Moringa Chapati: మునగాకు చపాతీతో ఎన్నో ఆరోగ్య ప్రయోజనాలు.. తయారీ విధానం ఇదీ..
మునగాకు ఆరోగ్యానికి ఎంతో ఆరోగ్యం. ఇందులో అనేక పోషకాలు ఉంటాయి. మునగాకును పోషకాల నిధి అని అంటూ ఉంటారు. ఆయుర్వేదంలో కూడా మునగాకును అనేక సమస్యలు తగ్గించుకోవడానికి ఉపయోగిస్తారు. మీ డైట్లో ఖచ్చితంగా మునగాకును యాడ్ చేసుకోండి. దీని వల్ల వచ్చే లాభాలు అన్నీ ఇన్నీ కావు. అయితే మునగాకు అంటే పెద్దగా ఎవరికీ ఇష్టం ఉండదు. అలాంటి వారు మునగాకుతో చపాతీ తయారు చేసుకోవచ్చు. మునగాకును చపాతీ ద్వారా తీసుకోవడం..
Updated on: Jul 02, 2024 | 1:10 PM
మునగాకు ఆరోగ్యానికి ఎంతో ఆరోగ్యం. ఇందులో అనేక పోషకాలు ఉంటాయి. మునగాకును పోషకాల నిధి అని అంటూ ఉంటారు. ఆయుర్వేదంలో కూడా మునగాకును అనేక సమస్యలు తగ్గించుకోవడానికి ఉపయోగిస్తారు. మీ డైట్లో ఖచ్చితంగా మునగాకును యాడ్ చేసుకోండి. దీని వల్ల వచ్చే లాభాలు అన్నీ ఇన్నీ కావు. అయితే మునగాకు అంటే పెద్దగా ఎవరికీ ఇష్టం ఉండదు. అలాంటి వారు మునగాకుతో చపాతీ తయారు చేసుకోవచ్చు. మునగాకును చపాతీ ద్వారా తీసుకోవడం వల్ల రుచితో పాటు ఆరోగ్యం కూడా పెరుగుతుంది. మునగాకును తినమని వైద్యులు కూడా చెబుతూ ఉంటారు. కనీసం వారంలో ఒకసారైనా మునగాకు తీసుకోవానికి ట్రై చేయాలి. మరి మునగాకు చపాతీ ఎలా తయారు చేస్తారు? ఈ రెసిపీకి కావాల్సిన పదార్థాలు ఏంటో ఇప్పుడు చూద్దాం.
మునగాకు చపాతీకి కావాల్సిన పదార్థాలు:
గోధుమ పిండి, మునగాకు, కొత్తి మీర, పచ్చి మిర్చి, ఉల్లిపాయలు, వెల్లుల్లి తరుగు, అల్లం తరుగు, కారం, పసుపు, జీలకర్ర పొడి, చాట్ మసాలా, ఉప్పు, నెయ్యి.
మునగాకు చపాతీ తయారీ విధానం:
ముందుగా ఒక గిన్నెలోకి గోధుమ పిండి తీసుకోవాలి. అందులో సన్నగా కట్ చేసిన మునగాకు, కొత్తి మీర, పచ్చి మిర్చి, ఉల్లిపాయలు, వెల్లుల్లి తరుగు, అల్లం తరుగు, కారం, పసుపు, జీలకర్ర పొడి, చాట్ మసాలా, ఉప్పు ఇలా అన్నీ వేసి బాగా కలుపుకోవాలి. ఇప్పుడు చపాతీలా కలుపు కోవడానికి అవసరం అయ్యే నీళ్లు పోసి.. బాగా కలపాలి. ఇప్పుడు ఈ పిండిని ఓ గంట లేదా అరగంట సేపు గాలి తగలకుండా పక్కన పెట్టుకోవాలి.
ఆ తర్వాత చిన్న చిన్న ఉండలు తీసుకుని చపాతీల్లా చేసుకుని.. పెనంపై వేసి రెండు వైపులా కాల్చుకోవాలి. అంతే ఎంతో రుచిగా ఉండే మునగాకు చపాతీ సిద్ధం. ఇంకెందుకు లేట్ మీరు కూడా ఓ సారి ట్రై చేయండి. చాలా రుచిగా ఉండటమే కాకుండా ఆరోగ్యానికి చాల మంచిది. మునగాకు అంటే ఇష్టం లేని వారు ఇలా తినవచ్చు.
