Jagdeep Dhankhar: ఉపరాష్ట్రపతి అధికారిక నివాసాన్ని సీలు చేశారా..? అసలు నిజం ఇదే..

జగదీప్‌ ధన్‌ఖడ్‌ ఉపరాష్ట్రపతి పదవికి రాజీనామా చేసిన విషయం తెలిసిందే.. ఆరోగ్య కారణాల దృష్ట్యా వైద్యుల సూచనల మేరకు ఈ నిర్ణయం తీసుకున్నానని తన రాజీనామా లేఖలో ధన్‌ఖడ్ పేర్కొన్నారు. అయితే.. ధన్‌ఖడ్ తన రాజీనామా లేఖను రాష్ట్రపతి ద్రౌపది ముర్ముకు పంపించగా.. వెంటనే ఆమోదించారు. అయితే.. జగదీప్ ధన్‌ఖడ్‌ ఉప రాష్ట్రపతి పదవికి రాజీనామా చేసిన తర్వాత.. సోషల్ మీడియాలో అనేక ఊహగానాలు, అసత్య ప్రచారాలు మొదలయ్యాయి.. ఈ వాదనలలో ఇదొకటి.. ఉపరాష్ట్రపతి అధికారిక నివాసాన్ని సీలు చేశారని, రాజీనామ వెంటనే మాజీ ఉపరాష్ట్రపతిని వెంటనే తన నివాసాన్ని ఖాళీ చేయమని కోరారని సోషల్ మీడియాలో జోరుగా ప్రచారం జరుగుతోంది. వాస్తవానికి ఈ వాదన నిజం కాదు. ప్రెస్ ఇన్ఫర్మేషన్ బ్యూరో (PIB) ఫ్యాక్ట్ చెక్ ఈ వాదనను పూర్తి నకిలీదిగా పేర్కొనడంతోపాటు.. అసత్య ప్రచారంగా స్పష్టంచేసింది. తప్పుడు సమాచారాన్ని పట్టించుకోవద్దని PIB తెలిపింది. ఏదైనా వార్తను షేర్ చేసే ముందు దానిని ఎల్లప్పుడూ అధికారికంగా నిర్ధారించుకోవాలని సూచించింది.

It is being widely claimed on social media that Vice President’s official residence has been sealed and former VP has been asked to vacate his residence immediately #PIBFactCheck

❌ These claims are #Fake.

✅ Don’t fall for misinformation. Always verify news from official… pic.twitter.com/3jIDDaiu7A

— PIB Fact Check (@PIBFactCheck) July 23, 2025

ధన్‌ఖడ్‌ త్వరలో ఉపరాష్ట్రపతి నివాసం నుండి బయలుదేరుతారు..

ఉపరాష్ట్రపతి పదవికి రాజీనామా చేసిన తర్వాత, జగదీప్ ధన్‌ఖడ్‌ ఈ వారం చివరి నాటికి తన ప్రభుత్వ నివాసాన్ని ఖాళీ చేయనున్నారు. ఆరోగ్య కారణాలతో ఆయన సోమవారం రాత్రి రాజీనామా చేశారు. నిబంధనల ప్రకారం, మాజీ ఉపరాష్ట్రపతికి జీవితాంతం ప్రభుత్వ వసతి లభిస్తుంది. ప్రస్తుతం ఆయన వస్తువులు ప్యాక్ చేశారని.. కొత్త వసతిని ఏర్పాటు చేస్తున్నట్లు ప్రభుత్వ వర్గాలు తెలిపాయి.

ధన్‌ఖడ్‌కు ప్రభుత్వ బంగ్లా..

నిబంధనల ప్రకారం, మాజీ రాష్ట్రపతికి ప్రభుత్వ బంగ్లాకు అర్హత ఉంటుంది. ధన్‌ఖడ్‌కు లుటియెన్స్ ఢిల్లీలో లేదా మరేదైనా ప్రాంతంలో టైప్ VIII బంగ్లా ఇవ్వవచ్చు. ధన్‌ఖడ్ 15 నెలల క్రితం మారిన VP ఎన్‌క్లేవ్ బంగ్లాను సెంట్రల్ విస్టా పునరాభివృద్ధి ప్రణాళిక కింద నిర్మించారు. టైప్ VIII బంగ్లాలను సాధారణంగా సీనియర్ కేంద్ర మంత్రులు లేదా జాతీయ పార్టీల అధ్యక్షులకు కేటాయించారు.

సోమవారం, ధన్‌ఖడ్‌ ఆరోగ్య కారణాల వల్ల ఉప రాష్ట్రపతి పదవికి రాజీనామా చేశారు. మంగళవారం ఆయన రాజీనామాను ఆమోదించారు. ధన్‌ఖడ్‌ రాజీనామా తర్వాత దేశంలో రాజకీయ గందరగోళం నెలకొంది. కొత్త ఉపాధ్యక్షుడు ఎవరు అవుతారనే దానిపై అనేక ఊహాగానాలు వినిపిస్తున్నాయి.

మరిన్ని జాతీయ వార్తల కోసం ఇక్కడ క్లిక్ చేయండి..