బ్రేకింగ్.. కోడి రామకృష్ణ ఇకలేరు

హైదరాబాద్: తెలుగు చిత్ర పరిశ్రమ లెజెండరీ దర్శకుడిని కోల్పోయింది. ప్రముఖ సీనియర్ దర్శకులు కోడి రామకృష్ణ కన్నుమూశారు. హైదరాబాద్‌ గచ్చిబౌలిలో ఏఐజి ఆస్పత్రిలో చికిత్స తీసుకుంటూ తుది శ్వాస విడిచారు.  గత రెండు రోజులుగా ఆయన ఆరోగ్యం సీరియస్‌గా ఉంది. దీంతో వెంటిలేటర్‌పై చికిత్స తీసుకుంటున్నారు. అంతుకు ముందు కూడా ఆయనకు ఆరోగ్య సమస్యలున్నాయి. గతంలో గుండె పోటు, పక్షవాతానికి గురై కోలుకున్నారు.

పశ్చిమ గోదావరి జిల్లా పాలకొల్లులో కోడి రామకృష్ణ జన్మించారు. 1982లో తొలిసారిగా ఇంట్లో రామయ్య వీధిలో కృష్ణయ్య ద్వారా తెలుగు చిత్ర పరిశ్రమకు దర్శకులుగా పరిచయం అయ్యారు. దర్శకరత్న దాసరి నారాయణరావు శిష్యునిగా ఆయన ప్రస్థానం మొదలైంది.  తర్వాత తనదైన శైలిలో విభిన్న చిత్రాలను తెరకెక్కిస్తూ అందరినీ ఆకట్టుకున్నారు. మంగమ్మ గారి మనవడు, ముద్దుల మేనల్లుడు, అంకురం, అమ్మోరు, అరుంధతి వంటి అద్భుతమైన చిత్రాలను ప్రేక్షకులకు అందించారు. ఆయన చివరిగా దర్శకత్వం వహించిన సినిమా ‘నాగహరవు’. 2016లో ఈ మూవీని కన్నడ భాషలో చిత్రించారు.