Cordelia Cruise Ship: నడి సముద్రంలో కార్డీలియా క్రూయిజ్‌.. పుదుచ్చేరిలో నో ఎంట్రీ బోర్డ్.. ఎందుకో తెలుసా..

వైజాగ్‌ టు పుదుచ్చేరి. క్రూజ్‌ బయల్దేరింది. అప్పుడే వివాదం కూడా మొదలైంది. క్యాసినో, గ్యాంబ్లింగ్‌ ఆడే క్రూజ్‌ను పుదుచ్చేరికి అనుమతించలేదని పుదుచ్చేరి లెఫ్టినెంట్‌ గవర్నర్‌ తేల్చి చెప్పారు. దీంతో తెల్లవారుజామున నాలుగు గంటల నుంచి సముద్రంలోనే క్రూజ్‌ ఉండిపోయింది. పుదుచ్చేరి అధికారులు కూడా క్రూజ్‌ గురించిన సమాచారం తమకు అందలేదని అంటున్నారు. ఇటు రాజకీయ పార్టీలు కూడా కేసినో, గ్యాంబ్లింగ్‌ అడ్డాగా ఉండే క్రూజ్‌ను పుదుచ్చేరిలోకి అనుమతించొద్దని డిమాండ్‌ చేస్తున్నారు. క్రూజ్‌‌ను(Cruise Ship) అనుమతించడం, అనుమతించకపోవడంపై తాము స్పష్టంగా ఉన్నామని చెప్పారు పుదుచ్చేరి లెఫ్టినెంట్ గవర్నర్ తమిళిసై సౌందరరాజన్. అందులో క్యాసినో, గ్యాంబ్లింగ్‌ను ఎట్టి పరిస్థితుల్లో ఒప్పుకోబోమని చెప్పారామె. అలాంటివి లేవని నిర్ధారణ చేయాల్సి ఉందన్నారు తమిళిసై. పుదుచ్చేరి సమీపంలో లగ్జరీ క్రూయిజ్ షిప్ కార్డెలియా క్రూయిజ్‌కు లంగరు వేసేందుకు ప్రభుత్వం ఎలాంటి అనుమతి ఇవ్వలేదని తెలిపారు. టూరిజంను అభివృద్ధి చేయాలనే ఆసక్తితో ఉన్నాం.. కానీ మన సంస్కృతికి విరుద్ధంగా ఎలాంటి చర్యలు తీసుకోబోమని తమిళిసై స్పష్టం చేశారు. కేవలం ఆదాయం కోసం యువత జీవితాలను పాడు చేయకూడదనుకుంటున్నామని అన్నారు.  తేగైతిట్టు హార్బర్‌లో ఎన్‌సిసి క్యాడెట్‌ల సముద్ర యాత్రను ఫ్లాగ్ చేసి ప్రారంభించిన తర్వాత లెఫ్టినెంట్ గవర్నర్. చెన్నై నుంచి లగ్జరీ క్రూయిజ్ షిప్ రాకకు సంబంధించిన ఏ ఫైల్ కూడా కనిపించలేదు.

నో అంటున్న పుదుచ్చేరి ప్రభుత్వం

ఇదిలావుంటే.. తమిళనాడుకు చెందిన గ్యాంబ్లింగ్ నౌకను పుదుచ్చేరిలోకి అనుమతించడంపై అధికార కూటమికి చెందిన ఏఐఏడీఎంకే తీవ్ర అభ్యంతరం వ్యక్తం చేసింది. అన్నాడీఎంకే డిప్యూటీ సెక్రటరీ వైయాపురి మణికందన్‌ ఓ ప్రకటనలో తెలిపారు. ఎన్నికల్లో సహకరించిన కోయంబత్తూర్‌కు చెందిన లాటరీ వ్యాపారికి కృతజ్ఞతలు తెలిపేందుకు తమిళనాడు డీఎంకే ప్రభుత్వం ఈ నౌకకు అనుమతినిచ్చిందని ఆయన విమర్శించారు.

ఓ ప్రైవేట్ కంపెనీ సహకారంతో తమిళనాడు ప్రభుత్వం ప్రారంభించిన లగ్జరీ క్రూయిజ్ షిప్‌కు పుదుచ్చేరి ప్రభుత్వం అనుమతి నిరాకరించడంతో.. ఆ నౌక మధ్యధరా సముద్రంలో లంగరు వేసినట్లు సమాచారం. తమిళనాడు ప్రభుత్వం సీ టూరిజం అనే ప్రైవేట్ కంపెనీతో కలిసి లగ్జరీ క్రూయిజ్ టూర్‌ను ప్రారంభించింది. తమిళనాడు ప్రజలకు లగ్జరీ క్రూయిజ్‌లో కొత్త అనుభూతిని, భయానక లోతైన సముద్ర ప్రయాణ అనుభూతిని అందించడానికి తమిళనాడు టూరిజం ప్రభుత్వం ‘కోర్డెలియా క్రూయిసెస్’ అనే ప్రైవేట్ కంపెనీతో ఒప్పందం కుదుర్చుకుంది.

లగ్జరీ క్రూయిజ్‌లో టూర్ ప్లాన్‌ ఇలా..

లగ్జరీ క్రూయిజ్ ప్లాన్‌లు 2 రోజులు, 3 రోజులు, 5 రోజులుగా ఇది ఉంటుంది. తమిళనాడు పర్యాటక శాఖ కార్డిలియా అనే షిప్పింగ్ కంపెనీతో కలిసి చెన్నై పోర్ట్‌లో లగ్జరీ క్రూయిజ్ లైనర్‌ను ప్రారంభించింది. విలాసవంతమైన క్రూయిజ్ లైనర్ చెన్నై నుంచి పాండిచ్చేరి, విశాఖపట్నంకు క్రూయిజ్ షిప్‌లో ప్రజలను తీసుకెళ్లడానికి రూపొందించబడింది. 2 రోజులు, లగ్జరీ క్రూయిజ్ ప్లాన్‌లు 3 రోజుల నుంచి 5 రోజులుగా ప్లాన్ ఉంటుంది. ఇందులో బార్, స్పా వంటి అన్ని సౌకర్యాలు ఉన్నాయి.