Gyanvapi mosque: ఎట్టకేలకు జ్ఞానవాపి మసీద్లో మొదలైన ఆర్కియాలాజికల్ సర్వే.. నివేదికపై ఉత్కంఠ
ఈ మధ్య వివాదస్పదంగా మారిన జ్ఞానవాపి మసీద్లో ఎట్టకేలకు ఆర్కియాలజికల్ సర్వే ఆఫ్ ఇండియా సర్వే ప్రారంభమైంది. సోమవారం ఉదయం నుంచి అధికారులు ఆ సర్వే చేపట్టనున్నారని వారణాసి జిల్లా మెజిస్ట్రేట్ స్పష్టం చేశారు. ముందుగా పోలీసులు బృందం ఆ మసీదులోపలికి ప్రవేశించారు.
Updated on: Jul 24, 2023 | 9:00 AM
ఈ మధ్య వివాదస్పదంగా మారిన జ్ఞానవాపి మసీద్లో ఎట్టకేలకు ఆర్కియాలజికల్ సర్వే ఆఫ్ ఇండియా సర్వే ప్రారంభమైంది. సోమవారం ఉదయం నుంచి అధికారులు ఆ సర్వే చేపట్టనున్నారని వారణాసి జిల్లా మెజిస్ట్రేట్ స్పష్టం చేశారు. ముందుగా పోలీసులు బృందం ఆ మసీదులోపలికి ప్రవేశించారు. ఆ తర్వాత అర్కియాలజికల్ అధికారులు అక్కడికి వచ్చారు. అయితే సుప్రీంకోర్టు ఆదేశాల ప్రకారం సీల్ వేసినటువంటి ప్రాంతాన్ని మాత్రం ప్రస్తుతం చేపడుతున్న సర్వే నుంచి మినహాయింపు ఇచ్చారు.
ఇటీవల వాజుఖానా ఆకారం బయటపడటంతో అది శివలింగమని హిందు సంఘాలు వాదించాయి. అయితే మసీది కమిటీ అది నీటి కొలను నిర్మాణమని వాదించింది. దీంతో ఈ రెండు వర్గాల మధ్య పరస్పర వాదనలు, విమర్శలు చోటుచేసుకున్న సంగతి తెలిసిందే. ఈ నేపథ్యంలోనే స్థానిక కోర్టు వెంటనే సర్వే చేపట్టాలంటూ పురావస్తు శాఖకు శుక్రవారం ఆదేశాలు జారీ చేసింది. ఈ సర్వేను పూర్తి చేసి ఆగస్టు 4వ తేదిన జిల్లా కోర్టుకు అర్కియలాజికల్ అధికారులు తమ నివేదికను అందించనున్నారు. ఇదిలా ఉండగా శాస్త్రీయ సర్వే చేపట్టాలన్న వారణాసి కోర్టు ఉత్తర్వులపై మసీదు నిర్వహణ కమిటి సుప్రీంకోర్టును ఆశ్రయించి వెంటనే విచారణ చేపట్టాలని కోరింది. అయితే ఈ పిటిషన్ సోమవారం చీఫ్ జస్టీస్ డీవై చంద్రచూడ్ ముందుకు రానుంది.
#WATCH | Varanasi, UP: ASI (Archaeological Survey of India) to conduct survey of the Gyanvapi mosque complex today
Visuals from outside the Gyanvapi premises pic.twitter.com/VrvywzKp99
— ANI UP/Uttarakhand (@ANINewsUP) July 24, 2023
మరిన్ని జాతీయ వార్తల కోసం క్లిక్ చేయండి.
