Remedies for Sore Throat: చలి కాలంలో గొంతు నొప్పి నుంచి ఉపశమనం పొందాలంటే ఈ చిట్కాలు మీకోసమే!
ఇతర కాలాలతో పోల్చితే చలి కాలంలో ఇన్ ఫెక్షన్లు, జ్వరం, తల నొప్పి, జలుబు, దగ్గు, గొంతు నొప్పి వంటికి ఎక్కువగా ఎటాక్ చేస్తాయి. అలాగే శీతా కాలంలో గొంతు నొప్పి అనేది కూడా సర్వ సాధారణం. కూలింగ్ వాటర్, డ్రింక్స్, ఐస్ క్రీమ్స్ వంటివి తింటే వెంటనే గొంతు నొప్పి వచ్చేస్తుంది. దీంతో ఇతర ఆహార పదార్థాలను ఏమీ తినలేం. మాట్లాడటానికి కూడా ఇబ్బందిగా ఉంటుంది. గొంతులోని ఇన్ ఫెక్షన్ కారణంగా సూక్ష్మ క్రిములు చేరడం వల్ల గొంతు నొప్పి వస్తుంది. గొంతు నొప్పి కారణంగా..
Chinni Enni | Edited By: Ravi Kiran
Updated on: Nov 11, 2023 | 9:59 PM
ఇతర కాలాలతో పోల్చితే చలి కాలంలో ఇన్ ఫెక్షన్లు, జ్వరం, తల నొప్పి, జలుబు, దగ్గు, గొంతు నొప్పి వంటికి ఎక్కువగా ఎటాక్ చేస్తాయి. అలాగే శీతా కాలంలో గొంతు నొప్పి అనేది కూడా సర్వ సాధారణం. కూలింగ్ వాటర్, డ్రింక్స్, ఐస్ క్రీమ్స్ వంటివి తింటే వెంటనే గొంతు నొప్పి వచ్చేస్తుంది. దీంతో ఇతర ఆహార పదార్థాలను ఏమీ తినలేం. మాట్లాడటానికి కూడా ఇబ్బందిగా ఉంటుంది. గొంతులోని ఇన్ ఫెక్షన్ కారణంగా సూక్ష్మ క్రిములు చేరడం వల్ల గొంతు నొప్పి వస్తుంది. గొంతు నొప్పి కారణంగా జ్వరం కూడా వస్తుంది. ఒక్కోసారి ట్యాబ్లెట్స్ వేసుకున్నా పని చేయదు. ఆస్పత్రికి వెళ్లాల్సి వస్తుంది. ఇలాంటప్పుడు ఇంట్లోని కొన్ని రకాల చిట్కాలు పాటించడం వల్ల వీటికి చెక్ పెట్టవచ్చదు. అవేంటో చూద్దాం.
గోరు వెచ్చటి నీరు:
మీకు ఎప్పుడైతే గొంతు నొప్పిగా అనిపిస్తుందో.. అప్పుడు వేడి నీటిని గొంతులో వేసుకుని పుక్కిలించాలి. ఇలా చేస్తే గొంతు నొప్పి మటుమాయం అవుతుంది.
గోరు వెచ్చటి నీరు – ఉప్పు:
గొంతు నొప్పి ఉన్నప్పుడు.. గోరు వెచ్చటి నీటిలో కొద్దిగా ఉప్పు వేసుకుని బాగా పుక్కిలించాలి. ఇలా గొంతు నొప్పి తగ్గేదాకా చేయవచ్చు. ఇలా చేసినా గొంతు నొప్పి నుంచి రిలీఫ్ పొందవచ్చు.
పసుపు:
పసుపు యాంటీ బయోటిక్ అన్న విషయం మనకు తెలిసిందే. చలి కాలంలో గొంతు నొప్పి వచ్చినప్పుడు.. గోరు వెచ్చటి నీటిలో కొద్దిగా పసుపు వేసి బాగా పుక్కిలించాలి. గొంతు దగ్గర ఓ నిమిషం పాటు పసుపు కలిపిన వాటర్ ని అలానే ఉంచాలి. ఇలా రోజుకు రెండు సార్లు చేయాలి. త్వరలోనే గొంతు నొప్పి నుంచి రిలీఫ్ నెస్ వస్తుంది.
అల్లం టీ:
అల్లం టీతో కూడా గొంతు నొప్పిని తగ్గించుకోవచ్చు. అలాగే గొంతు ఇన్ ఫెక్షన్ ను కూడా దూరం చేసుకోవచ్చు. అల్లం ఘాటుకు గొంతులోని ఇన్ ఫెక్షన్ దూరం అవుతుంది.
మిరియాల పాలు:
గొంతు నొప్పిగా ఉన్నప్పుడు మిరియాల పాలు తాగితే అద్భుతంగా పని చేస్తాయి. గొంతులోని ఇన్ ఫెక్షన్ ఉన్నా పోతుంది.
తేనె – నిమ్మ రసం:
గొంతు నొప్పిగా ఉన్నప్పుడు గోరు వెచ్చటి నీటిలో తేనె, నిమ్మ రసం కలుపుకుని తాగితే మంచి రిలీఫ్ గా ఉంటుంది. అంతే కాకుండా శరీరంలో రోగ నిరోధక శక్తిని పెంచుతుంది. ఎనర్జీ లెవల్స్ కూడా పెరుగుతాయి. గొంతులో ఏమైనా ఇన్ ఫెక్షన్ ఉంటే తగ్గితుంది.
గమనిక: ఇది నిపుణులు, అధ్యయనాల నుంచి సేకరించిన సమాచారం. అవగాహన కోసం మాత్రమే ఈ కథనం. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడం మేలు.
