Weight Loss: త్వరగా బరువు తగ్గాలా.? 90-30-50 ప్లాన్‌ను ఫాలో అయితే సరి..

ప్రస్తుతం చాలా మంది ఎదుర్కొంటున్న సమస్యల్లో ఊబకాయం ఒకటి. మారుతోన్న జీవన విధానం, ఆహారపు అలవాట్ల కారణంగా బరువు పెరిగిపోతున్నారు. ఇక క్షణం తీరికలేని గజిబిజీ లైఫ్‌ స్టైల్‌ కారణంగా వ్యాయామం చేయడానికి క్షణం తీరిన లేని సమయం. ఓ అంచనా ప్రకారం ప్రతీ ముగ్గురిలో ఒకరు అధిక బరువు సమస్యతో బాధపడుతున్నారని తేలింది. ఇక అధిక బరువును చెక్‌ పెట్టడానికి ఎన్నో రకాల వ్యాయామాలు, ఆహార నియమాలు పాటిస్తున్నారు.

తక్కువ సమయంలో బరువు తగ్గడానికి 90-30-50 అనే డైట్‌ ప్లాన్‌ బాగా ప్రాచుర్యంలోకి వచ్చింది. ఇంతకీ ఈ డైట్ ప్లాన్‌ ఏంటి.? అసలు దీనివల్ల బరువు ఎలా తగ్గొచ్చు.? లాంటి వివరాలు ఇప్పుడు తెలుసుకుందాం. సాధారణంగా బరువు తగ్గడం అనగానే తక్కువగా ఆహారం తీసుకోవడమని భావిస్తుంటాం. కానీ ఈ డైట్ ప్లాన్‌ ద్వారా అలాంటిది ఏం ఉండదు. శరీరం బలహీనతకు గురికావడం లేదా పోషకారహార పోపం ఉండదు. ఈ డైట్‌ ప్లాన్‌కు సంబంధించి పూర్తి వివరాలు..

ఈ డైట్‌ ప్లాన్‌ ప్రకారం ఒక వ్యక్తి రోజులో 90 గ్రాముల గ్రాముల కార్బోహైడ్రేట్లు, 30 గ్రాముల ప్రోటీన్, 50 గ్రాముల ఆరోగ్యకరమైన కొవ్వును తీసుకోవాలి. ఇదే 90-30-50 డైట్ ప్లాన్‌. ఈ డైట్‌ ప్లాన్‌ను మూడు వారాల పాటు కచ్చితంగా పాటించాలి. పోషాకాహార నిపుణులు ఈ డైట్‌ ప్లాన్‌ శరీరానికి ఎంతో మేలు చేస్తుందని చెబుతున్నారు. ఈ డైట్‌ను ఫాలో అవుతూ చిన్న చిన్న వర్కవుట్స్‌ చేసినా మంచి ఫలితం ఉంటుందని చెబుతున్నారు.

ఈ డైట్‌ ప్లాన్‌ను పాటిస్తే వ్యక్తి బరువు తగ్గినా బలహీనంగా మారరు. ఆహారంలో తగినంత ప్రోటీన్‌, ఆరోగ్యకరమైన కొవ్వు, ఫైబర్‌ ఉన్నందున సమతుల్యతతో కూడిన ఆహారాన్ని పొందొచ్చు. అన్ని పోషకాలు సరైన నిష్పత్తిలో అందితే జీవక్రియ రేటు మెరుగవుతుంది. ఈ డైట్‌ ప్లాన్‌లో ప్రోటీన్‌, ఫైబర్‌లపై ఎక్కువగా దృష్టిసారిస్తారు కాబట్టి.. వేగంగా బరువు తగ్గడంలో ఉపయోగపడుతుంది. అన్ని పోషక మూలకాలు ఉన్నందున, ఇది రోజంతా శక్తిని కూడా అందిస్తుంది.

ఈ డైట్ ప్లాన్‌తో త్వరగా బరువు తగ్గే అవకాశం ఉన్నా కొందరికి మాత్రం మంచిది కాదని నిపుణులు చెబుతున్నారు. ముఖ్యంగా జీవక్రియ రేటు బలహీనంగా ఉన్న వ్యక్తులు, గుండె జబ్బులు వంటి సమస్యలతో బాధపడుతున్న వారు, అధిక కొలెస్ట్రాల్‌ ఉన్న వారు ఈ డైట్‌ ప్లాన్‌ను నేరుగా ఫాలో అవ్వకూడదు. ముందుగా ఆరోగ్య నిపుణులను సంప్రదించిన తర్వాతే ఈ డైట్‌ ప్లాన్‌ను అనుసరించాలి.

నోట్‌: పైన తెలిపిన విషయాలు కేవలం ప్రాథమిక సమాచారం మేరకు మాత్రేమ. ఆరోగ్యానికి సంబంధంచి వైద్యుల సూచనలు పాటించడమే ఉత్తమం.

మరిన్ని లైఫ్ స్టైల్ వార్తల కోసం క్లిక్ చేయండి..