Viral: వామ్మో! అచ్చం మనిషిలా మర్మమైన వింత జంతువు!! ధైర్యముంటేనే చూడండి..
చందమామ కధల్లో చిత్ర విచిత్రమైన ఆకారాల్లో వచ్చే రాక్షసుల గురించి మీరు వినే ఉంటారు. అలాంటిదే ఇది కూడా.. మనిషి లాంటి వింత జీవి భయం పుట్టిస్తోంది..
Updated on: Jun 11, 2022 | 11:46 AM
ప్రపంచంలో మనకు తెలియని ఎన్నో వింతలు, విశేషాలు ఉన్నాయి. వాటిల్లో కొన్ని సమాధానాలు లేని ప్రశ్నలుగా మిగిలిపోయాయి. కొన్ని విషయాల గురించి మనం విన్నప్పుడు.. అసలు ఇలాంటి కూడా జరుగుతాయా.? అని అనిపిస్తుంది. చూసి షాక్ అవుతాం కూడా. తాజాగా అలాంటి సంఘటన ఒకటి జరిగింది. అదేంటో చూస్తే మీరు కచ్చితంగా గగుర్పాటుకు గురి కావడం ఖాయం..
డెమోగోర్గాన్, మైండ్ ఫ్లైయర్, వెక్నా.. ఇంకా కొన్ని విచిత్రమైన జీవుల పేర్లు వినే ఉంటారు.. ‘స్ట్రేంజర్ థింగ్స్’ వెబ్ సిరీస్ చూస్తే మీకు అర్ధమవుతుంది. సరిగ్గా అందులో వచ్చే విలన్స్ మాదిరిగా ఓ వింత జంతువు అర్ధరాత్రి వేళ సంచరిస్తోంది. అచ్చం మనిషిలాగ రెండు కాళ్లతో తిరుగుతోంది. అమెరికాలోని టెక్సాస్‌లో ఈ ఘటన చోటు చేసుకుంది. అక్కడి అమారి పట్టణంలో ఓ జూ ఉంది. గత నెల 21వ తేదీ అర్ధరాత్రి సుమారు 1.25 గంటలకు మనిషిలా రెండు కాళ్లతో ఓ వింత జంతువు నిలబడి ఉంది. అందుకు సంబంధించిన విజువల్స్ జూ సీసీటీవీ కెమెరాల్లో రికార్డు కాగా.. అది జూ లోపల ఉందేమోనని చెక్ చేసిన అధికారులు.. ఆ జంతువు జూ వెలుపల ఉన్నట్లు గుర్తించారు. అనంతరం ఈ విషయం స్థానిక మీడియాకు తెలియడంతో అది కాస్తా వైరల్‌గా మారింది.
What is it? Strange image caught on camera at Texas zoo. DETAILS >>> https://t.co/W3Xxgycw5Y pic.twitter.com/o9gGAk61kY
— WFTV Channel 9 (@WFTV) June 9, 2022
కాగా, నెట్టింట ఈ ఫోటోను చూసిన నెటిజన్లు వరుసపెట్టి కామెంట్స్‌తో హోరెత్తిస్తున్నారు. ‘అది నిజంగా వింత జీవేనా’ లేక మనుషులెవరైనా ప్రాంక్ చేస్తున్నారా అని కామెంట్స్ పెడుతున్నారు. ఇక ఈ జీవి ఆ రోజు పలుసార్లు కనిపించడంతో.. జూ అధికారులు సీరియస్‌గా తీసుకున్నారు. దీనిపై దర్యాప్తు చేస్తున్నట్లు తెలిపారు.
