Independence Day 2022 Celebrations Highlights: ఈ ఏడాది 1.70 లక్షల కుటుంబాలకు దళిత బంధు.. స్వాతంత్ర్య వేడుకల్లో సీఎం కేసీఆర్‌..

దేశ తలసరి ఆదాయం కంటే, తెలంగాణ ఆదాయమే ఎక్కువ: సీఎం కేసీఆర్‌

గోల్కోండ కోటలో నిర్వహించిన స్వాతంత్ర్య దినోత్సవ వేడుకలకు తెలంగాణ ముఖ్యమంత్రి సీఎం కేసీఆర్‌ హాజరయ్యారు. జెండా ఆవిష్కరణ అనంతరం సీఎం ప్రజలను ఉద్దేశించి మాట్లాడుతున్నారు. ఈ సందర్భంగా ఆయన మాట్లాడుతూ.. ‘తెలంగాణ వ్యాప్తంగా 15 రోజుల పాటు స్వాతంత్ర్య వజ్రోత్సవ వేడుకలు జరుపుకున్నాము. తెలంగాణ రాష్ట్రం త్రివర్ణ శోభితంగా విరాజిల్లుతోంది. దేశానికి దూక్సూచిగా తెలంగాణ నిలుస్తోంది. దేశ తలసరి ఆదాయం కంటే తెలంగాణ తలసరి ఆదాయం ఎక్కువగా ఉంది’ అని చెప్పుకొచ్చారు. టీఆర్‌ఎస్‌ ప్రభుత్వం చేస్తున్న, చేసిన అభివృద్ధి పనులు గురించి కేసీఆర్‌ ఏమన్నారంటే..

సీఎం కేసీఆర్ స్పీచ్..

జాతీయ జెండా ప్రజాస్వామ్యానికి ప్రతీక: జగన్‌ మోహన్‌ రెడ్డి

విజయవాడ ఇందిరాగాంధీ స్టేడియంలో స్వాతంత్ర్య దినోత్సవ వేడుకల్లో పాల్గొన్న ఏపీ సీం జగన్‌ మోహన్‌ రెడ్డి జాతీయ పతాకాన్ని ఆవిష్కరించిన తర్వాత ప్రజలను ఉద్దేశించి మాట్లాడుతున్నారు. ఈ సందర్భంగా ఆయన మాట్లాడుతూ.. ‘జాతీయ జెండా భిన్నత్వంలో ఏకత్వానికి, ప్రజాస్వామ్యానికి ప్రతీక. పింగళి వెంకయ్య రూపొందించిన జాతీయ జెండా భారతీయుల గుండె’ అని చెప్పుకొచ్చారు.

జాతీయ జెండాను ఆవిష్కరించిన ఏపీ సీఎం జగన్‌..

ఆంధ్రప్రదేశ్‌ ముఖ్యమంత్రి జగన్‌ మోహన్ రెడ్డి జాతీయ జెండాను ఆవిష్కరించారు. విజయవాడలోని ఇందిరాగాంధీ స్టేడియంలో ఏర్పాటు చేసిన స్వాతంత్ర్య వేడుకల్లో పాల్గొన్న జగన్‌ జెండా ఎగరువేసిన అనంతరం పోలీసుల గౌరవ వందనం స్వీకరించారు.

దేశం నవ సంకల్పంతో ముందుకెళుతోంది..

దేశం నవసంకల్పంతో ముందుకెళ్తోందని ప్రధానమంత్రి నరేంద్రమోదీ ఉద్ఘాటించారు. దేశ రాజధాని ఢిల్లీలో జరుగుతున్న స్వాతంత్య్ర దినోత్సవ వేడుకల్లో ఎర్రకోట పై ఆయన వరుసగా 9వ సారి జాతీయ జెండాను ఎగరవేశారు. ఈసందర్భంగా జాతినుద్దేశించి ప్రధానమంత్రి నరేంద్రమోదీ మాట్లాడుతూ.. తొలుత దేశ ప్రజలకు ఆజాదీ కా అమృత్ మహోత్సవ్ వేడుకల శుభాకాంక్షలు తెలిపారు. స్వాతంత్య్ర ఉద్యమంలో మహిళా శక్తి ఎంతో కీలకంగా వ్యవహరించిందని.. ఎంతో మంది మహిళా మణులు ప్రాణత్యాగం చేశారని.. వారిని చూసి దేశం గర్విస్తోందన్నారు. ఎంతో మంది మహానీయుల పేర్లను స్మరిస్తూ.. వారందరిని ఈసందర్భంగా గుర్తుచేసుకోవల్సిన అవసరం ఎంతైనా ఉందన్నారు. ఆదివాసీలు స్వాతంత్య్ర ఉద్యమంలో పోషించిన పాత్రను గుర్తు చేస్తూ.. అల్లూరి సీతారామరాజు పేరును ప్రధాని స్మరించుకున్నారు. మహత్మాగాంధీ, నేతాజీ సుభాష్ చంద్రబోస్, వీర సావర్కర్ వంటి మహానీయుల స్ఫూర్తితో దేశం ముందుకెళ్తోందన్నారు.

