కోళీకోడ్ విమాన ప్రమాద బాధితుల్లో 40 మందికి కరోనా పాజిటివ్..!

Kozhikode Flight Accident: కేరళలోని కోళీకోడ్ ఎయిర్‌పోర్ట్‌లో ఎయిర్ ఇండియా విమానం ప్రమాదానికి గురైన సంగతి తెలిసిందే. వందేమాతరం మిషన్‌లో భాగంగా ఈ విమానం 191 మంది ప్రయాణీకులను దుబాయ్‌ నుంచి కోళీకోడ్‌కు తీసుకొస్తుండగా.. ల్యాండింగ్‌ సమయంలో స్కిడ్ కావడంతో రన్‌వే పక్క నుంచి 35 అడుగుల లోయలో పడిపోయింది. దీనితో విమానం రెండు ముక్కలైంది. కేరళలో భారీ వర్షాలు కురుస్తుండటం వల్ల ఈ ప్రమాదం సంభవించిందని అధికారులు చెబుతున్నారు. కాగా, ఈ ప్రమాదంలో ఇద్దరు పైలట్లతో పాటు 19 మంది మరణించారు. ఇక ఈ ప్రమాదంలో చనిపోయిన 18 మందికి ఒకరికి.. అలాగే బాధితుల్లో 40 మందికి కరోనా పాజిటివ్ నిర్ధారణ అయిందని కేరళ మంత్రి కేటీ జలీల్ వెల్లడించారు.

Also Read: ఏపీ వచ్చే విదేశీ ప్రయాణీకులకు గుడ్ న్యూస్.. క్వారంటైన్ నుంచి మినహాయింపు!