Viral Video: ఓరీ దేవుడో.. తెలియక ఆ నది ఒడ్డుకు వెళ్లారంటే ఖతమే..! అమాంతం దూకేసే అనకొండలు ఉంటాయ్..

ప్రకృతి ఒడిలో ఎన్నో రహస్యాలు దాగి ఉన్నాయి. ముఖ్యంగా ప్రపంచంలోనే అతిపెద్దదైన అమెజాన్ అడవుల్లో మనం ఊహించని ఎన్నో జీవులు నివసిస్తుంటాయి. తాజాగా బ్రెజిల్‌లో బయటపడిన ఒక భారీ ఎనకొండ దృశ్యాలు ప్రస్తుతం ఇంటర్నెట్‌ను షేక్ చేస్తున్నాయి. నది తీరంలో ఎండ కాచుకుంటూ పడుకున్న ఈ పామును చూసి స్థానికులు విస్తుపోయారు.

ఈ వైరల్ వీడియో ప్రకారం, ఆ అనకొండ అత్యంత భయంకరమైన పరిమాణంలో ఉంది. సాధారణంగా కనిపించే పాములకు ఇది కొన్ని రెట్లు పెద్దదిగా కనిపిస్తోంది. దీని శరీరం, వెడల్పు దాదాపు ఒక భారీ వాహనం టైరు అంత లావుగా ఉండటం విశేషం. ఈ పాము కదులుతున్న తీరు, దాని పొడవు చూస్తుంటే ఇది కొన్ని వందల కిలోల బరువు ఉంటుందని అంచనా వేస్తున్నారు. ఈ వీడియోను చూసిన నెటిజన్లు దీనిని రియల్ లైఫ్ అనకొండ మూవీ అని పిలుస్తున్నారు.

ఇవి కూడా చదవండి

వారెవ్వా హారిక.. కుగ్రామం నుంచి కామన్వెల్త్ గోల్డ్ మెడల్ వరకు..

ఎముకలు స్టీల్ లా మారాలంటే మఖానా తప్పనిసరి… ఎందుకో తెలుసుకోండి!

ఎన్నో రోగాలను నయం చేసే గోంద్ కతీరా!ఎన్ని రకాలుగా తినొచ్చో తెలుసా?

తులసి మొక్కకు నిమ్మకాయ తొక్కలు వేస్తున్నారా?ఈ 5 అద్భుత ప్రయోజనాలు

అయితే, ఈ పాము ఖచ్చితమైన పొడవు, బరువుపై అధికారికంగా ఎటువంటి సమాచారం లేదు. కొందరు నిపుణుల అభిప్రాయం ప్రకారం, కెమెరా యాంగిల్ వల్ల అది మరింత పెద్దదిగా కనిపిస్తూ ఉండవచ్చు. అయినప్పటికీ, అమెజాన్ నదీ పరివాహక ప్రాంతాల్లో ఇలాంటి భారీ అనకొండలు కనిపించడం కొత్తేమీ కాదు. ఆకుపచ్చని అనకొండలు (Green Anacondas) ప్రపంచంలోనే అత్యంత బరువుండే పాములుగా గుర్తింపు పొందాయి.

వీడియో ఇక్కడ చూడండి..

This how big the green anaconda of the Amazon rainforest is. pic.twitter.com/VZ4fkgAjK3

— The Sci-Tech Guy (@theSciTechGuy) April 28, 2026

ఈ వీడియో సోషల్ మీడియా ప్లాట్‌ఫారమ్ లలో వైరల్ కావడంతో, పర్యావరణ ప్రేమికులు, వన్యప్రాణి ఆసక్తిపరులు దీనిపై భిన్నాభిప్రాయాలు వ్యక్తం చేస్తున్నారు. కొందరు దీనిని ప్రకృతి వింతగా అభివర్ణిస్తుంటే, మరికొందరు ఇలాంటి అరుదైన జీవుల మనుగడను కాపాడాల్సిన అవసరం ఉందని అభిప్రాయపడుతున్నారు. మొత్తం మీద, ఈ భారీ ఎనకొండ వీడియో మాత్రం నెటిజన్లకు వెన్నులో వణుకు పుట్టిస్తోంది.

మరిన్ని ట్రెండింగ్ వార్తల కోసం ఇక్కడ క్లిక్ చేయండి..