Gongura Prawns Pickle: గోంగూర రొయ్యల నిల్వ పచ్చడి.. ఇలా చేశారంటే ఆహా అదుర్స్..

రొయ్యలు అంటే చాలా మంది ఇష్టంగా తింటూ ఉంటారు. రొయ్యలతో కూరగాయలు కూడా కలిపి వండితే చాలా రుచిగా ఉంటుంది. చాలా మంది రొయ్యలతో బిర్యానీ కూడా తయారు చేసుకుంటూ ఉంటారు. రొయ్యల్లో మంచి ఆరోగ్యకరమైన కొవ్వులు లభిస్తాయి. అదే విధంగా గోంగూర తినడం వల్ల కూడా ఆరోగ్యానికి చాలా మంచిది. ఇందులో విటమిన్లు ఎ, సి, క్యాల్షియం వంటి పోషకాలు లభిస్తాయి. ఈ రెండింటి కాంబినేషన్ కర్రీ అయినా పచ్చడినా సూపర్ టేస్టీగా ఉంటుంది. చాలా మంది గోంగూర రొయ్యలు కర్రీ తినే ఉంటారు. కానీ గోంగూర రొయ్యల పచ్చడి కూడా చాలా రుచిగా ఉంటుంది. మరి ఈ గోంగూర రొయ్యలు పచ్చడి ఎలా తయారు చేస్తారు? ఈ పచ్చడికి కావాల్సిన పదార్థాలు ఏంటో ఇప్పుడు చూద్దాం.

గోంగూర రొయ్యల పచ్చడికి కావాల్సిన పదార్థాలు:

రొయ్యలు, గోంగూర, ఎండు మిర్చి, ఆవాలు, జీలకర్ర, కరివేపాకు, ఉప్పు, అల్లం వెల్లుల్లి పేస్ట్, ఆయిల్, పసుపు, కొత్తిమీర.

గోంగూర రొయ్యల పచ్చడి తయారీ విధానం:

ముందుగా రొయ్యలను శుభ్రంగా కడగాలి. రొయ్యలు పెద్దవిగా ఉంటే చిన్న ముక్కలుగా కట్ చేసుకుని పక్కన పెట్టుకోవాలి. ఆ తర్వాత గోంగూర కూడా శుభ్రంగా కడిగి పెట్టుకోవాలి. ఆ తర్వాత ఎండు మిర్చి ఆయిల్‌లో వేసి ఫ్రై చేసి పక్కన పెట్టుకోవాలి. ఆ నెక్ట్స్ జీలకర్ర, ఆవాలు, కరివేపాకు వేసి చిటపటలాడాక వేయించాలి. ఇందులోనే అల్లం వెల్లుల్లి పేస్ట్ వేసి ఫ్రై చేసుకోవాలి. ఇప్పుడు గోంగూర, రొయ్యలు వేసి నీరంతా పోయేంత వరకు ఉడికించుకోవాలి.

ఇవి కూడా చదవండి

జామ చెట్టు ఆకులను ఇలా వాడారంటే షుగర్, బీపీకి బైబై చెప్పొచ్చు..

బియ్యం కడిగిన నీళ్లతో అందం, ఆరోగ్యం.. డోంట్ మిస్!

కొరియన్స్ లాంటి చర్మం కావాలంటే.. ఇలా ట్రై చేయండి..

ఈ ఆకుకూర వారంలో ఒక్కసారి తిన్నా.. రోగాలే రావు!

నీరు పోయి.. ఆయిల్ పైకి తేలాక ఉప్పు, కారం, పసుపు కొద్దిగా వేసి బాగా కలుపుకోవాలి. ఇప్పుడు ముందుగా వేయించిన ఎండు మిర్చి పొడిలా చేసి కలుపుకోవాలి. చివరగా కొత్తిమీర వేసి మొత్తం కలుపుకోవాలి. అంతే గోంగూర రొయ్యల పచ్చడి సిద్ధం. ఇది చల్లారక డబ్బాల్లోకి తీసుకుని గాలి వెళ్లకుండా స్టోర్ చేసుకోవచ్చు. ఫ్రిజ్‌లో కూడా పెట్టుకోవచ్చు. ఈ పచ్చడి వేడి వేడి అన్నంలోకి వేసుకుని తింటే చాలా రుచిగా ఉంటుంది.