Viral: గూడ్స్ క్యారియర్‌లో 74 చిన్న బాక్సులు.. వాటిని ఓపెన్ చేసి చూడగా పోలీసుల మైండ్ బ్లాంక్!
పంచ్ డైలాగుల ప్రభావం ఎట్టా ఉందో తెలియదు గానీ.. సినిమా ప్రభావం నేరగాళ్లపై ఎక్కువగా ఉండనే చెప్పాలి...
పంచ్ డైలాగుల ప్రభావం ఎట్టా ఉందో తెలియదు గానీ.. సినిమా ప్రభావం నేరగాళ్లపై ఎక్కువగా ఉండనే చెప్పాలి. ఏంటి ఈ డైలాగ్ అని అనుకుంటున్నారా.? కొంచెం సినిమా డైలాగ్ స్టైల్‌ను మార్చాం లెండి.. గంజాయి అక్రమ రవాణాకు పోలీసులు అడ్డుకట్ట వేస్తున్నప్పటికీ.. నేరగాళ్లు సినిమాల్లో వచ్చే సీన్స్‌ను ఆధారంగా చేసుకుని తెలివిగా గంజాయిను రాష్ట్రాలను దాటించేస్తున్నారు. తాజాగా గంజాయిని అక్రమంగా తరలిస్తోన్న ఓ ముఠాను రెడ్ హ్యాండెడ్‌గా పట్టుకున్నారు పోలీసులు.
వివరాల్లోకి వెళ్తే.. శనివారం సాయంత్రం కరీంగంజ్ జిల్లాలోని చురైబారి ప్రాంతంలో అస్సాం పోలీసులు వాహనాల తనిఖీలు చేపడుతున్నారు. ఆ సమయంలో వాళ్లకు పక్క రాష్ట్రం నుంచి వస్తోన్న గూడ్స్ క్యారియర్‌పై అనుమానమొచ్చింది. దాన్ని ఆపి.. వాహన పత్రాల కోసం డ్రైవర్‌ను అడగ్గా.. అతడు పొడిపొడి సమాధానాలు చెప్పడంతో.. పోలీసులు ఆ క్యారియర్‌ను క్షుణ్ణంగా పరిశీలించారు.
అందులో వారికి 74 చిన్న బాక్సులు కనిపించాయి. వాటిల్లో 1480 కిలోల గంజాయిని పోలీసులు స్వాధీనం చేసుకున్నారు. అలాగే క్యారియర్ డ్రైవర్‌ను సైతం అదుపులోకి తీసుకున్నారు. కాగా, గత నెలలో ఇదే జిల్లాలో ట్రక్కులో వేరే రాష్ట్రానికి అక్రమంగా తరలిస్తోన్న 1183 కిలోల గంజాయిని పోలీసులు పట్టుకున్న సంగతి తెలిసిందే.
