ఇంట్లోనే ఈజీగా చీజ్ తయారీ.. ఇలా చేశారంటే.. 15 నిమిషాల్లో పర్ఫెక్ట్గా, సూపర్ టేస్ట్తో
పిజ్జా అయినా, పాస్తా అయినా, చీజ్ అంటే పిల్లల నుండి పెద్దవాళ్ళ వరకు అందరి నోరూరిస్తుంది. చాలా మంది అదే క్రీమీ, రుచికరమైన చీజ్ను ఇంట్లోనే తయారు చేసుకోగలిగితే చాలా బాగుంటుందని అనుకుంటారు. అది కూడా ఇంట్లో తయారుచేసిన పదార్థాలతోనే... కొన్ని వంటగది పదార్థాలను ఉపయోగించి మీరు కేవలం 10 నుండి 15 నిమిషాల్లో మృదువైన, క్రీమీ చీజ్ను తయారు చేసుకోవచ్చు. ఇలా ఇంట్లో తయారుచేసిన చీజ్ రెసిపీ గురించి ఇక్కడ తెలుసుకుందాం..
Updated on: Mar 09, 2026 | 8:53 PM
ఈ రోజుల్లో చీజ్తో చాలా రకాల వంటకాలు తయారు చేస్తున్నారు. చీజ్ పిజ్జా, శాండ్విచ్లు, పాస్తా ఇలా చాలా రకాల స్నాక్స్ల తయారీ కోసం జున్నును ఉపయోగిస్తున్నారు. అయితే, మార్కెట్లో లభించే చీజ్ ఖరీదు ఎక్కువగా ఉంటుంది. పైగా పరిశుభ్రత కూడా ప్రశ్నార్థకంగా ఉంటుంది. అందుకే చాలా మంది గృహిణులు ఇంట్లో తాజాగా, స్వచ్ఛంగా చీజ్ తయారు చేయాలనుకుంటున్నారు. నిజానికి, ఇంట్లో జున్ను తయారు చేయడం అస్సలు కష్టం కాదు. ఇంట్లో లభించే కొన్ని పదార్థాల సహాయంతో, ఈజీగా మనం మృదువైన, తాజా, రుచికరమైన చీజ్ తయారు చేయవచ్చు. ఇంట్లో తయారుచేసిన చీజ్ ఆరోగ్యకరమైనది మాత్రమే కాదు. ఇది చాలా రుచిగా కూడా ఉంటుంది.
పిజ్జా అయినా, పాస్తా అయినా, చీజ్ అంటే పిల్లల నుండి పెద్దవాళ్ళ వరకు అందరి నోరూరిస్తుంది. చాలా మంది అదే క్రీమీ, రుచికరమైన చీజ్ను ఇంట్లోనే తయారు చేసుకోగలిగితే చాలా బాగుంటుందని అనుకుంటారు. అది కూడా ఇంట్లో తయారుచేసిన పదార్థాలతోనే… కొన్ని వంటగది పదార్థాలను ఉపయోగించి మీరు కేవలం 10 నుండి 15 నిమిషాల్లో మృదువైన, క్రీమీ చీజ్ను తయారు చేసుకోవచ్చు. ఇలా ఇంట్లో తయారుచేసిన చీజ్ రెసిపీ గురించి ఇక్కడ తెలుసుకుందాం..ఇది డబ్బుఖర్చును తగ్గిస్తుంది. రుచికి రుచి ఆరోగ్యం కూడా. ఇంట్లో రుచికరమైన, ఆరోగ్యకరమైన చీజ్ తయారీకి కావాల్సిన పదార్థాలు, తయారీ విధానం ఇప్పుడు తెలుసుకుందాం..
కవాల్సిన పదార్థాలు:-
1. పూర్తి కొవ్వు పాలు – 1/2 లీటరు
2. వెనిగర్ – 2 నుండి 3 టేబుల్ స్పూన్లు
3. నీరు – 1 కప్పు
4. ఉప్పు – రుచికి తగినట్లుగా
5. అగర్ – అగర్ పొడి – 1/2 టేబుల్ స్పూన్
తయారీ విధానం:
1. ఒక పెద్ద లోతుగా ఉండే గిన్నెలో పాలు పోసి ఒక చెంచాతో కలుపుతూ వేడి చేయండి. పాలు సరిగ్గా వేడెక్కిన తర్వాత, స్టౌవ్ ఆఫ్ చేసి, దానికి సమాన మొత్తంలో వెనిగర్, నీరు కలపండి. ఈ మిశ్రమాన్ని వెచ్చని పాలలో కొద్దికొద్దిగా వేసి, పాలు విడిపోయే వరకు ఒక చెంచాతో నిరంతరం కదిలిస్తూ ఉండండి. తరువాత మూతపెట్టి 5 నుండి 10 నిమిషాలు అలాగే ఉంచండి. పాలు పూర్తిగా విడిపోయిన తర్వాత, దానిని స్ట్రైనర్ ఉపయోగించి వడకట్టండి. వడకట్టిన పనీర్ను 2 నుండి 3 సార్లు నీటితో శుభ్రం చేసుకోండి. ఇప్పుడు మిక్సర్ గిన్నెలో వేసుకుని బాగా మిక్సి పట్టుకోవాలి. కావాలంటే కొద్దిగా నీరు కలుపుకోవచ్చు. ఇది చిక్కటి క్రీమి పేస్ట్ తయారవుతుంది.
View this post on Instagram
ఈ మిశ్రమాన్ని ఒక పాన్ లో వేసి తక్కువ మంట మీద 5 నుండి 10 నిమిషాలు ఉడికించాలి. ఈ మిశ్రమానికి రుచికి తగినట్లుగా ఉప్పు, అగర్-అగర్ పౌడర్ వేసి కలపండి. మిశ్రమం చిక్కగా అయితే, అవసరానికి తగినట్లుగా కొద్దిగా పాలు కలపండి. ఇలా తయారుచేసిన మిశ్రమాన్ని ఒక ప్లేట్లో వేసుకుని సన్నని పొరగా మీకు నచ్చిన ఆకారంలో తయారు చేసుకోండి. ఆ తరువాత ఈ మిశ్రమాన్ని పూర్తిగా చల్లార్చుకోవాలి. మిశ్రమం పూర్తిగా చల్లబడిన తర్వాత 10 నుండి 15 నిమిషాలు ఫ్రిజ్ లో ఉంచండి. 15 నిమిషాల తర్వాత దానిని ఫ్రిజ్ నుండి బయటకు తీసి, కవాల్సిన ఆకృతుల్లో ముక్కలుగా కట్ చేసుకోండి. పెరుగు పాలతో ఇంట్లో తయారు చేసిన చీజ్ తినడానికి సిద్ధంగా ఉంది.
మరిన్ని లైఫ్ స్టైల్ న్యూస్ కోసం క్లిక్ చేయండి..
