చట్టం ఎవ్వ‌రికీ చుట్టం కాదు..ఏకంగా దేశ‌ ప్ర‌ధానికే ఫైన్…!

చట్టం ఎవ్వ‌రికీ చుట్టం కాద‌ని నిరూపించారు రొమేనియా అధికారులు. చ‌ట్టాలు చేసేవాళ్లు సైతం వాటిని పాటించాల‌ని ఆ దేశ ప్ర‌ధానికే ఫైన్ వేసి చాటిచెప్పారు. రొమేనియా ప్రధానమంత్రి లుడోవిక్​ ఆర్బన్​.. భౌతిక దూరం పాటించ‌క‌పోవ‌డంతో పాటు, పబ్లిక్ స్మోకింగ్ చేసినందుకు 600 డాలర్ల ఫైన్ వేశారు. ఓ గ‌వ‌ర్న‌మెంట్ బిల్డింగులో నిర్వహించిన మీటింగులో ప్రధాని ఆర్బన్, ఆదేశ ఆర్థిక‌, విదేశాంగ‌ మంత్రులు ఉన్న ఫొటో బయటకు వచ్చింది. ఇందులో ఏ ఒక్కరూ మాస్క్ ధరించకపోగా.. భౌతిక దూరం రూల్ ఉల్లంఘిస్తున్నట్లు కనిపించారు. అలాగే వారిముందు లిక్క‌ర్ బాటిల్స్, సిగరెట్లు ఉన్నట్లు కనిపించింది. కాగా మీడియాలో వచ్చిన వార్తలపై రెస్పాండ్ అయ్యారు ప్రధాని ఆర్బన్​. ఆ ఫొటో మే 25న తన బ‌ర్త్ డే నాటిదని చెప్పుకొచ్చారు.