకుంది. విచక్షణ కోల్పోయిన ఓ అధికారి రైతుల పట్ల దారుణంగా ప్రవర్తించటం తీవ్ర కలకలం రేపుతోంది.
రాజస్థాన్ రాష్ట్రం జలోరి జిల్లాలోని శంఖోర్ గ్రామంలో రైతులకు, అధికారులకు మధ్య వాగ్వివాదం జరిగింది. ఈ ఘటనలో అక్కడే ఉన్న ఓ అధికారి రెచ్చిపోయి రైతును కాలితో తన్నడంతో రైతులకు అధికారులకు మధ్య ఘర్షణ వాతావరణం నెలకొంది. మాలా ప్రాజెక్టులో భాగంగా అధికారులకు, రైతులకు నడుమ వాగ్వాదం జరిగింది. కేంద్రం ఎక్సప్రెస్ హైవే 754 నిర్మిస్తుండగా ఆ పనులను రైతులు అడ్డుకున్నారు. రైతుల తమ భూములకు సరైన నష్ట పరిహారం అందించాలని డిమాండ్‌ చేశారు. ఇదే విషయంపై రైతులు కోర్టుకు వెళ్లారు. తీర్పు వచ్చేవరకు రోడ్డు నిర్మాణ పనులు జరగకూడదని రైతులు ఆందోళనకు దిగారు.
ఈ నేపథ్యంలోనే జరిగిన వాగ్వాదంలో ఓ అధికారి రైతును కాలితో తన్నడం పెను దుమారం రేపింది. అంతేకాదు.. 15 ఏళ్ల బాలికను బండి వెంట ఈడ్చుకుంటూ వెళ్లి కొంతదూరం వెళ్ళాక వదిలేసాడు. ఈ ఘటనలో బాలికకు తీవ్ర గాయాలయ్యాయి. దీంతో ఆ ఊరు ప్రజలు గొడవకు దిగారు. చివరికి పోలీసులు వచ్చినా ఫలితం లేకుండా పోయింది. కాగా, అధికారి ప్రతాపానికి సంబంధించిన వీడియో వైరల్ అయ్యింది. ఈ దాడిని తీవ్రంగా భావించిన ప్రభుత్వం.. రైతులపై దాడి చేసిన ఎస్‌డిఎం భూపేంద్ర యాదవ్‌ను ట్రాన్స్‌ఫర్ చేశారు. సదరు అధికారిపై శాఖపరమైన చర్యలు తీసుకుంటామని ప్రభుత్వం ప్రకటించింది.
Video:
किसान को लात मारना वीरता का काम नहीं है एसडीएम साहब …
पर आपकी क्या गलती है , राजस्थान में कांग्रेस का राज है , अत्याचार करने की पुरी छूट है ?@DrSatishPoonia @chshekharbjp pic.twitter.com/8aBiZKpquW
— Laxmikant bhardwaj (@lkantbhardwaj) July 16, 2021
Also read:
Telangana Covid Cases: తెలంగాణలో నిలకడగా నమోదవుతున్న కరోనా కేసులు.. తాజాగా ఎన్ని పాజిటివ్ కేసులంటే..
