Assembly Elections 2022 Schedule: ఐదు రాష్ట్రాల అసెంబ్లీ ఎన్నికలకు షెడ్యూల్‌ విడుదల.. 7 దశల్లో పోలింగ్

మార్చి 10న ఓట్ల లెక్కింపు

5 రాష్ట్రాలకు సంబంధించి ఎన్నికల పోలింగ్ ప్రక్రియ మార్చి 7న పూర్తవుతుందని ఎన్నికల సంఘం తెలిపింది. ఆ తర్వాత మార్చి 10న ఓట్ల లెక్కింపు చేపడతామన్నారు.

మణిపూర్‌లో రెండు దశల్లో ఎన్నికలు

మణిపూర్ అసెంబ్లీ ఎన్నికలను రెండు దశల్లో నిర్వహించనున్నట్లు ఎన్నికల సంఘం ప్రకటించింది. ఫిబ్రవరి 27న తొలి విడత పోలింగ్‌, మార్చి 3న రెండో విడత పోలింగ్‌ జరగనుంది.

అభ్యర్థుల వ్యయ పరిమితి

అవినీతికి వ్యతిరేకంగా జీరో టాలరెన్స్ పాలసీ అని చీఫ్ ఎలక్షన్ కమిషనర్ అన్నారు. యూపీ, పంజాబ్‌లలో అభ్యర్థులు రూ.40 లక్షలు వెచ్చించవచ్చు. ఇది కాకుండా, గోవా, మణిపూర్, ఉత్తరాఖండ్‌లలో అభ్యర్థులు రూ.28 లక్షలు ఖర్చు చేయడానికి అనుమతించడం జరుగుతుంది

యుపిలో 7 దశల్లో పోలింగ్

యుపిలో ఫిబ్రవరి 10, ఫిబ్రవరి 14, ఫిబ్రవరి 22, ఫిబ్రవరి 23, ఫిబ్రవరి 27, మార్చి 3, మార్చి 7 తేదీల్లో పోలింగ్, ఫలితాలు మార్చి 10న వెలువడనున్నాయి.

పంజాబ్, ఉత్తరాఖండ్, గోవాలో ఒకే దశ పోలింగ్

పంజాబ్, ఉత్తరాఖండ్, గోవాలలో ఒకే దశలో ఫిబ్రవరి 14న పోలింగ్ జరుగనుంది. ఫలితాలు మార్చి 10న జరుగుతాయి.

మార్చి 10న ఓట్ల లెక్కింపు

ఐదు రాష్ట్రాల అసెంబ్లీ ఎన్నికల ఓట్ల లెక్కింపు మార్చి 10న జరగనుంది – ఎన్నికల సంఘం

యూపీలో ఫిబ్రవరి 10న మొదటి దశ పోలింగ్

5 రాష్ట్రాల్లో 7 దశల్లో ఎన్నికలు జరుగుతాయని కేంద్ర ఎన్నికల సంఘం కమీషనర్ సుశీల్ కుమార్ ప్రకటించారు. యూపీలో ఫిబ్రవరి 10న మొదటి దశ ఎన్నికలు, నోటిఫికేషన్ జారీ తేదీ – జనవరి 14, నామినేషన్ చివరి తేదీ జనవరి 21.

Up Election

ప్రచారానికి కరోనా మార్గదర్శకాలు

ఎన్నికల ప్రచార సమయంలో, కరోనా మార్గదర్శకాలను అనుసరించడం ద్వారా మాత్రమే ర్యాలీలు నిర్వహించవచ్చు. రాజకీయ పార్టీలు పాల్గొనే వ్యక్తుల కోసం మాస్క్‌లు మరియు శానిటైజర్‌లను ఏర్పాటు చేస్తాయి – ఎన్నికల సంఘం

7 దశల్లో ఎన్నికల పోలింగ్

5 రాష్ట్రాల్లో 7 దశల్లో ఎన్నికలు జరుగుతాయి- ఎన్నికల సంఘం

పోలింగ్ బూత్‌ల సంఖ్య 2.16 లక్షలు

సమస్యాత్మక పోలింగ్ బూత్ లలో వెబ్ కాస్టింగ్ లైవ్ ప్రసారం ఏర్పాటు.. మొత్తంగా 60 శాతం పోలింగ్ బూత్ లలో వెబ్ కాస్టింగ్.. -పోలింగ్ బూత్ ల సంఖ్య 2.16 లక్షలకు పెరిగింది. గతంతో పోల్చుకుంటే 16 శాతంపెరుగుదల నమోదైనట్లు సీఈసీ తెలిపారు.

