జో బైడెన్ పై న్యాయ పోరాటం కొనసాగుతుంది, డొనాల్డ్ ట్రంప్

డెమొక్రాట్ అభ్యర్థి జో బైడెన్ పై తన న్యాయపోరాటం కొనసాగుతుందని,  కోర్టులో లీగల్ ప్రొసీడింగ్స్ మొదలయ్యాయని అమెరికా అధ్యక్షుడు డొనాల్డ్ ట్రంప్ అన్నారు. ఈ ఎన్నికల్లో కొన్ని రాష్ట్రాల్లో తనకు చాలా ఆధిక్యత లభించిందని, కానీ అదేమిటో ‘మిరాక్యులస్ గా’ అదృశ్యమైందని ఆయన చెప్పారు. ఈ రాష్ట్రాల్లో రాత్రంతా నేను లీడ్ లో ఉన్నట్టు సమాచారం అందింది. కానీ తెల్లారేసరికి  ఆ లీడ్ మటుమాయమైంది అని ట్రంప్ వ్యాఖ్యానించారు. బహుశా తన లీగల్  ప్రొసీడింగ్స్ ముందుకు సాగి తనకు అనుకూలంగా ఉత్తర్వులు  వస్తే ఆ లీడ్ మళ్ళీ కనిపిస్తుందని ఆశాభావాన్ని ఆయన వ్యక్తం చేశారు. నా ప్రభుత్వం పట్ల అమెరికన్లకు విశ్వాసం ఉండేలా దోహదపడే చట్టంలోని  అన్ని అంశాలనూ నేను వినియోగించుకుంటాను అని ట్రంప్ చెప్పారు.