Milk Products: పాల ఉత్పత్తుల దిగుమతిపై ఎలాంటి నిర్ణయం తీసుకోలేదని తేల్చిచెప్పిన కేంద్రం
దేశంలో పాల ఉత్పత్తుల లీన్ సీజన్ ప్రారంభమైంది. దీంతో వీటి కొరత ఏర్పడటం వల్ల విదేశాల నుంచి పాల ఉత్పత్తులను దిగుమతి చేసుకునేందుకు కేంద్ర ప్రభుత్వం ప్రణాళికలు చేస్తోందని ఇటీవల వార్త కథనాలు వచ్చాయి.
Updated on: Apr 09, 2023 | 11:03 AM
దేశంలో పాల ఉత్పత్తుల లీన్ సీజన్ ప్రారంభమైంది. దీంతో వీటి కొరత ఏర్పడటం వల్ల విదేశాల నుంచి పాల ఉత్పత్తులను దిగుమతి చేసుకునేందుకు కేంద్ర ప్రభుత్వం ప్రణాళికలు చేస్తోందని ఇటీవల వార్త కథనాలు వచ్చాయి. అయితే ఈ విషయంపై శనివారం అధికారులు స్పందించారు. మీడియాలో వచ్చే కథనాలు అవాస్తవమని కొట్టిపారేశారు. పాల ఉత్పత్తులను దిగుమతి చేసుకోవాలనే విషయంపై పశుసంరక్షణ విభాగం ఇంతవరకు ఎలాంటి నిర్ణయం తీసుకోలేదని స్పష్టం చేశారు. ఓ మీడియా కథనం ప్రకారం 2022-23 వ్యవధిలో భారత్ లో ప్రైవేట్ పాల ఉత్పత్తుల ఎగుమతులు వెయ్యి శాతం పెరిగి 4.77 బిలియన్ డాలర్లకు చేరుకున్నాయి. నెయ్యి లాంటి కొవ్వు పదార్థాలకు అంతర్జాతీయ మార్కెట్ లో అత్యధికంగా డిమాండ్ ఉండటంతో ఇవి ఎక్కువగా విదేశాలకు దిగుమతి అయ్యాయి. ఈ కారణంగానే పాల ఉత్పత్తులు పెరిగినట్లు నివేదించింది.
అయితే 2022 డిసెంబర్ తో పోల్చుకుంటే 2023 ఫిబ్రవరిలో వెన్న, నెయ్యి నిల్వలు గణనీయంగా పెరిగాయని అధికారులు తెలిపారు. ఈ ఏడాది మార్చిలో అకాల వర్షాలు పడటం వల్ల పాల ఉత్పత్తులు పెరగడం కొనసాగాయని పశుసంవర్థక శాఖ సెక్రటరీ రాజేశ్ కుమార్ సింగ్ తెలిపారు. దీనివల్ల పాల ఉత్పత్తుల ధరలు పెరిగాయని.. కానీ వినియోగదారులపై ప్రభావం ఏర్పడిందని తెలిపారు. అయితే రైతులకు మంచి లాభాలు వస్తాయనే ఆలోచనతోనే పాల ధరలు పెంచాల్సి వచ్చిందని గుజరాత్ మిల్క్ మార్కెటింగ్ ఫెడరేషన్ అధికారి తెలిపారు.ఏప్రిల్ మాసం నుంచి లీన్ సీజన్ ప్రారంభం కావడంతో.. పాల ఉత్పత్తులను దిగుమతి చేసుకునే విషయంపై పశు సంరక్షణ విభాగం ఇంకా ఎలాంటి నిర్ణయం తీసుకోలేదని.. ఈ విభాగం ఎప్పుడు కూడా ఏదైన నిర్ణయాలు తీసుకుంటే పాల ఉత్పత్తిదారుల ప్రయోజనాలను దృష్టిలో ఉంచుకునే ముందుకు వెళ్తుందని.. రాజేశ్ కుమార్ సింగ్ స్పష్టం చేశారు.
మరిన్ని జాతీయ వార్తల కోసం
