ధర తక్కువ రుచి ఎక్కువ..! నాటు కోడిని మించిన టేస్ట్.. జుట్టు కోడి కూర ఇలా వండితే తెపాళ్ల లేపుతారు..

మాంసాహార ప్రియులు.. ఆదివారం చికెన్ ను ఎంతో ఇష్టంగా వండుకుని తింటారు. అయితే.. చికెన్ లో నాటు కోడి మించిన రుచి జుట్టు కోడి వస్తుంది.. జుట్టు కోడి (Layer Chicken) తెలంగాణ, ఆంధ్రప్రదేశ్ లో బాగా ప్రసిద్ధి చెందిన ఒక రకం కోడి.. ఇది నాటు కోడిలాంటి అద్భుతమైన రుచిని, తక్కువ ధరలో అందిస్తుంది. జుట్టు కోడి కూరను, ప్రత్యేకించి తెలంగాణ స్టైల్ మసాలాలతో వండితే, నాటుకోడి పులుసును మించిన రుచి వస్తుందని.. ఇది ఇది దావత్‌లకు చాలా బాగుంటుందని పేర్కొంటుంటారు. సాధారణంగా బ్రాయిలర్ చికెన్ తో పోలిస్తే.. లేయర్ చికెన్ ధర తక్కువగా ఉంటుంది.. దీన్ని పల్లెటూరు ప్రాంతాల్లో బాగా వండుకుని తింటారు.. అయితే.. అలాంటి జుట్టు కోడిని ఎలా వండితే బాగుంటుంది.. అనే వివరాలను ఈ కథనంలో తెలుసుకుందాం..

ఆదివారం స్పెషల్ జుట్టు కోడి చికెన్ కర్రీ గ్రేవీ రెసిపీ.. తెలుగు వంటకాలలో ఎంతో ప్రత్యేకమైనది. ఈ నోరూరించే కూరను తయారుచేయడానికి మొదటగా, చికెన్ ముక్కలను ఉప్పు, పసుపు వేసి ప్రెషర్ కుక్కర్‌లో మూడు విజిల్స్ వచ్చేవరకు ఉడికించి పక్కన పెట్టుకోవాలి. ఇది చికెన్ త్వరగా ఉడకడానికి సహాయపడుతుంది.

తరువాత, ఒక పాత్రను స్టవ్‌పై పెట్టి నూనె వేడిచేయాలి. నూనె వేడయ్యాక, బిర్యానీ ఆకు, లవంగాలు, యాలకులు, దాల్చిన చెక్క వంటి సుగంధ ద్రవ్యాలను వేసి వేయించాలి. ఇది కూరకి అద్భుతమైన సువాసనను ఇస్తుంది. ఆ తర్వాత, అల్లం వెల్లుల్లి పేస్ట్, కరివేపాకు వేసి పచ్చి వాసన పోయే వరకు వేయించాలి. కొద్దిగా పసుపు జోడించి, ముందుగా ఉడికించి పెట్టుకున్న చికెన్ ముక్కలను వేసి బాగా కలపాలి. కొంత సమయం మూతపెట్టి మగ్గనివ్వాలి, దీనివల్ల మసాలాలు చికెన్‌కు పడతాయి.

ఇప్పుడు, తగినంత కారం వేసి కలిపి, చికెన్ ఉడికించిన నీళ్లు, అసవరం అయితే.. రుచి కోసంరెండు టమాటాలు వేయాలి. కూరను బాగా కలిపి, చివరగా మిరియాల పొడి వేసి మరోసారి కలపాలి. కూర ఉడుకుతున్నప్పుడు, తరిగిన కొత్తిమీరను వేసి, మూతపెట్టి నూనె పైకి తేలే వరకు నెమ్మదిగా ఉడికించాలి. నూనె పైకి తేలితే కూర సరిగ్గా ఉడికినట్లు.. చివరగా కొంచెం గరం మసాలా వేసి.. దింపాలి.. ఆ తర్వాత వేడివేడిగా సర్వ్ చేస్తే ఆదివారం భోజనం మరింత రుచిగా మారుతుంది.

మరిన్ని లైఫ్‌స్టైల్ వార్తల కోసం ఇక్కడ క్లిక్ చేయండి..