పీపీఈ కిట్లను ఇలా కూడా వాడొచ్చంటున్నారు పోలీసులు..!

కరోనా నియంత్రణకు ఉపయోగిస్తున్న పీపీఈ కిట్లను మల్టీఫర్పస్ గా యూజ్ చేసుకోవచ్చంటున్నారు ఉత్తరప్రదేశ్ పోలీసులు. ఝాన్సీ జిల్లా పోలీసులు ఓ వినూత్న కిట్ ను తయారు చేశారు. కరోనా తోపాటు వర్షాకాలంలో వాన నుంచి రక్షణగా ఉండేలా ట్రాన్సపరెంట్ పర్సనల్ ప్రొటెక్షన్ ఎక్విప్ మెంట్ (పీపీఈ) కిట్ ను రూపొందించారు. కరోనా నుంచి రక్షణతోపాటు వర్షకాలంలో తడవకుండా ఉండటానికి ఇది చాలా ఉపయోగపడుతుందంటున్నారు. వీటి తయారు చేస్తున్న స్థానిక వ్యాపారికి ఏకంగా 1,000 కిట్లకు ఆర్డర్ కూడా చేశారు. తొలి దశలో వివిధ యూనట్లకి వీటిని డెలివర్ చేయనున్నారు. పదిహేను రోజుల కింద వచ్చిన ఆలోచనతో కొన్ని మల్టీపర్పస్ పీపీఈ కిట్లను తయారు చేశామన్నారు అడిషనల్ సూపరింటెండెంట్ ఆఫ్ పోలీస్ రాహుల్ శ్రీవాత్సవ. బార్డర్ డ్యూటీ చేస్తున్నవారు వ్యక్తిగతంగా వీటిని ధరించి.. సౌకర్యవంతంగా ఉన్నాయని నిర్ధారణకు వచ్చామన్నారు. హాట్ స్పాట్స్, క్వారంటైన్ సెంటర్స్, పోలీస్ రైడ్స్, అరెస్ట్ లు చేసే సమయంలో పోలీస్ యూనిఫామ్ కంపల్సరీగా కనిపించేలా దీన్ని రూపొందించామని స్పష్టం చేశారు. ప్రస్తుతం దీని ఖరీదు రూ. 400 గా నిర్ణయించామన్నారు రాహుల్ శ్రీవాత్సవ.