రోడ్ షో, ర్యాలీలపై నిషేధం!

జనవరి 15, 2022 వరకు పాదయాత్ర, రోడ్ షో, బైక్ ర్యాలీ లేదా ఊరేగింపు అనుమతి లేదు. జనవరి 15 వరకు భౌతిక ర్యాలీ కూడా ఉండదు.అలాగే, కౌంటింగ్ తర్వాత విజయయాత్రకు అనుమతి లేదు: ఎన్నికల సంఘం

ఎన్నికల ప్రచారం డిజిటల్ విధానంలో..

రాజకీయ పార్టీలు, అభ్యర్థులు తమ ఎన్నికల ప్రచారాన్ని వీలైనంత వరకు డిజిటల్‌ విధానంలో నిర్వహించాలని సూచించారు. దీనికి సంబంధించి సవివరమైన మార్గదర్శకాలు జారీ చేయనున్నారు.

పోలింగ్ సమయం ఒక గంట పొడిగింపు

ఐదు రాష్ట్రాల్లో ఓటింగ్ కోసం అదనంగా 1 గంట పొడిగించడం జరిగింది – ఎన్నికల సంఘం

కరోనా వేళ సవాల్‌గా మారిన ఎన్నికలు – సీఈసీ

కరోనా థర్డ్ వేవ్ మధ్య ఎన్నికల నిర్వహణ పెద్ద సవాల్‌గా మారిందని చీఫ్ ఎలక్షన్ కమీషనర్ చెప్పారు. అయితే, కోవిడ్ నిబంధనలకు అనుగుణంగా పోలింగ్ ఏర్పాట్లు చేస్తున్నామన్నారు. జనవరి 7 నాటికి గోవాలోని వయోజన జనాభాలో 95 శాతం మంది కరోనా వ్యాక్సిన్ రెండు మోతాదులను తీసుకున్నారు. ఉత్తరాఖండ్‌లో 99 శాతం మంది ఒక డోస్, 70 శాతం మంది రెండు డోస్‌లు తీసుకున్నారు. ఉత్తరప్రదేశ్‌లో 90 శాతం మంది ఒక డోస్ తీసుకున్నారు. 50 శాతం కంటే ఎక్కువ మంది రెండు డోస్‌లు తీసుకున్నారు.

సకాలంలో ఎన్నికలు నిర్వహించడం రాజ్యాంగ బాధ్యత

ఆర్టికల్ 172-1లో ప్రతి అసెంబ్లీ ఎన్నికలను గరిష్టంగా 5 సంవత్సరాలకోసారి కచ్చితంగా ఎన్నికలు నిర్వహించాలని రాజ్యాంగంలో ఉంది. అందుకే సకాలంలో ఎన్నికలు నిర్వహించడం రాజ్యాంగ బాధ్యత – ఎన్నికల సంఘం

. ఓటర్లకు ఓటర్ గైడ్

ఓటర్లు తమ ఓటు హక్కు గురించి తెలుసుకోవాలని మేము కోరుకుంటున్నాము. ఓటర్లను చేరుకోవడానికి ప్రత్యేక ప్రచారాన్ని నిర్వహిస్తున్నాం. ఓటర్లకు చిన్న ఓటర్ గైడ్ అందించడం జరుగుతుంది. తక్కువ ఓటింగ్ శాతం ఉన్న పోలింగ్ బూత్‌ల వద్ద అవగాహన ప్రచారం నిర్వహించడం జరుగుతుంది. ఓటర్లు తమ ఓటు హక్కును గరిష్ట సంఖ్యలో ఉపయోగించాలి – ఎన్నికల సంఘం

