Vastu tips for students: పరీక్షలు దగ్గరపడినా.. ఏకాగ్రతతో చదవలేకపోతున్నారా? ఈ టిప్స్ ఫాలో అవ్వండి.. విజయం మీదే
పరీక్షలకు శ్రద్ధగా ప్రీపేర్ అవుతున్న పిల్లలపై చుట్టూ ఉండే వాతావరణం ప్రభావం కూడా అధికంగా ఉంటుంది. వారి ఫోకస్, కాన్ సన్ ట్రేషన్ దెబ్బతినకుండా చదువుకోడానికి తగిన వాతావరణం కల్పించాల్సిన బాధ్యత తల్లిదండ్రులపై ఉంది.
Updated on: Mar 11, 2023 | 1:48 PM
విద్యార్థులకు ఇది పరీక్షా కాలం.. అన్ని రకాల పరీక్షలు ఈ రెండు మూడు నెలల్లో జరుగుతుంటాయి. పిల్లలు ఉదయం నుంచి రాత్రి వరకూ పుస్తకాలతో కుస్తీ పడుతూనే ఉంటారు. ఇది పిల్లలతో పాటు వారి తల్లిదండ్రులకు పరీక్షా కాలమే. వారిలోనూ పిల్లలతో పాటు ఒత్తిడి ఆందోళన ఉంటుంది. అయితే పరీక్షలకు శ్రద్ధగా ప్రీపేర్ అవుతున్న పిల్లలపై మన చుట్టూ ఉండే వాతావరణం ప్రభావం కూడా అధికంగా ఉంటుంది. వారి ఫోకస్, కాన్ సన్ ట్రేషన్ దెబ్బతినకుండా చదువుకోడానికి తగిన వాతావరణం కల్పించాల్సిన బాధ్యత తల్లిదండ్రులపై ఉంటుంది. ఈ నేపథ్యంలో పిల్లల్లో మానసిక ప్రశాంతతతో పాటు ఏకాగ్రత దెబ్బ తినకుండా శ్రద్ధగా చదువుకోడానికి అనువుగా మీ ఇంటిని మార్చాలి. అందుకు కొన్ని వాస్తు సూత్రాలు పాటించాల్సి ఉంటుందని వాస్తు నిపుణులు చెబుతున్నారు. అవేంటో ఓసారి చూద్దాం..
సరైన ‘దిశ’ అవసరం..
పశ్చిమ, నైరుతి మధ్య కోణీయ ప్రాంతాన్ని ‘నైరుతి పశ్చిమం’ అని పిలుస్తారు. దీనిని వాస్తు శాస్త్రం ప్రకారం అధ్యయనాల జోన్ అంటారు. ఈశాన్య జోన్ మనస్సుకు స్పష్టతను అందిస్తుంది. నైరుతి మెరుగైన నైపుణ్యాలను నిర్ధారిస్తుంది . అలాగే ఆందోళనను తగ్గించడానికి ఆగ్నేయ తూర్పును సమతుల్యం చేయాలి. ఈ దిశలను గుర్తించడానికి మీరు చేతిలో దిక్సూచి పట్టుకొని ఇంటి మధ్యలో నిలబడాలి. పైన పేర్కొన్న నాలుగు దిక్కులను గుర్తించండి. నైరుతి పశ్చిమంలో ఎరుపు, గులాబీ, ఊదా, ఆకుపచ్చ లేదా నారింజ వంటి రంగులు ఉండకుండా చూసుకోండి. అవి విద్యార్థి ఏకాగ్రతను దెబ్బతీస్తాయి. ఈ ప్రాంతంలో టెలివిజన్, బొమ్మలు, గేమ్ల వంటివి ఉంచకండి. వాషింగ్ మెషీన్లు, చీపుర్లు, వాక్యూమ్ క్లీనర్లు, మాప్ ఈ అధ్యయనాల జోన్లో వాస్తు అసమతుల్యతకు కారణమవుతాయి. ఇది విద్యార్థి ఆసక్తి చదువుల నుంచి వేరే వాటివైపు మళ్లుతుంది. అందుకే ఈ జోన్ లో తగిన జాగ్రత్తలు తీసుకోవాలి.
స్టడీ రూమ్ ఎక్కడ ఉండాలంటే.. స్టడీ రూమ్ నైరుతి దిశలో పశ్చిమాన ఉండాలి. స్థల పరిమితుల కారణంగా అక్కడ ఉంచడం సాధ్యం కాకపోతే, మీరు దానిని ఈశాన్య లేదా తూర్పు వైపున ఏర్పాటు చేసుకోవచ్చు. ప్రత్యేక స్టడీ రూమ్ సాధ్యం లేకపోతే.. మీ స్టడీ టేబుల్ ఈ దిశలలో ఏర్పాటు చేసుకోవాలి. టేబుల్ పై ఉత్తరం లేదా తూర్పు వైపు తిరిగి కూర్చొని చదివితే ఏకాగ్రత పెరుగుతుంది. అది కుదరకపోతే పడమటి వైపు తిరిగి చదువుకోవచ్చు.
స్టడీ టేబుల్, కుర్చీ ఆకారం ఇలా ఉండాలి.. స్టడీ టేబుల్ దీర్ఘచతురస్రాకారంగా ఉండాలి. క్రమరహిత ఆకారాలు కొంతమందికి ఆకర్షణీయంగా కనిపించవచ్చు, కానీ ఇది సూక్ష్మ స్థాయిలో అధ్యయనాలలో ఏకాగ్రతను పాడు చేస్తుంది.
రంగులు, లైటింగ్ ఇలా.. లేత నీలం, పీచు, లేత గోధుమరంగు లేదా పసుపు వంటి రంగులు ఏకాగ్రత పెంచి, అభ్యాసానికి అనుకూలంగా ఉంటాయి. స్టడీ రూమ్లో తగినంత సహజమైన వెలుతురు ఉండేలా చూసుకోవాలి. స్టడీ టేబుల్పై లార్డ్ గణేశ ఇత్తడి బొమ్మను ఉంచాలి. అలాగే ఇంటికి నైరుతిలో గోల్డెన్ కలర్ పెన్ స్టాండ్ ఉంచండి.
(నోట్: ఇక్కడ ఇచ్చినవి నమ్మకం మీద ఆధారపడి ఉంటాయి. దీనికి శాస్త్రీయ ఆధారాలు లేవు. మనుషుల ఆసక్తిని నమ్మకాన్ని దృష్టిలో ఉంచుకుని ఇక్కడ అందించాం..)
మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి..
