Rose Water: ఇంట్లోనే రోజ్ వాటర్ తయారు చేసుకోండిలా..ఖర్చులేకుండా నిత్య యవ్వనంగా మార్చే మంత్రం..!

మెరిసే, అందమైన చర్మం ఉండాలని అందరూ కోరుకుంటారు. దీని కోసం ప్రజలు వివిధ రకాల చర్మ సంరక్షణ చికిత్సలు తీసుకుంటారు. చర్మ సంరక్షణ చికిత్సలు మీ చర్మంపై తక్షణ ప్రభావాన్ని కలిగిస్తాయి. కానీ కొన్నిసార్లు అవి మీ చర్మాన్ని మెరిసేలా చేయడానికి బదులుగా చర్మాన్ని పాడు చేస్తాయి. అటువంటి పరిస్థితిలో చాలా మంది ఇంటి చిట్కాలు, ఇంట్లో లభించే పదార్థాలపైనే ఎక్కువగా ఆధారపడతారు. ఇంటి చిట్కాల విషయంలో రోజ్ వాటర్ చర్మ సంరక్షణ ఉత్పత్తిలో ముందుగా వాడుతుంటారు. ఇది చర్మానికి గులాబీ రంగును ఇస్తుంది. ఈ రోజు మనం ఇంట్లో రోజ్ వాటర్ ఎలా తయారు చేయాలో తెలుసుకుందాం.. ఇంట్లో తయారుచేసుకునే రోజ్ వాటర్ చర్మానికి చాలా ఎఫెక్టివ్ గా పనిచేస్తుంది. ఇది మీ చర్మాన్ని మెయింటైన్ చేయడమే కాకుండా చర్మాన్ని హైడ్రేట్ గా ఉంచుతుంది. ఇది అనేక చర్మ సంబంధిత సమస్యలను తొలగిస్తుంది, కాబట్టి ఇంట్లోనే రోజ్ వాటర్‌ను ఎలా తయారు చేయాలో ఇప్పుడు చూద్దాం..

ఇంట్లోనే రోజ్ వాటర్ తయారీ..

ఇంట్లోనే రోజ్‌ వాటర్‌ తయారీ కోసం తాజా గులాబీ పూలు కొన్నింటిని తీసుకోవాలి. పూల నుంచి రేకులను విడదీసి ఒక చిన్న గిన్నెలో, లేదంటే, చిన్న మట్టి కుండను తీసుకోవాలి. అందులో నీళ్లు పోసి గులాబీ రేకులను కూడా వేయాలి. తక్కువ మంట మీద ఆ నీటిని వేడి చేయాలి. నీరు బాగా మరిగి ఆవిరి పడుతున్న క్రమంలో స్టవ్ కట్టేయాలి. గిన్నెపై మూత పెట్టి 20 నిమిషాలు అలా పక్కన పెట్టేసుకోవాలి. నీరు గది ఉష్ణోగ్రత వద్దకు వచ్చాక ఒక చిన్న సీసాలో స్టోర్‌ చేసుకుని ఫ్రిజ్లో నిల్వ చేయాలి. దీన్ని వారం రోజుల వరకు వాడుకోవచ్చు. దీనిని సహజంగా సేంద్రియ పద్ధతిలో తయారు చేసాము కాబట్టి, ఎలాంటి దుష్ప్రభావాలు ఉండవు. అయితే, దీని కోసం తాజా మంచి స్మెల్ వచ్చే నాటు గులాబీలతో తయారు చేయాలి. ఇలా ఇంట్లో తయారుచేసుకునే రోజ్ వాటర్ చర్మానికి వరం లాంటిది.

ఇవి కూడా చదవండి

మీ ఇంట్లో రిఫ్రిజిరేటర్‌ ఎప్పుడూ ఫ్రెష్‌గా, తాజాగా ఉండాలంటే.. ఇలా

ఓరీ దేవుడో..!రాగులు అతిగా తింటే కూడా సమస్యలేనట..తప్పక తెలుసుకోండి

జామ ఆకులతో ఇలా చేస్తే.. నెల రోజుల్లోనే తెల్లజుట్టు నల్లగా,దట్టంగా

రాత్రంతా నానబెట్టిన శనగల నీరు అమృతం కంటే ఎక్కువ..!పరగడుపున తాగితే

రోజ్ వాటర్ వల్ల కలిగే ప్రయోజనాలు:

రోజ్ వాటర్ చర్మానికి చాలా ఉపయోగకరంగా ఉంటుంది. ఇందులో యాంటీ ఆక్సిడెంట్ ఎలిమెంట్స్ పుష్కలంగా ఉంటాయి. ఇవి చర్మానికి తాజాదనాన్ని అందిస్తాయి. ఇది చర్మాన్ని మృదువుగా, మెరిసేలా చేస్తుంది. ఇవి చర్మాన్ని ఫ్రీ రాడికల్స్ నుండి కాపాడి కొల్లాజెన్ ఉత్పత్తిని పెంచుతాయి. ముడతలని కూడా తగ్గిస్తాయి. చర్మాన్ని యవ్వనంగా చేయడంలో రోజ్ వాటర్ బాగా పనిచేస్తుంది. రెగ్యులర్‌గా వాడితే మచ్చలు తగ్గి స్కిన్ టోన్ మెరుగ్గా మారుతుంది. చర్మంపై ఉన్న మురికి పోతుంది. స్కిన్ టోనర్‌గా కూడా ఉపయోగపడుతుంది. చర్మాన్ని ఇది హైడ్రేట్ చేస్తుంది. చర్మంలోని Ph బ్యాలెన్స్ నిర్వహించడానికి సహాయపడుతుంది. రోజూ రాత్రి పడుకునే ముందు దూదిని రోజ్ వాటర్‌లో ముంచి ముఖానికి అప్లై చేసుకుంటే చాలా మంచిది.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది… ప్రయత్నించేముందు సంబంధిత నిపుణుల సలహాలను పాటించవలసిందిగా మనవి. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)

మరిన్ని లైఫ్ స్టైల్ న్యూస్ కోసం క్లిక్ చేయండి