పారదర్శకంగా ఎన్నికల కోసం డిజిటల్ టెక్నాలజీ

పారదర్శకంగా ఎన్నికల కోసం డిజిటల్ టెక్నాలజీని అవలంబిస్తున్నట్లు ఎన్నికల సంఘం ప్రకటించింది. ఎన్నికల ప్రవర్తనా నియమావళిని ఎలాంటి ఉల్లంఘన జరిగినా సి విజిల్ యాప్‌లో ఫిర్యాదు చేయవచ్చని పేర్కొంది. ధనబలం, ప్రభుత్వ యంత్రాంగాన్ని దుర్వినియోగం చేయడాన్ని సహించేది లేదని ఎన్నికల సంఘం కమిషనర్ తెలిపారు.

కేంద్ర పరిశీలకులుగా సివిల్ సర్వీస్ అధికారులు

సివిల్ సర్వీస్ అధికారులను కేంద్ర పరిశీలకులుగా నియమిస్తారు. అవసరమైతే ప్రత్యేక పరిశీలకులను కూడా నియమిస్తాం: ఎన్నికల సంఘం

ఆన్‌లైన్‌లో నామినేషన్ స్వీకరణ

ఎన్నికల్లో పోటీ చేసే అభ్యర్థులు ఆన్‌లైన్ నామినేషన్ దాఖలు చేసేందకు ఎన్నికల సంఘం ఈసారి అనుమతిస్తున్నట్లు సీఈసీ తెలిపారు. అన్ని పోలింగ్‌ కేంద్రాల్లో ఈవీఎంలు, వీవీప్యాట్‌లను వినియోగించనున్నారు. ఎన్నికలు సజావుగా నిర్వహించేందుకు తగిన సంఖ్యలో ఈవీఎంలు, వీవీప్యాట్‌లు ఉండేలా ఎన్నికల సంఘం ఇప్పటికే ఏర్పాట్లు చేసిందని సీఈసీ తెలిపారు.

EVMs and VVPATs will be utilized in all the polling stations. Election Commission has already made arrangments to ensure an adequate number of EVMs and VVPATs for the smooth conduct of elections: CEC Sushil Chandra in Delhi pic.twitter.com/6iEAXFx9pJ

— ANI (@ANI) January 8, 2022

900 మంది పరిశీలకులు

మొత్తం 900 మంది పరిశీలకులు ఎన్నికల ప్రక్రియపై నిఘా ఉంచుతారు, అవసరమైతే ప్రత్యేక పరిశీలకులను కూడా నియమించడం జరుగుతుంది – ఎన్నికల సంఘం

48 గంటల ముందు పార్టీలు అభ్యర్థులను ప్రకటించాలి – ఈసీ

అభ్యర్థుల ఎంపికకు 48 గంటల ముందు పార్టీలు ఈ సమాచారాన్ని అప్‌లోడ్ చేయాల్సి ఉంటుంది. అభ్యర్థిపై ఎన్ని క్రిమినల్ కేసులు పెండింగ్‌లో ఉన్నాయి. అభ్యర్థిగా ఎందుకు ఎంపికయ్యాడు. ఇందుకు సంబంధించిన పూర్తి సమాచారాన్ని అప్‌లోడ్ చేయాల్సి ఉంటుందని ఎన్నికల సంఘం పేర్కొంది.

