యూట్యూబ్​లో దుమ్మురేపుతున్న’రౌడీ బేబీ’.. బిలియన్ వ్యూస్​ మార్కును దాటేసిందోచ్

రౌడీ బేబి గీతం యూట్యూబ్​లో దుమ్మురేపుతోంది​. బిలియన్ వ్యూస్​ మార్క్​ను సోమవారం దాటేసింది. ఈ సందర్భంగా హీరోయిన్ సాయిపల్లవి, చిత్రనిర్మాణ సంస్థ ట్విట్టర్​ వేదికగా ఆనందం వ్యక్తం చేశారు.

ధనుష్​, సాయిపల్లవి జంటగా నటించిన ‘మారి2’ చిత్రంలోని ‘రౌడీ బేబీ’ పాట అద్భుత రికార్డులను సొంతం చేసుకుంటోంది. యూట్యూబ్​ వేదికగా సౌత్ ఇండియా సినిమాకు 100 కోట్ల వ్యూస్ వచ్చినతొలి పాటగా ఘనత సాధించింది.

ఈ సందర్భంగా ఆనందం వ్యక్తం చేసిన నటి సాయిపల్లవి.. ప్రేక్షకుల ఆదరాభిమానాలకు ధన్యావాదాలు తెలిపారు. ‘మారి 2’కు యువన్ శంకర్ రాజా సంగీతమందించగా, బాలాజీ మోహన్ దర్శకత్వం వహించారు. రౌడీ బేబీ పాటకు ప్రభుదేవా కొరియోగ్రఫీ చేశారు.