ప్రధాని మోదీ, కేంద్రమంత్రిపై సంచలన ఆరోపణలు.. రాహుల్‌కు బీజేపీ సభా హక్కుల ఉల్లంఘన నోటీసులు..!
ప్రధాని నరేంద్ర మోదీ, కేంద్రమంత్రి హర్దీప్‌సింగ్‌ పూరీపై రాహుల్‌గాంధీ అనుచిత వ్యాఖ్యలు చేశారని బీజేపీ సభా హక్కుల ఉల్లంఘన నోటీసులు ఇచ్చింది. రాహుల్ పార్లమెంట్ సభ్యత్వాన్ని రద్దు చేయాలని స్పీకర్‌కు విజ్ఞప్తి చేశారు. బీజేపీ ఎంపీ నిషికాంత్ దూబే రాహుల్‌కు సభా హక్కుల ఉల్లంఘన నోటీసులు ఇచ్చారు. రాహుల్ జీవితాంతం ఎన్నికల్లో పోటీ చేయకుండా నిషేధం విధించాలని స్పీకర్‌ను కోరారు.
Updated on: Feb 12, 2026 | 1:09 PM
ప్రధాని నరేంద్ర మోదీ, కేంద్రమంత్రి హర్దీప్‌సింగ్‌ పూరీపై రాహుల్‌గాంధీ అనుచిత వ్యాఖ్యలు చేశారని బీజేపీ సభా హక్కుల ఉల్లంఘన నోటీసులు ఇచ్చింది. రాహుల్ పార్లమెంట్ సభ్యత్వాన్ని రద్దు చేయాలని స్పీకర్‌కు విజ్ఞప్తి చేశారు. బీజేపీ ఎంపీ నిషికాంత్ దూబే రాహుల్‌కు సభా హక్కుల ఉల్లంఘన నోటీసులు ఇచ్చారు. రాహుల్ జీవితాంతం ఎన్నికల్లో పోటీ చేయకుండా నిషేధం విధించాలని స్పీకర్‌ను కోరారు. అమెరికా ట్రేడ్‌ డీల్‌తో దేశాన్ని మోదీ అమ్మేశారని తీవ్ర వ్యాఖ్యలు చేశారు రాహుల్. ఎప్‌స్టీన్‌ ఫైల్స్‌లో కేంద్రమంత్రి హర్దీప్‌సింగ్‌ పేరు ఉందని కూడా రాహుల్ చేసిన వ్యాఖ్యలపై రగడ రాజుకుంది.
కాంగ్రెస్ ఎంపీ, ప్రతిపక్ష నాయకుడు రాహుల్ గాంధీ సభ్యత్వాన్ని రద్దు చేయాలని డిమాండ్ చేస్తూ బీజేపీ ఎంపీ నిషికాంత్ దూబే లోక్‌సభలో ఒక తీర్మానాన్ని ప్రవేశపెట్టారు. భారతదేశం-అమెరికా తాత్కాలిక వాణిజ్య ఒప్పందం, కేంద్ర బడ్జెట్‌పై ప్రభుత్వంపై రాహుల్ గాంధీ తీవ్ర విమర్శలు చేసిన నేపథ్యంలో ఈ చర్య తీసుకున్నారు. రాహుల్ గాంధీ దేశాన్ని తప్పుదారి పట్టిస్తున్నారని ఆరోపిస్తూ లోక్‌సభలో ఒక తీర్మానాన్ని ప్రవేశపెట్టినట్లు బీజేపీ ఎంపీ నిషికాంత్ దూబే గురువారం (ఫిబ్రవరి 12) ప్రకటించారు.
ఈ విషయాన్ని చర్చించాలని, రాహుల్ గాంధీ పార్లమెంటు సభ్యత్వాన్ని రద్దు చేయాలని నిషికాంత్ దూబే న్నారు. రాహుల్ గాంధీ జీవితాంతం ఎన్నికల్లో పోటీ చేయకుండా నిషేధించాలని తన తీర్మానంలో డిమాండ్ చేస్తున్నట్లు దూబే అన్నారు. అయితే, రాహుల్ గాంధీపై ప్రివిలేజ్ మోషన్ తీసుకొచ్చే ఆలోచన లేదని దూబే స్పష్టం చేశారు. ఇది రాహుల్ గాంధీని పార్లమెంటు నుండి సస్పెండ్ చేయాలని డిమాండ్ చేస్తూ ఒక స్వతంత్ర తీర్మానం అని ఆయన అన్నారు. తన ప్రతిపాదనలో, జార్జ్ సోరోస్ వంటి బాహ్య శక్తుల మద్దతుతో రాహుల్ గాంధీ దేశాన్ని తప్పుదారి పట్టిస్తున్నారని, నిరాధారమైన ఆరోపణలు చేస్తున్నారని నిషికాంత్ దూబే అన్నారు.
#WATCH | On LoP, Lok Sabha, Rahul Gandhi's statement in Parliament, BJP MP Nishikant Dubey says," I have moved a motion in Lok Sabha today against Rahul Gandhi on how he is misleading the nation with the help of forces like Soros, who want to harm the nation. In the motion I have… pic.twitter.com/MECVIGHdyh
— ANI (@ANI) February 12, 2026
బుధవారం (ఫిబ్రవరి 11) లోక్‌సభలో రాహుల్ గాంధీ మాట్లాడుతూ, భారతదేశం-అమెరికా వాణిజ్య ఒప్పందంలో ప్రభుత్వం దేశ ప్రయోజనాలను దెబ్బతీసిందని ఆరోపించారు. ప్రపంచం ప్రస్తుతం అస్థిర కాలంలో ఉందని, ఇక్కడ ఇంధనం, ఆర్థిక వనరులను ఆయుధాలుగా ఉపయోగిస్తున్నారని ప్రభుత్వమే గుర్తిస్తుందని ఆయన అన్నారు. అయినప్పటికీ, భారతదేశం తన ఇంధన భద్రతకు సంబంధించిన కీలక నిర్ణయాలలో అమెరికాకు ఎక్కువ ప్రాధాన్యత ఇచ్చిందని ఆయన అన్నారు. అయితే రాహుల్ గాంధీ ప్రసంగాన్ని అపరిపక్వమైనది అని అభివర్ణిస్తూ, పలువురు బీజేపీ నాయకులు విమర్శించారు. ప్రతిపక్షం దేశ ప్రతిష్టను దెబ్బతీసేందుకు ప్రయత్నిస్తున్నదని భారతీయ జనతా పార్టీ ఎంపీ ధ్వజమెత్తారు.
మరిన్ని జాతీయ వార్తల కోసం ఇక్కడ క్లిక్ చేయండి..
