Health: పేగు క్యాన్సర్‌ బారినపడొద్దంటే.. ఈ ఆహారం కచ్చితంగా తీసుకోవాలి..

ప్రస్తుత రోజుల్లో క్యాన్సర్‌ బారిన పడుతోన్న వారి సంఖ్య క్రమంగా పెరుగుతోంది. మారిన జీవన విధానం, తీసుకుంటున్న ఆహారంలో మార్పుల కారణంగా చాలా మంది క్యాన్సర్‌కి గురవుతున్నారు. క్యాన్సర్‌ మహమ్మారితో మరణిస్తున్న వారి సంఖ్య కూడా ఎక్కువుతోంది. మారిన జీవన విధానం కారణంగా పేగు క్యాన్సర్‌ బారిన పడుతోన్న వారి సంఖ్య ఇటీవల ఎక్కువుతోంది. పేగు క్యాన్సర్‌ రావొద్దంటే తీసుకునే ఆహారంలో కచ్చితంగా కొన్ని రకాల మార్పులు తీసుకోవాలని నిపుణులు చెబుతున్నారు.

‘ది అమెరికన్ జర్నల్ ఆఫ్ క్లినికల్ న్యూట్రిషన్’లో ఇందుకు సంబంధించి ఓ నివేదికను ప్రచురించారు. శరీరంలో సరిపడ ఫోలెట్‌ లభించకపోతే దీర్ఘకాలంలో పేగు క్యాన్సర్‌ బారిన పడే అవకాశం ఉంటుందని ఈ నివేదికలో పేర్కొన్నారు. పరిశోధనల్లో భాగంగా సుమారు 70 వేల మంది వ్యక్తుల డేటాను పరిశీలించారు. పరిశోధకుల అభిప్రాయం ప్రకారం శరీరానికి ఫోలేట్‌ శరీరానికి ఎంతో ఉపయోగపడుతుంది.

260 మైక్రోగ్రాముల ఫోలేట్ తీసుకోవడం వల్ల కొలొరెక్టల్ క్యాన్సర్ ప్రమాదాన్ని 7% తగ్గిస్తుంది. వరల్డ్ క్యాన్సర్ రీసెర్చ్ ఫండ్‌లోని పోషకాహార నిపుణులు, ఆరోగ్య సమాచార నిర్వాహకుడు మాట్ లాంబెర్ట్ ప్రకారం, క్యాన్సర్ ప్రమాదాన్ని తగ్గించడానికి కూరగాయలు, పండ్లు, తృణధాన్యాలు, పప్పులను ఆహారంలో భాగం చేసుకోవాలని నిపుణులు చెబుతున్నారు.

శరీరానికి సరిపడ ఫోలేట్ లభించాలంటే తీసుకునే ఆహారంలో బచ్చలికూర, బ్రోకలీ వంటి ఆకుపచ్చ ఆకు కూరలను భాగం చేసుకోవాలని నిపుణులు చెబుతున్నారు. కేవలం పేగు క్యాన్సర్‌ వచ్చే వవకాశాన్ని తగ్గించడం మాత్రమే కాకుండా మొత్తం ఆరోగ్యాన్ని మెరుపరుస్తుందని నిపుణులు తెలిపారు. శరీరంలో కీలక పాత్ర పోషించే ఈ విటమిన్‌ను కచ్చితంగా భాగం చేసుకోవాలని నిపుణులు చెబుతున్నారు.

నోట్‌: పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.

మరిన్ని లైఫ్‌ స్టైల్‌ వార్తల కోసం క్లిక్‌ చేయండి..