ఆకస్మికంగా పెరిగిన జీలం నది నీటిమట్టం.. దిగువకు నీటి విడుదల!

పహల్గామ్ ఉగ్రవాద దాడి తర్వాత, పాకిస్తాన్‌తో సింధు జల ఒప్పందాన్ని భారతదేశం నిలిపివేసింది. ఇంతలో, శనివారం (ఏప్రిల్ 26) మధ్యాహ్నం, పాక్ అక్రమిత కాశ్మీర్‌లోని ముజఫరాబాద్‌లోని హట్టిన్ బాలా ప్రాంతంలోని జీలం నదిలోకి భారతదేశం నీటిని విడుదల చేసింది. దీని కారణంగా, ముజఫరాబాద్ అధికారులు నీటి అత్యవసర పరిస్థితిని ప్రకటించారు. నిజానికి, జీలం నదిలోకి నీరు విడుదల కావడం వల్ల, ముజఫరాబాద్‌లో అకస్మాత్తుగా వరదలు వచ్చాయి. ఈ పరిణామంతో ముజఫరాబాద్ వ్యాప్తంగా అధికారులు హెచ్చరికలు జారీ చేశారు.

సమాచారం ప్రకారం, ఉరిలోని అనంతనాగ్ జిల్లా నుండి చకోఠిలోకి నీరు ప్రవేశించడం వల్ల జీలం నదిలో అకస్మాత్తుగా, తీవ్రమైన వరదలు సంభవించాయి, దీని వలన స్థానిక ప్రజలు భయాందోళనలకు గురయ్యారు. సింధు జల ఒప్పందం ప్రకారం పాకిస్తాన్ వాడుకుంటున్న మూడు నదుల నీటిని గరిష్టంగా ఉపయోగించుకునే మార్గాలను అధ్యయనం చేయాలని కేంద్ర ప్రభుత్వం యోచిస్తోంది. 1960 సింధు జల ఒప్పందంపై భవిష్యత్తు చర్యలను చర్చించడానికి హోంమంత్రి అమిత్ షా అధ్యక్షతన శుక్రవారం జరిగిన ఉన్నత స్థాయి సమావేశంలో ఈ ప్రతిపాదనను ముందుకు తెచ్చారు.

ప్రపంచ బ్యాంకు మధ్యవర్తిత్వం వహించిన జల ఒప్పందం ప్రకారం, తూర్పు నదులైన సట్లెజ్, బియాస్, రావి జలాలపై భారతదేశానికి ప్రత్యేక హక్కులు ఇవ్వడం జరిగింది. సగటు వార్షిక ప్రవాహం సుమారు 33 మిలియన్ ఎకరాల అడుగులు (MAF). పశ్చిమ నదులైన సింధు, జీలం, చీనాబ్ ల జలాలు ఎక్కువగా పాకిస్తాన్ కు కేటాయించడం జరిగింది. సగటున వార్షిక ప్రవాహం 135 MAF. అయితే పహల్గామ్ ఉగ్రదాడి తర్వాత పాకిస్థాన్‌కు ఒక్క చుక్క నీరు కూడా వెళ్లకుండా ఉండేలా ప్రభుత్వం ఒక వ్యూహాన్ని రూపొందిస్తోందని జల్ శక్తి మంత్రి సిఆర్ పాటిల్ శుక్రవారం అన్నారు. ప్రధానమంత్రి నరేంద్ర మోదీ అనేక సూచనలు జారీ చేశారని, వాటిని అమలు చేయడానికి ఈ సమావేశం నిర్వహించామని ఆయన అన్నారు.

ప్రభుత్వం తన నిర్ణయాలను సమర్థవంతంగా అమలు చేసేలా దీర్ఘకాలిక ప్రణాళికపై పనిచేస్తోందని అధికారవర్గాలు తెలిపాయి. ఒక అధికారి ప్రకారం, మూడు పశ్చిమ నదుల నీటిని ఎలా ఉపయోగించుకోవాలో అధ్యయనం చేయాలని మంత్రిత్వ శాఖను కోరారు. ఒప్పందాన్ని నిలిపివేయాలనే నిర్ణయం వల్ల భారతదేశం పొందే నీటిని పూర్తిగా ఉపయోగించుకునే సామర్థ్యాన్ని పరిమితం చేసే మౌలిక సదుపాయాల కొరత గురించి నిపుణులు చర్చిస్తున్నారు.

వార్తా సంస్థ PTI కథనం ప్రకారం, సౌత్ ఆసియా నెట్‌వర్క్ ఆన్ డ్యామ్స్ రివర్స్ అండ్ పీపుల్ (SANDRP)కి చెందిన హిమాన్షు థక్కర్ మాట్లాడుతూ, నిజమైన సమస్య పశ్చిమ నదులకు సంబంధించినది. అక్కడ మౌలిక సదుపాయాల పరిమితులు నీటి ప్రవాహాన్ని వెంటనే ఆపలేవు. చీనాబ్ లోయలో చాలా ప్రాజెక్టులు పూర్తవుతున్నాయి. అవి పూర్తి కావడానికి ఐదు నుండి ఏడు సంవత్సరాలు పడుతుంది. అప్పటి వరకు సహజ కారణాల వల్ల నీరు పాకిస్తాన్ వైపు ప్రవహిస్తూనే ఉంటుంది. ఇవి పనిలోకి వచ్చిన తర్వాత, భారతదేశంలో ప్రస్తుతం లేని నియంత్రణ యంత్రాంగం ఉంటుందన్నారు థక్కర్. భారతదేశం నీటి ప్రవాహాన్ని త్వరగా మళ్లించగలరని పర్యావరణ కార్యకర్త, మంథన్ స్టడీ సెంటర్ వ్యవస్థాపకుడు శ్రీపాద ధర్మాధికారి అన్నారు. ప్రస్తుతం, పాకిస్తాన్‌లో నీటి ప్రవాహాన్ని ఆపడానికి అవసరమైన మౌలిక సదుపాయాలు మన దగ్గర లేవన్నారు.

వీడియో చూడండి..

మరిన్ని జాతీయ వార్తల కోసం ఇక్కడ క్లిక్ చేయండి..