Tiger Chases: టూరిస్టు బస్సును వెంటబడి తరిమిన పులి.. వామ్మో !

ఛత్తీస్ గడ్ లోని నందన్వన్ జంగిల్ సఫారీలో ఒక పులి టూరిస్టు బస్సును వెంటబడి తరిమింది. ఈ నెల 14 న కొందరు పర్యాటకులు బస్సులో ఈ వన్యమృగ కేంద్రంలో వెళ్తుండగా.. రెండు పులులు పోట్లాడుకోవడాన్ని చూశారట. అయితే వాటిలో ఒకటి ఈ బస్సును చూసి హఠాత్తుగా ముందుకు వఛ్చి ఈ వాహనం కిటికిలోంచి కిందికి వేలాడుతున్న కర్టెన్ ను నోటితో పట్టేసి వదలకుండా లాగడానికి ప్రయత్నించింది. అదే సమయంలో బస్సుపై దాడికి కూడా యత్నించడంతో.. గైడ్ సూచనపై డ్రైవర్ బస్సును వేగంగా ముందుకు నడిపాడు. కానీ ఆ పులి పట్టు వదలకుండా కొంతదూరం దాన్ని వెంబడిస్తూ పరుగులు పెట్టింది. మొత్తానికి వాహనం స్పీడందుకోవడంతో అది వెనుదిరిగింది. బస్సులోని టూరిస్టులు బతుకుజీవుడా అని ఊపిరి పీల్చుకున్నారు. అయితే.పులి-బస్సు ఘటనపై స్పందించిన అధికారులు.. బస్సు డ్రైవర్ ను, గైడ్ ను సస్పెండ్ చేశారు. వారిద్దరూ సఫారీ ప్రోటోకాల్ ను నిర్లక్ష్యం చేశారని, టూరిస్టుల భద్రతను గాలికొదిలేశారని వారు ఆరోపిస్తూ ఈ చర్య తీసుకున్నారు. పులి బస్సును వెంబడించిన ఘటన తాలూకు వీడియో వైరల్ అవుతోంది.

Very disappointed to see this Video from safari park Raipur, see it to belive. Is CZA not on Twitter? The tigers in this zoo hv become dangerously used to humans and incidents like these will only make it worse. @ntca_india @AnupKNayak @moefcc pic.twitter.com/gPBZIdmLar

— Randeep Hooda (@RandeepHooda) February 15, 2020