బాబోయ్…బీట్రూట్ జ్యూస్ ఎక్కువగా తాగడం వల్ల ఈ ప్రాణాంతక వ్యాధి వస్తుందా..?
బీట్రూట్ కాలేయం, గుండె ఆరోగ్యానికి కూడా మంచిది. బీట్ రూట్ జ్యూస్ ను రోజూ తాగుంటే చర్మం కాంతి వంతంగా మారుతుంది. ముఖం మెరుస్తుంది. అయితే ఆరోగ్యానికి మంచిది కాబట్టి అతిగా తినకండి. ఎందుకంటే.. బీట్రూట్ తినడం వల్ల ఆరోగ్య ప్రయోజనాలే కాదు.. నష్టాలు కూడా ఉంటాయట. కొందరికి బీట్ రూట్ తినడం హాని చేస్తుంది. దీని గురించి తెలుసుకుంటే..
Updated on: Sep 02, 2025 | 4:24 PM
బీట్రూట్ ఆరోగ్యానికి చాలా మంచిది. ఈ విషయం దాదాపు అందరికీ తెలిసిందే. ముఖ్యంగా రక్తహీనత సమస్యలు ఉన్నవారు బీట్రూట్ జ్యూస్ తాగడం వల్ల రక్తం ఉత్పత్తి పెరుగుతుంది. బీట్రూట్ కాలేయం, గుండె ఆరోగ్యానికి కూడా మంచిది. బీట్ రూట్ జ్యూస్ ను రోజూ తాగుంటే చర్మం కాంతి వంతంగా మారుతుంది. ముఖం మెరుస్తుంది. అయితే ఆరోగ్యానికి మంచిది కాబట్టి అతిగా తినకండి. ఎందుకంటే.. బీట్రూట్ తినడం వల్ల ఆరోగ్య ప్రయోజనాలే కాదు.. నష్టాలు కూడా ఉంటాయట. కొందరికి బీట్ రూట్ తినడం హాని చేస్తుంది. దీని గురించి తెలుసుకుంటే..
చాలా మంది తమ ఆహారంలో బీట్రూట్ జ్యూస్ తీసుకుంటూ ఉంటారు. ప్రస్తుత రోజుల్లో దీనిని ఆరోగ్యకరమైన పానీయంగా విస్తృతంగా ఉపయోగిస్తున్నారు. కానీ జాగ్రత్తగా ఉండండి.. మీరు ఎక్కువగా బీట్రూట్ జ్యూస్ తాగితే, మీరు ఈ క్రింది తీవ్రమైన ఆరోగ్య సమస్యలను ఎదుర్కొంటారు.
అధిక ఆమ్లత్వం- బీట్రూట్ రసంలో ఆమ్లత్వం ఎక్కువగా ఉంటుంది. దీనివల్ల జీర్ణ సమస్యలు వస్తాయి. ఈ జ్యూస్ ఎక్కువగా తాగడం వల్ల ఉబ్బరం, గ్యాస్ వచ్చే అవకాశం ఉంది. కొంతమందికి విరేచనాలు కూడా వచ్చే అవకాశం ఉందని ఆరోగ్య నిపుణులు అంటున్నారు.
జుట్టు రాలడం- బీట్రూట్లో ఆక్సలేట్లు ఎక్కువగా ఉంటాయి. ఇవి మన శరీరం జింక్ శోషణకు ఆటంకం కలిగిస్తాయి. జింక్ లోపం వల్ల జుట్టు రాలుతుంది. అందువల్ల, అధికంగా బీట్రూట్ రసం తాగడం వల్ల జుట్టు రాలుతుంది.
రక్తపోటు తగ్గే అవకాశం ఉంది- బీట్రూట్ రసం తాగడం వల్ల రక్తపోటు నియంత్రణలో ఉంటుంది. అయితే, బీట్రూట్ రసం అధికంగా తీసుకోవడం తక్కువ బీపీ సమస్యలు ఉన్నవారికి మంచిది కాదు. బీపీ అకస్మాత్తుగా తగ్గి స్పృహ కోల్పోవచ్చు. హై బీపీ ఉన్నవారు కూడా దీన్ని క్రమం తప్పకుండా తీసుకోవాలి.
మధుమేహం పెరుగుదల- బీట్రూట్లో సహజ చక్కెర ఒక మోస్తరు మొత్తంలో ఉంటుంది. బీట్రూట్లో ఫైబర్ ఉన్నప్పటికీ, మీరు నీరు కలిపి రసం చేసినప్పుడు, అందులో ఫైబర్ ఉండదు. అందువల్ల, ఫైబర్ లేని బీట్రూట్ రసం తాగడం వల్ల మీ రక్తంలో చక్కెర స్థాయిలు పెరుగుతాయి. ఇది మధుమేహ వ్యాధిగ్రస్తులకు ప్రమాదకరం.
కిడ్నీలో రాళ్ళు బీట్రూట్ రసంలో ఆక్సలేట్లు ఉంటాయి. ఇవి శరీరంలో కాల్షియంతో కలిసిపోతాయి. కాల్షియం, ఆక్సలేట్లు కలిసి స్ఫటికాలను ఏర్పరుస్తాయి. ముఖ్యంగా మూత్రపిండాలలో రాళ్లు ఏర్పడే ప్రమాదం పెరుగుతుంది.
క్యాన్సర్- బీట్రూట్లో నైట్రేట్లు ఎక్కువగా ఉంటాయి. బీట్రూట్ రసం ఎక్కువగా తాగడం వల్ల కడుపు ఆమ్లం పెరుగుతుంది. తద్వారా N-నైట్రోసో సమ్మేళనాలు ఏర్పడతాయి. ఇది ప్రాణాంతక క్యాన్సర్ ప్రమాదాన్ని పెంచుతుందని ఒక అధ్యయనం తెలిపింది.
(Note: ఈ వ్యాసం ఇంటర్నెట్లో అందుబాటులో ఉన్న నివేదికలు, సమాచారం ఆధారంగా రూపొందించబడింది. కాబట్టి వీటి గురించి మీకు ఏవైనా సందేహాలు ఉంటే తప్పకుండా వైద్యులను సంప్రదించండి.)
మరిన్ని లైఫ్స్టైల్ వార్తల కోసం ఇక్కడ క్లిక్ చేయండి.