ప్రధాని పూర్తి ప్రసంగం ఇక్కడ చూడండి..

భారత్ సాధించిన ఘనతల గురించి వివరిస్తోన్న ప్రధాని..

దేశ చరిత్రలో నేడు చారిత్రక దినోత్సవం..

75 స్వాతంత్ర్య దినోత్సవం సందర్భంగా ఎర్రకోటపై జాతీయ పతాకాన్ని ఆవిష్కరించిన అనంతరం ప్రధాని నరేంద్రమోదీ జాతీని ఉద్దేశించి మాట్లాడుతున్నారు. ఈ సందర్భంగా ఆయన మాట్లాడుతూ.. ‘ప్రపంచ వ్యాప్తంగా జాతీయ జెండా రెపరెపలాడుతోంది. అజాదీకా అమృత్‌ మహోత్సవ్‌ భారత్‌కు మాత్రమే పరిమితం కాలేదు. దేశం నవ సంకల్పంతో వెళుతోంది. అమర వీరుల త్యాగాన్ని స్మరించుకోవాలి. దేశం కోసం పోరాడిన వీరనారీమణులకు సెల్యూట్‌ చేస్తున్నాను. అల్లూరి సీతరామరాజు మాతృభూమి కోసమే జీవించారు’ అని చెప్పుకొచ్చారు.

జాతీని ఉద్దేశించి మాట్లాడుతోన్న ప్రధాని నరేంద్ర మోదీ..

#WATCH Live: Prime Minister Narendra Modi addresses the nation from the ramparts of the Red Fort on #IndependenceDay (Source: DD National)

https://t.co/7b8DAjlkxC

— ANI (@ANI) August 15, 2022

రాజ్‌ ఘాట్‌ దగ్గర నివాళులు అర్పించిన మోదీ..

మరికాసేపట్లో ఎర్రకోటపై జాతీయ జెండాను ఆవిష్కరించనున్న ప్రధాని నరేంద్ర మోదీ రాజ్‌ ఘాట్‌ వద్ద నివాళులు అర్పించారు. మహాత్మాగాంధీ సమాధికి నమస్కరించి, పుష్పాంజలి ఘటించారు. ప్రస్తుతం మోదీ ఎర్రకోటకు బయలుదేరారు.

Delhi | PM Modi pays tribute to Mahatma Gandhi at Rajghat on the 76th Independence Day pic.twitter.com/1UFpkoVoAR

— ANI (@ANI) August 15, 2022

జెండా ఎగురవేసిన కేంద్ర మంత్రి కిషన్‌ రెడ్డి..

కేంద్ర మంత్రి కిషన్‌ రెడ్డి జెండా ఎగురవేశారు. న్యూఢిల్లీలోని తన నివాసంలో జాతీయ పతాకాన్ని ఆవిష్కరించినట్లు మంత్రి స్వయంగా ట్విట్టర్‌ వేదికగా పంచుకున్నారు. ఇందుకు సంబంధించిన వీడియోను షేర్‌ చేశారు.

Unfurled the National Flag at my official residence in New Delhi, on the special occasion of India’s 76th #स्वतंत्रतादिवस. pic.twitter.com/cd34xX4Rga

— G Kishan Reddy (@kishanreddybjp) August 15, 2022

ఎర్రకోటపై మోదీ జెండా ఎగరేయడం ఇది తొమ్మిదో సారి..

మరికాసేపట్లో ప్రధాని నరేంద్రమోదీ ఎర్రకోటపై జాతీయ జెండాను ఆవిష్కరించనున్నారు. ఇందుకోసం ఎర్రకోటను సర్వాంగసుందరంగా ముస్తాబు చేశారు. నరేంద్ర మోదీ ఎర్రకోటపై జాతీయ పతాకాన్ని ఆవిష్కరించడం ఇది వరుసగా తొమ్మిదో సారి. ప్రధాని షెడ్యూల్‌ సాగుతుంది ఇలా.. * ఉదయం 7:06 – మహాత్మా గాంధీ సమాధి అయిన రాజ్‌ఘాట్‌లో ప్రధాని మోదీ పూలమాలలు వేస్తారు. * ఉదయం 7:14 గంటలకు రాజ్‌ఘాట్ నుంచి ఎర్రకోటకు బయలుదేరుతారు. 7:18 గంటలకు లాహోరీ గేట్‌కు వెళ్లి ఆర్‌ఎం, ఆర్‌ఆర్‌ఎం, డిఫెన్స్ వందనాలు తీసుకుంటారు. * 7:20 గంటలకు ఎర్రకోట వద్ద గౌరవ గార్డ్ నిర్వహిస్తారు. * 7:30 గంటలకు ప్రధాన మంత్రి ఎర్రకోటపై త్రివర్ణ పతాకాన్ని ఎగురవేస్తారు.