ఈ ఎన్నికల్లో 18 కోట్ల మంది ఓటర్లు

ఎన్నికల సంఘం విలేకరుల సమావేశం కొనసాగుతోంది. ప్రధాన ఎన్నికల కమిషనర్ సుశీల్ చంద్ర మీడియాతో మాట్లాడుతూ.. ఈ ఎన్నికల్లో 18 కోట్ల మందికి పైగా ఓటర్లు పాల్గొంటారని తెలిపారు. ఈసారి 18.34 మంది ఓటర్లు తమ ఓటు హక్కును వినియోగించుకోనున్నారు. 24.9 లక్షల మంది ఓటర్లు తొలిసారిగా ఓటు వేయనున్నారు – సుశీల్ చంద్ర, ప్రధాన ఎన్నికల కమిషనర్

690 అసెంబ్లీ స్థానాలకు ఎన్నికలు

యూపీలో 403, పంజాబ్‌లో 117, గోవాలో 40, ఉత్తరాఖండ్‌లో 70, మణిపూర్‌లో 60 మొత్తం 690 అసెంబ్లీ స్థానాలకు ఎన్నికలు జరగనున్నాయి.

5 రాష్ట్రల ఎన్నికలకు షెడ్యూల్

చీఫ్ ఎలక్షన్ కమిషనర్ సుశీల్ చంద్ర, ఇతర కమిషన్ అధికారులతో కలిసి విజ్ఞాన్ భవన్‌కు చేరుకున్నారు. యూపీ సహా ఐదు రాష్ట్రాల అసెంబ్లీ ఎన్నికల షెడ్యూల్‌ వివరిస్తున్నారు.

Delhi | Chief Election Commissioner Sushil Chandra along with ECI officials arrives at Vigyan Bhawan, to announce poll schedule for five States including Uttar Pradesh pic.twitter.com/Okjg2MI7a9

— ANI (@ANI) January 8, 2022

మరికొద్దిసేపట్లో ఎన్నికల సంఘం తేదీల ప్రకటన

యూపీలో 403, పంజాబ్‌లో 117, ఉత్తరాఖండ్‌లో 70, గోవాలో 40, మణిపూర్‌లో 60 అసెంబ్లీ స్థానాలు ఉన్నాయి. మరికాసేపట్లో ఈ ఐదు రాష్ట్రాల అసెంబ్లీ ఎన్నికల తేదీలను ఎన్నికల సంఘం ప్రకటించనుంది.

Election Commission of India to announce the schedule for Assembly elections to Goa, Punjab, Manipur, Uttarakhand and Uttar Pradesh shortly pic.twitter.com/PzkiNkTjIT

— ANI (@ANI) January 8, 2022

యూపీ, ఉత్తరాఖండ్‌లో కాంగ్రెస్ వర్చువల్ ప్రచారం

కరోనా మహమ్మారి దృష్ట్యా, ఉత్తరప్రదేశ్, ఉత్తరాఖండ్‌లో రాబోయే 15 రోజుల పాటు అన్ని ర్యాలీలను వాయిదా వేస్తున్నట్లు కాంగ్రెస్ పార్టీ ప్రకటించింది. వర్చువల్ ద్వారా ఎన్నికల ప్రచారాన్ని నిర్వహించాలని నిర్ణయించింది. ఇందులో భాగంగా కాంగ్రెస్ జాతీయ ప్రధాన కార్యదర్శి ప్రియాంక గాంధీ శనివారం ఉత్తరప్రదేశ్‌లో వర్చువల్ ర్యాలీని నిర్వహించనున్నారు. ఈ క్రమంలో శుక్ర, శనివారాల్లో జరగనున్న కాంగ్రెస్‌ కేంద్ర ఎన్నికల కమిటీ సమావేశం కూడా వర్చువల్‌ కానుంది. ఇందులో గోవా, పంజాబ్ అసెంబ్లీ ఎన్నికలకు అభ్యర్థులను ఎంపిక చేస్తారు.

పంజాబ్‌లో కొత్త డీజీపీ నియామకం

పంజాబ్‌లో ఎన్నికల ప్రవర్తనా నియమావళికి ముందు కొత్త డీజీపీని నియమించారు. రాష్ట్ర ప్రభుత్వం ప్రస్తుత డీజీపీ సిద్ధార్థ్ ఛటోపాధ్యాయ స్థానంలో వీకే భవ్రాకు డీజీపీ బాధ్యతలు అప్పగించింది సర్కార్. నాలుగు నెలల్లోనే రాష్ట్రంలో నాలుగో డీజీపీ నియమితులయ్యారు.

