Paratha Recipe: ఈ ఆకుతో ఆలూ పరోటా ఇలా చేశారో అంతే..టేస్ట్ అదుర్స్ అనాల్సిందే
శీతాకాలంలో ఎక్కువుగా ఆకుకూరలు తినాలని వైద్యులు సూచిస్తుంటారు. ఇంట్లో వాళ్లు ఆకు కూరలతో ఏదైనా వంట చేస్తే సింపుల్ పక్కన పెట్టెస్తుంటాం. అయితే టేస్టీ వంటకం ఆకు కూరతో చేస్తే..! తింటారు కదా.. అలాంటి వంటే ఆలూ పరోటా
Updated on: Dec 21, 2022 | 2:40 PM
చలికాలంలో మనకు ఏదైనా కొత్త వంటకాలు తినాలనిపిస్తుంది. రెగ్యులర్ గా చేసేవి కాకుండా కొంచెం కొత్తగా ట్రై చేయాలని ఇంట్లో వాళ్లను సతాయిస్తుంటాం. అలాగే శీతాకాలంలో ఎక్కువుగా ఆకుకూరలు తినాలని వైద్యులు సూచిస్తుంటారు. ఇంట్లో వాళ్లు ఆకు కూరలతో ఏదైనా వంట చేస్తే సింపుల్ పక్కన పెట్టెస్తుంటాం. అయితే టేస్టీ వంటకం ఆకు కూరతో చేస్తే..! తింటారు కదా.. అలాంటి వంటే ఆలూ పరోటా. ఆలూ పరోటాకే ఇంత బిల్డప్పా అంటే మరి అంతే మరి మెంతి కూరతో చేసే ఆలూ పరోటాకు మాత్రం జై కొట్టకుండా ఉండలేరు.
సాధారణంగా ఆలూ పరోటా అనేది ఉత్తరాది వంటకం. మైదా లేదా గోదుమ పిండిలో ఉడికించిన బంగాళదుంపలు కలిపి చపాతిలా చేసి పెనంపై కాలుస్తుంటారు. దీనికి ఏదైనా కూరను జత చేసి ఇంచక్కా లాగిస్తుంటారు. అయితే రెగ్యులర్ గా చేసే ఈ రెసిపీకి కొంచెం కొత్తదనాన్ని యాడ్ చేద్దాం. పరోటా అంటే సాధారణంగా మైదా లేదా గోధుమ పిండితో చేస్తారు. కానీ మేతి ఆలూపరోటాలో కొంచెం శెనగ పిండి కూడా కలపాలి. మనం దీన్ని సాయంత్రం సమయంలో స్నాక్ కింద తినొచ్చు. కొత్తగా ఉండే దీని తయారీ విధానం తెలుసుకుందాం.
మేతి ఆలూ పరోటా తయారీ విధానం
- ముందుగా ఓ గిన్నెలోకి కొంచెం శెనగపిండి, మరికొంచెం మైదా తీసుకోవాలి.
- తర్వాత అందులో ఉడికించిన బంగాళదుంపలు వేసి బాగా కలపాలి
- అనంతరం అందులో సన్నగా తరగిన మెంతి ఆకు వేయాలి.
- సరిపడా ఉప్పు, పచ్చిమిర్చి ముక్కలు వేయాలి.
- అలాగే కారం, పసుపు, టేస్టింగ్ సాల్ట్ ను జత చేయాలి.
- ఇప్పుడు అవసరమైతే కొద్దిగా నీళ్లు పోసి, నెయ్యి లేదా వెన్నను జత చేస్తూ మెత్తగా కలపాలి.
- ఈ మిశ్రమాన్ని కాసేపు అలానే వదిలేసి, అనంతరం చపాతీల్లా ఒత్తుకోవాలి.
- అనంతరం పెనంపై సనన్ని మంటపై రెండు వైపులా కాల్చుకుని ప్లేట్ లోకి తీసుకుని పెరుగుతో సర్వ్ చేయాలి.
- ఈ పరోటా పెరుగు లేకుండా కూడా లొట్టలేస్తూ లాగించేయవచ్చు.
మరిన్ని లైఫ్ స్టైల్ న్యూస్ కోసం ఇక్కడ క్లిక్ చేయండి
