ISRO Satellites Launch: మరో సక్సెస్ కొట్టిన ఇస్రో ‘బాహుబలి’ రాకెట్.. జీఎస్ఎల్వీ మార్క్-3 ప్రయోగం విజయవంతం

మరో సక్సెస్ కొట్టింది భారత అంతరిక్ష పరిశోధన సంస్థ ఇస్రో. ప్రతిష్టాత్మకంగా చేపట్టిన జీఎస్ఎల్వీ మార్క్-3 రాకెట్‌ను విజయవంతంగా ప్రయోగించింది. అర్ధరాత్రి 12 గంటలా 7 నిమిషాలకు నింగికెగసిన ఈ రాకెట్… యూకేకి చెందిన ఉపగ్రహాల్ని విజయవంతంగా కక్ష్యలోకి చేర్చింది. 19 నిమిషాల 7 సెకన్లలో ఈ ప్రయోగం పూర్తయింది. ప్రయోగం విజయవంతం కావడంతో ఇస్రో సైంటిస్టులంతా హర్షం వ్యక్తం చేశారు. మాకు దీపావళి సంబరం ముందే మొదలైపోయింది.. 16 శాటిలైట్లను దిగ్విజయంగా సెపరేట్ చేయగలిగాం.. మిగతా 20 ఉపగ్రహాల గురించి డేటా అందాల్సి ఉంది అంటూ ట్వీట్ చేశారు ఇస్రో చైర్మన్ డాక్టర్ సోమనాథ్. యూకేతో జరిగిన ఒప్పందం ప్రకారం మార్చిలోగా మరో ఆరు ప్రయోగాలు చేయనుంది ఇస్రో. కమర్షియల్ శాటిలైట్ మార్కెట్‌లో మరో అడుగు ముందుకేశారంటూ శాస్త్రవేత్తల్ని అభినందించారు ప్రధాని మోదీ.

దాదాపు 43.5 మీటర్ల పొడవైన రాకెట్‌ ప్రయోగం ఇదేనని ఇస్రో చైర్మన్‌ తెలిపారు. 8,000 కిలోల బరువున్న ఉపగ్రహాలను మోసుకెళ్లే సామర్థ్యం ఉన్న అత్యంత బరువైన ఉపగ్రహాల్లో ఇది ఒకటిగా గుర్తింపు పొందింది. 36 వన్‌వెబ్ ఉపగ్రహాలతో కూడిన మరో సెట్‌ను వచ్చే ఏడాది ప్రథమార్థంలో ఎల్‌విఎం3 ప్రయోగించనున్నట్లు ఆయన తెలిపారు.

బాహుబలి రాకెట్ ఎందుకు పంపబడింది?

ఇది మూడు-దశల రాకెట్, ఇందులో రెండు సాలిడ్ మోటారు స్టెప్పులు ఉంటాయి మరియు లిక్విడ్ ప్రొపెల్లెంట్ కర్ స్టేజ్ మరియు మధ్యలో క్రయోజెనిక్ స్టేజ్ ఉంటాయి. ఈ భారీ రూపం కారణంగా, దీనిని ఇస్రో యొక్క బాహుబలి అని కూడా పిలుస్తారు. LVM3-M2 మిషన్ ఇస్రో వాణిజ్య విభాగమైన న్యూస్ స్పెస్ ఇండియా లిమిటెడ్ కోసం మొదటి అంకితమైన వాణిజ్య మిషన్ అయినందున ఈ ప్రయోగం ఇస్రోకి ప్రాముఖ్యతను సంతరించుకుంది. 

తొలి భారతీయ రాకెట్..

న్యూస్పేస్ ఇండియా లిమిటెడ్, యూకే-ఆధారిత నెట్‌వర్క్ యాక్సెస్ అసోసియేట్స్ లిమిటెడ్ (వన్‌వెబ్ లిమిటెడ్) మధ్య వాణిజ్య ఏర్పాటులో భాగంగా ఈ మిషన్ నిర్వహించబడుతోంది. స్పేస్ ఏజెన్సీ ప్రకారం, వన్ వెబ్ 36 ఉపగ్రహాలు ఈ మిషన్ కింద తీసుకువెళ్లబడ్డాయి. 5,796 కిలోల వరకు ‘పేలోడ్’ని మోసుకెళ్లే మొదటి భారతీయ రాకెట్‌గా అవతరించింది. భారతీ ఎంటర్‌ప్రైజెస్ ఆఫ్ ఇండియా వన్‌వెబ్‌లో ప్రధాన పెట్టుబడిదారు. 

మరిన్ని జాతీయ వార్తల కోసం