బరువు తగ్గాలని చూసే వాళ్ళకి వేరుశెనగ బెస్ట్‌ చాయిస్‌.. రుచికరమైన పద్ధతిలో
తినడానికి అందరూ ఇష్టపడే స్నాక్‌ ఐటమ్‌ కూడా. పైగా వేరుశనగ సరసమైన ధరలోనే లభిస్తుంది. శీతాకాలంలో వేరుశెనగ మనకు మంచి రుచిని, శరీరానికి అవసరమైన అదనపు పోషకాలను అందిస్తుంది. వాటిలో సూక్ష్మ, స్థూల పోషకాలు పుష్కలంగా ఉంటాయి. ఇందులో ఆరోగ్యకరమైన కొవ్వులు, ప్రోటీన్లు పుష్కలంగా ఉంటాయి. అంతేకాదు..వేరుశెనగ అనేక వ్యాధుల నుండి మనలను కాపాడుతుంది.
Updated on: Nov 11, 2023 | 7:30 AM
బరువు తగ్గడం చాలా మందికి పెద్ద టాస్క్‌లాంటిది. ఈ రోజుల్లో బరువు తగ్గించుకోవటానికి చాలా మార్గాలు ఉన్నాయి. కొందరు జిమ్, డైట్ వంటి అనేక రకాల పనులు చేస్తూ బరువు తగ్గడానికి ప్రయత్నిస్తారు. అయితే, ఇవి కూడా కొన్నిసార్లు ఎలాంటి ఫలితాలను ఇవ్వవు. కానీ, మీరు కొన్ని సాధారణ సహజ మార్గాల్లో కూడా బరువు తగ్గించుకోవచ్చు. చలికాలంలో వేరుశెనగలు మనకు ఉత్తమమైన రుచిని, శరీరానికి అవసరమైన అదనపు పోషకాలను అందిస్తాయి. ఇలాంటి వేరుశనగలతో బరువు తగ్గించుకునే మార్గాల్లేంటో ఇక్కడ తెలుసుకుందాం..
చలికాలం మొదలైంది. ఈ సీజన్‌లో ఎక్కడపడితే అక్కడ మార్కెట్లలో వేరుశెనగ విరివిగా దొరుకుతుంది. మన శరీరానికి వేడిని అందించడానికి, రోగనిరోధక శక్తిని పెంచడానికి వేరు శనగలను చలికాలంలో ఎక్కువగా తీసుకుంటారు. వేరుశెనగను వివిధ వంటకాలలో కూడా ఉపయోగిస్తారు. ఇది ప్రత్యేకమైన పోషకమైన రుచి కారణంగా తినడానికి అందరూ ఇష్టపడే స్నాక్‌ ఐటమ్‌ కూడా. పైగా వేరుశనగ సరసమైన ధరలోనే లభిస్తుంది. శీతాకాలంలో వేరుశెనగ మనకు మంచి రుచిని, శరీరానికి అవసరమైన అదనపు పోషకాలను అందిస్తుంది. వాటిలో సూక్ష్మ, స్థూల పోషకాలు పుష్కలంగా ఉంటాయి. ఇందులో ఆరోగ్యకరమైన కొవ్వులు, ప్రోటీన్లు పుష్కలంగా ఉంటాయి. అంతేకాదు..వేరుశెనగ అనేక వ్యాధుల నుండి మనలను కాపాడుతుంది.
– వేరుశెనగలో పీచు, ప్రొటీన్లు ఎక్కువగా ఉంటాయి. ఈ రెండు పోషకాలు బరువు తగ్గడంలో సహాయపడతాయి. ఫైబర్ కడుపు నిండిన అనుభూతిని కలిగిస్తుంది.జీర్ణక్రియను సులభతరం చేస్తుంది. ఇది మనం ఎక్కువగా, అనవసరమైన, అనారోగ్యకరమైన ఆహారాన్ని తినకుండా నిరోధిస్తుంది.
– వేరుశెనగలో ఆరోగ్యకరమైన కొవ్వులు, ప్రోటీన్లు కూడా పుష్కలంగా ఉంటాయి. అల్పాహారం- మధ్యాహ్న భోజనం మధ్య లేదా మధ్యాహ్నం- రాత్రి భోజనం మధ్య మీకు ఆకలిగా అనిపిస్తే, మీరు అనారోగ్యకరమైన స్నాక్స్‌కు బదులుగా వేరుశెనగలను తినవచ్చు.
– వీటిలో క్యాలరీలు ఎక్కువగా ఉన్నప్పటికీ, రోజుకు కొన్ని వేరుశెనగలు తినడం వల్ల శరీరానికి కావలసిన పోషకాలు అందుతాయి. అధిక బరువు పెరగకుండా ఉంటుంది.
– వేరు శనగలు ఖనిజాలు, విటమిన్లు మరియు యాంటీ ఆక్సిడెంట్ల అద్భుతమైన మూలం. ఇవి సమతుల్య ఆహారాన్ని పూర్తి చేస్తాయి.
– వేరుశెనగలోని మెగ్నీషియం జీవక్రియలో సహాయపడుతుంది. ఆరోగ్యకరమైన జీవక్రియ కోసం దీనిని ప్రతిరోజూ తినవచ్చు.
– చాలా మంది వేరుశెనగలో కొవ్వు పదార్థాలు ఎక్కువగా ఉంటాయి. కాబట్టి వాటికి దూరంగా ఉండాలని అనుకుంటారు. అయితే వీటిని మితంగా తీసుకోవచ్చు. ఈ కొవ్వులు నిజానికి ఆరోగ్యకరమైనవి. గుండె ఆరోగ్యానికి అత్యంత ప్రయోజనకరమైనవి.వేరు శనగలో కేలరీలు, కొవ్వు అధికంగా ఉంటాయి. కానీ వాటితో పెద్దగా బరువు పెరిగే ప్రమాదం ఉండదు.. ఈ కొవ్వులు మితంగా తీసుకుంటే నిజంగా ఆరోగ్యకరమైనవి. గుండె ఆరోగ్యానికి కూడా ఇది చాలా మేలు చేస్తుంది.
మరిన్ని లైఫ్ స్టైల్ న్యూస్ కోసం క్లిక్ చేయండి..
