Personality Test: మీ చేతి వేళ్ల ఆకారం మీ వ్యక్తిత్వం ఎలాంటిదో చెప్పేస్తుందట.. ఓసారి చెక్ చేసుకోండి.!

ప్రపంచంలోని మనుషుల రూపురేఖలు మాత్రమే కాదు.. వారి కదలికలు విభిన్నంగా ఉంటాయి. అలాగే ఒకరి స్వభావం, మరొకరితో పొంతన ఉండదు. మరి ఇతరుల వ్యక్తిత్వం ఎలాంటిది.? వారి వ్యక్తిత్వ స్వభావాలు ఎలాంటివో తెలియాలంటే వారితో కొంత సమయం గడపాల్సిన అవసరం లేదు. కేవలం చేతి వేళ్ల ఆకారంతో కనిపెట్టేయొచ్చునని హస్త సాముద్రికత నిపుణులు చెబుతున్నారు. మరి అదేంటో ఇప్పుడు తెలుసుకుందామా..

స్ట్రెయిట్ ఫింగర్స్: చేతుల వేళ్లు నిటారుగా ఉంటే, ఆ వ్యక్తులు నిజాయితీపరులు. అతనిలో నిజం చెప్పే గుణం ఎక్కువ, అందరి నమ్మకాన్ని పొందుతాడు. ఎవరినీ మోసం చేయని, అబద్ధాలు చెప్పని వ్యక్తిత్వం ఆ వ్యక్తులది. విషయాలను సూటిగా చెప్పే స్వభావం వారిది. స్వతంత్ర వ్యక్తిగా జీవించడానికి ఇష్టపడతారు. వీరితో స్నేహం చేసేందుకు కొంచెం కష్టమే.

షార్ట్ ఫింగర్స్: వీరు ఆచరణాత్మక లక్షణాలు కలిగిన వ్యక్తులు. టైం మేనేజ్‌మెంట్‌లో, ఆర్గనైజింగ్‌లో వీరిని మించిన వారు ఎవరూ లేరు. వారు ఏ అంశం అయినా అత్యంత విశ్లేషణాత్మకంగా ఉంటారు.

ఇవి కూడా చదవండి

ఎవరో నా పేరు మర్చిపోతే ఫీల్ అవుతానా.? సీఎం రేవంత్ ఏమన్నారంటే

ఒకప్పుడు క్రేజీ హీరోయిన్.. ఇప్పుడు మోటివేషనల్ స్పీకర్..ఎవరంటే

ఇది పండు కాదు.. అమృతఫలం.. రోజుకొకటి తింటే.. మీరు సేఫ్ అంతే.!

చేపల కోసం వేటకు వెళ్తే.. చిక్కింది చూడగా స్టన్

పాయింటెడ్ ఫింగర్స్: ఈ వ్యక్తులు ఎక్కువగా కలలు కంటారు. వీరి స్వభావం వాస్తవికతకు దూరంగా ఉంటుంది. వీరు సెన్సిటివ్ పీపుల్ అయినప్పటికీ, తమ కలలు, లక్ష్యాలను సాధించడానికి ఎలప్పుడూ ప్రయత్నిస్తారు. అందుకే వీరిలో నాయకత్వ గుణం ఎక్కువగా ఉంటుంది.

క్రాస్‌డ్ ఫింగర్స్: ఈ వ్యక్తులు ఓపెన్ మైండెడ్. ప్రశాంత స్వభావం కలిగి ఉంటారు. వీరికి కోపం తక్కువ. రద్దీగా ఉండే ప్రదేశాలలో ఉండటం ఇష్టం ఉండదు. అయితే తమ మాటలతో అందరి దృష్టిని ఆకర్షిస్తున్నారు.

చూపుడు వేలు, ఉంగరపు వేలు ఒకే పొడవు ఉంటే: ఈ రెండు వేళ్లు ఒకే పొడవుతో ఉంటే, వీరు సమతుల్య జీవితాన్ని గడుపుతారు. శ్రద్ధ, నమ్మకమైన, సున్నితమైన వ్యక్తులు.. అలాగే మంచి శ్రోతలు. ఎదుటి వారి సమస్యలను వింటూ వారికి సహాయం చేయడంలో వీరిదే పైచేయి అని చెప్పొచ్చు. అలా వారు ఎక్కువ మంది స్నేహాన్ని గెలుచుకుంటారు.

ఉంగరపు వేలు కంటే చూపుడు వేలు పొడవుగా ఉంటే: ఇలా ఉన్నవారికి.. వారిపై వారికి నమ్మకం ఎక్కువ. ఇతరులకు సలహాలు ఇవ్వడంలో నేర్పరులు. నిర్ణయాలు తీసుకునే ముందు వందసార్లు ఆలోచిస్తారు. వారు చేసే పనుల పట్ల మరింత జాగ్రత్తగా ఉంటారు.

ఉంగరపు వేలు చూపుడు వేలు కంటే పొడవుగా ఉంటే: ఈ వ్యక్తులలో ఎక్కువ ఆత్మవిశ్వాసాన్ని చూడవచ్చు. వారు దయగల స్వభావాన్ని కలిగి ఉంటారు. జీవితంలోని ప్రతి అంశం గురించి చాలా ఆలోచనాత్మకంగా ఉంటారు. వీరి ఆకర్షణీయమైన వ్యక్తిత్వం కారణంగా ప్రజలు అతని పట్ల మరింతగా ఆకర్షితులవుతారు.

ఇది చదవండి: ఇది పండు కాదు.. అమృతఫలం.. రోజుకొకటి తింటే.. మీరు సేఫ్ అంతే.!

మరిన్ని ట్రెండింగ్ న్యూస్ కోసం క్లిక్ చేయండి