బ్లాక్‌మెయిలర్‌ను చితకబాదిన అక్కాచెళ్లెల్లు..

లైంగికి వేధింపులకు పాల్పడున్న ఓ యువకుడిని ఇద్దరు అక్కాచెల్లెళ్లు చితకబాదారు. ఈ ఘటన నిజామాబాద్‌లో చోటుచేసుకుంది. నిర్మల్‌కు చెందిన అనిల్ అనే వ్యక్తి కొన్ని రోజులుగా ఓ వివాహితను వేధిస్తున్నాడు. మార్ఫింగ్ చేసిన ఫొటోలను ఆమె భర్తకు వాట్సాప్ చేశాడు. నిజానిజాలేంటో తెలుసుకోకుండానే భర్త ఆమెను ఇంట్లోంచి గెంటేశాడు. దీన్ని మరింత అలుసుగా తీసుకున్న అనిల్ సదరు వివాహితపై లైంగిక వేధింపులకు తెగించాడు. నిర్మల్ నుంచి నిజామాబాద్ వచ్చిన అతన్ని బాధితురాలు, ఆమె సోదరి, స్థానికుల సాయంతో పట్టుకున్నారు. చితక బాది పోలీసులకు అప్పగించారు. కాగా.. నిందితుడిని అదుపులోకి తీసుకున్న పోలీసులు విచారిస్తున్నారు. బాధితురాళ్ల ఫిర్యాదుతో అతన్ని 354C, 448, 506 సెక్షన్ల కింద కేసు నమోదు చేశారు.