Instant Suji Idli: పప్పులు నానబెట్టే పనిలేదు.. పులియబెట్టాల్సిన అవసరమే లేదు.. ఇన్‌స్టంట్ ఇడ్లీలు ఇలా చేయండి!
ఉదయం లేవగానే బ్రేక్‌ఫాస్ట్ ఏం చేయాలా అని ఆలోచిస్తున్నారా? ఇంట్లో ఇడ్లీ పిండి లేకపోయినా, ముందురోజు రాత్రి పప్పులు నానబెట్టకపోయినా బాధపడాల్సిన అవసరం లేదు. ఎలాంటి ముందస్తు ఏర్పాట్లు లేకుండానే చాలా సులభంగా వేడి వేడి ఇడ్లీలను తయారు చేసుకోవచ్చు. అదెలాగే ఇప్పుడు చూసేయండి
Updated on: Nov 15, 2026 | 7:28 PM
ఇన్‌స్టంట్ రవ్వ ఇడ్లీలకు కావాల్సిన పదార్థాలు
-
ఒక కప్పు బొంబాయి రవ్వ
-
ఒక కప్పు పెరుగు
-
ఒక కప్పు సన్నగా తరిగిన మిక్స్‌డ్ కూరగాయలు
-
అర కప్పు నీళ్లు
-
ఒక టీ స్పూన్ ఉప్పు
-
అర టీ స్పూన్ జీలకర్ర
-
పావు టీ స్పూన్ ఆవాలు
-
ఒక పచ్చిమిర్చి
-
ఒక టీ స్పూన్ నూనె
-
అర టీ స్పూన్ బేకింగ్ సోడా
రవ్వను వేయించుకోవాలి
ముందుగా స్టవ్‌పై పాన్ పెట్టి వేడయ్యాక బొంబాయి రవ్వ వేయాలి. తక్కువ మంటపై సుమారు 2 నుంచి 3 నిమిషాల పాటు వేయించుకోవాలి. రవ్వ రంగు మారకుండా, మంచి సువాసన వచ్చే వరకు వేయించి పక్కన పెట్టుకోవాలి.
ఇడ్లీ పిండి సిద్ధం చేయాలి
ఇప్పుడు ఒక గిన్నెలో వేయించిన రవ్వ తీసుకోవాలి. అందులో పెరుగు, నీళ్లు వేసి బాగా కలపాలి. తర్వాత ఉప్పు, జీలకర్ర, ఆవాలు, సన్నగా తరిగిన పచ్చిమిర్చి, కూరగాయలు వేసి మరోసారి కలపాలి. ఉండలు లేకుండా మిశ్రమాన్ని బాగా కలిపి పక్కన పెట్టుకోవాలి.
చివర్లో బేకింగ్ సోడా కలపాలి
ఇడ్లీలు వేసే ముందు పిండిలో అర టీ స్పూన్ బేకింగ్ సోడా వేసి మెల్లగా కలపాలి. దీనివల్ల ఇడ్లీలు మెత్తగా తయారవుతాయి. బేకింగ్ సోడా కలిపిన తర్వాత ఎక్కువసేపు పక్కన పెట్టకుండా వెంటనే ఇడ్లీలు వేసుకోవాలి.
ఇడ్లీ ప్లేట్లలో పిండి వేయాలి
ఇడ్లీ పాత్రలోని ప్లేట్లకు కొద్దిగా నూనె రాసుకోవాలి. సిద్ధం చేసుకున్న పిండిని ఇడ్లీ గుంటల్లో పోయాలి. ముందుగా నీళ్లు మరిగించిన ఇడ్లీ పాత్రలో ఈ ప్లేట్లను పెట్టి ఆవిరిపై ఉడికించాలి.
10 నిమిషాల్లో వేడి వేడి ఇడ్లీలు రెడీ!
సుమారు 10 నిమిషాల పాటు ఆవిరిపై ఉడికిస్తే రుచికరమైన వెజిటబుల్ రవ్వ ఇడ్లీలు సిద్ధమవుతాయి. కొద్దిగా చల్లారిన తర్వాత ఇడ్లీలను ప్లేట్లలోకి తీసుకోవాలి. వీటిని కొబ్బరి చట్నీ, పల్లీల చట్నీ లేదా సాంబార్‌తో కలిపి తింటే చాలా రుచిగా ఉంటాయి. ఉదయం అల్పాహారంగా మాత్రమే కాకుండా సాయంత్రం స్నాక్‌గా కూడా వీటిని చేసుకోవచ్చు.
