Russia Covid Vaccine: ‘అదిగో స్పుత్నిక్’ ! రష్యా నుంచి కాన్పూర్ కి వచ్ఛేవారం వ్యాక్ సీన్ ! రెండో దశ ట్రయల్స్ రెడీ ?

రష్యా నుంచి ‘స్పుత్నిక్ వీ ‘వ్యాక్సీన్ వచ్ఛేవారం కాన్పూర్ లోని ఓ వైద్య కళాశాల ఆసుపత్రికి చేరనున్నట్టు తెలుస్తోంది. ఈ టీకా మందుకు సంబంధించి రెండు, మూడో దశ హ్యూమన్ క్లినికల్ ట్రయల్స్ ని అక్కడ నిర్వహించనున్నారు. ఇందుకు డ్రగ్స్ కంట్రోలర్ జనరల్ ఆఫ్ ఇండియా (డీ సి జీ ఐ) నుంచి తమకు ఆమోదం లభించిందని డాక్టర్ రెడ్డీస్ లేబొరేటరీ ప్రకటించింది. రష్యా వ్యాక్సీన్ తో హ్యూమన్ క్లినికల్ ట్రయల్స్ వచ్ఛే వారమే ప్రారంభమవుతాయని కాన్పూర్ మెడికల్ కాలేజీ ఆసుపత్రి ప్రిన్సిపల్ ఆర్.బీ.కమల్ చెప్పారు. ట్రయల్స్ కోసం 180 మందికి పైగా వలంటీర్లు తమ పేర్లు నమోదు చేసుకున్నారని ఆయన వెల్లడించారు. మొదట వీరికి ఒక డోసు ఇస్తామని, అనంతరం వారి ఆరోగ్య పరిస్థితిని ఎప్పటికప్పుడు సమీక్షిస్తామని అన్నారు. ఇది బాగా పని చేస్తోందా లేదా అన్నది నిర్ధారించేందుకు డేటాను విశ్లేషిస్తామన్నారు. 7 నెలల పాటు ఈ విశ్లేషణ జరుగుతుంది.. ఆ తరువాత 21 రోజుల గ్యాప్ తో ఒకసారి, రెండో సారి, మూడోసారి ఇస్తామన్నారు. ఆ తరువాత నెలరోజులపాటు ఈ వ్యాక్సీన్  పై తీరు, ఎఫెక్టులను పరిశీలించిన తరువాత ట్రయల్ ఫలితాలను అధికారులకు వివరిస్తామన్నారు.