Soybean Dosa : ఇలాంటి దోశలు ఎప్పుడైనా ట్రై చేశారా..? దీంతో రుచి, ఆరోగ్యం రెండు మీ సొంతం..!

ఇలాంటి దోసను తయారు చేసుకుని తినడం వల్ల మనకు విటమిన్ ఇ మరింత ఎక్కువ మోతాదులో లభిస్తుంది. వీటిని తిన‌డం వ‌ల్ల మ‌న‌కు మరెన్నో ఆరోగ్య ప్ర‌యోజ‌నాలు క‌లుగుతాయి.

Instant Dosa

Jyothi Gadda |
Updated on: Nov 03, 2022 | 12:49 PM

సాధార‌ణంగా రోజూ చాలా మంది ప్రతి ఉదయం ర‌కాల బ్రేక్‌ఫాస్ట్‌ల‌ను త‌యారు చేసుకుని తింటుంటారు. మన దైనందిన జీవితంలో మనం ప్రతిరోజూ అల్పాహారంగా దోసెలు తింటుండటం సాధారణమే..ఉల్లిపాయ దోసె, ప్లేన్‌ దోస, గుడ్డు దోస వంటి అనేక రకాల దోసెలు ఉన్నాయి. కాబట్టి ఈ రోజు మనం పోషకమైన, ఆరోగ్యకరమైన దోసెను గురించి తెలుసుకోబోతున్నామం.. అదేంటి.? ఎలా తయారు చేసుకోవాలి..? ఏం తినాలి అని ఆలోచిస్తున్నారా? సోయా బీన్ దోస మనకు ఆరోగ్య బహుమతిగా చెప్పుకొవచ్చు. సోయా బీన్స్‌లో ప్రోటీన్లు, ఫాస్పరస్, కాల్షియం, పొటాషియం పుష్కలంగా ఉండటం వల్ల మన ఆరోగ్యానికి చాలా మంచిది. మొలకెత్తిన సోయా గింజలను గ్రైండ్ చేయడం ద్వారా ఇలాంటి దోసను తయారు చేసుకుని తినడం వల్ల మనకు విటమిన్ ఇ మరింత ఎక్కువ మోతాదులో లభిస్తుంది. వీటిని తిన‌డం వ‌ల్ల మ‌న‌కు మరెన్నో ఆరోగ్య ప్ర‌యోజ‌నాలు క‌లుగుతాయి. ఇలాంటి ఆరోగ్యవంతమైన సోయా దోసెలు ఎలా తయారు చేసుకోవాలో ఇక్కడ తెలుసుకుందాం…

అవసరమైన పదార్థాలు.. సోయా బీన్స్ – 2 కప్పులు క్యారెట్ – 2 స్పూన్లు (తురిమినవి) ముల్లంగి – 2 స్పూన్లు (తురిమినవి) ఉల్లిపాయ – 1 టమోటో – 2 బియ్యప్పిండి – 4 చెంచాలు అల్లం – 1 అంగుళం పచ్చిమిర్చి – 4 జీలకర్ర – చెంచా నూనె – అవసరమైనంత ఉప్పు – అవసరమైనంత.

రెసిపీ: ముందుగా సోయా గింజలను గోరువెచ్చని నీటిలో సుమారు 2 గంటల పాటు నానబెట్టాలి. తర్వాత క్యారెట్, ముల్లంగి తురుము వేసి విడిగా ప్లేట్‌లోకి తీసుకోవాలి. తర్వాత టొమాటోలు, ఉల్లిపాయలను మెత్తగా రుబ్బుకోవాలి. నానబెట్టిన సోయాబీన్స్, అల్లం, పచ్చిమిర్చి వేసి మిక్సీ జార్ లో వేసి మెత్తగా రుబ్బుకోవాలి. సోయా మిశ్రమంలో బియ్యప్పిండి, క్యారెట్ తురుము, ముల్లంగి తురుము, జీలకర్ర, ఉల్లిపాయ, టమోటో, ఉప్పు వేసి బాగా కలపాలి. స్టావ్‌పై దోసె పెక్క వేడి అయ్యాక..నూనె రాసి సోయా పిండితో దోసెలా వేసుకోవాలి..దోసె చుట్టూ నూనె పోసి బంగారు రంగు వచ్చే వరకు కాల్చుకుని నచ్చిన ఆకారంలో మడతపెట్టుకుని తిసేసుకోవాలి.. ఆరోగ్యకరమైన దోసె రెడీ!

ఇవి కూడా చదవండి