Dgp Siddhartha Chattopadhyay

యూపీ ఎన్నికలకు సిద్ధమైన పోలీసులు

యూపీ పోలీసులు కూడా ఎన్నికలకు సిద్ధమయ్యారు. ఉత్తరప్రదేశ్ 17వ శాసనసభకు 2017 ఫిబ్రవరి 11 నుండి మార్చి 8 వరకు ఏడు దశల్లో ఎన్నికలు జరిగాయి. ఎన్నికలను నిష్పక్షపాతంగా, ప్రశాంతంగా నిర్వహించేందుకు జనవరి 10న 150 కంపెనీల కేంద్ర బలగాలు ఉత్తరప్రదేశ్‌కు రానున్నాయి. 150 ఫోర్స్‌లో సీఆర్‌పీఎఫ్‌కు చెందిన 50, బీఎస్‌ఎఫ్‌కు చెందిన 30, ఎస్‌ఎస్‌బీకి చెందిన 30, సీఐఎస్‌ఎఫ్‌కు చెందిన 20, ఐటీబీపీకి చెందిన 20 కంపెనీలు ఉంటాయి. ఈ బలగాల కంపెనీలను 75 జిల్లాలు, మూడు కమిషనరేట్‌ పరిధిలో అవసరాన్ని బట్టి కేటాయించారు.

4 రాష్ట్రాల పదవీకాలం మార్చితో ముగింపు

2017 అసెంబ్లీ ఎన్నికల తేదీల మాదిరిగానే ఈసారి కూడా ఫిబ్రవరి, మార్చి మొదటి వారంలోగా ఎన్నికలు ముగిసే అవకాశం ఉందని చెబుతున్నారు. ఉత్తరప్రదేశ్ శాసనసభ పదవీకాలం మే 2022లో ముగుస్తుంది, మిగిలిన నాలుగు రాష్ట్రాల అసెంబ్లీల పదవీకాలం మార్చి 2022లో వేర్వేరు తేదీల్లో ముగుస్తుంది.

ఎన్ని దశల్లో ఎన్నికలంటే

ఈసారి అతిపెద్ద రాష్ట్రమైన ఉత్తరప్రదేశ్‌లో 8 దశల్లో ఓటింగ్ నిర్వహించవచ్చని, పంజాబ్‌లో 3 దశల్లో ఓటింగ్ నిర్వహించవచ్చని చెబుతున్నారు. ఇది కాకుండా, మణిపూర్‌లో రెండు దశలు, గోవా , ఉత్తరాఖండ్‌లలో ఒక్కో దశను నిర్వహించాలని ఎన్నికల సంఘం ప్రకటించవచ్చు. గతసారి కూడా మణిపూర్‌లో రెండు దశల్లో ఓటింగ్ జరిగింది.

యూపీలో 7 దశల్లో పోలింగ్!

జనవరి 4, 2017న ఎన్నికల సంఘం ఎన్నికల తేదీలను ప్రకటించింది, ఇందులో ఉత్తరప్రదేశ్‌లో 7 దశల్లో ఎన్నికలు జరిగాయి. యూపీలో ఫిబ్రవరి 11 నుంచి మార్చి 8 వరకు ఏడు దశల్లో ఎన్నికలు జరిగాయి. కాగా గోవా, పంజాబ్‌లలో ఫిబ్రవరి 4న ఎన్నికలు జరిగాయి.

మరికాసేపట్లో ఎన్నికల తేదీలు

ఉత్తరప్రదేశ్, పంజాబ్, ఉత్తరాఖండ్, గోవా, మణిపూర్ రాష్ట్రాల అసెంబ్లీ ఎన్నికల తేదీలను మరికాసేపట్లో ఎన్నికల సంఘం ప్రకటించనుంది. ఈ 5 రాష్ట్రాల ఎన్నికల తేదీలను సంబంధించి గత ఎన్నికల సమయంలో నేటికి 4 రోజుల ముందు, 4 జనవరి 2017న ప్రకటించింది.