IRCTC Tours: పది రోజులు.. ఆరు పుణ్యక్షేత్రాలు.. ఒకేసారి పూరి-కాశీ-అయోధ్యలను చుట్టేసి రావొచ్చు.. ఐఆర్‌సీటీసీ ప్రత్యేక ప్యాకేజీ..

దేశంలోని ప్రధాన పుణ్యక్షేత్రాలను, పవిత్ర నగరాలను సందర్శించడం అనేది చాలా మందికి ఓ కల. అన్ని సందర్శించడం ఓ భాగ్యమని చాలామంది భావిస్తుంటారు. జీవితకాలంలో పలు దఫాలుగా ఒక్కో పుణ్యక్షేత్రాన్ని దర్శించుకోడానికి వెళ్తుంటారు. అయితే ఐఆర్‌సీటీసీ టూరిజమ్‌ విభాగం ఓ అద్భుత అవకాశాన్ని పర్యాటకులకు అందిస్తోంది. పది రోజుల పర్యటనలో ఆరు ముఖ్యమైన పుణ్యక్షేత్రాలను దర్శించుకునేలా ప్రత్యేక రైలును నడుపుతోంది. భారత్‌ గౌరవ్‌ టూరిస్ట్స్‌ ట్రైన్‌ ను ఇందుకోసం ప్రత్యేకంగా తీసుకొచ్చింది. స్లీపర్‌ క్లాస్‌, సెకండ్‌ ఏసీ, థర్డ్‌ ఏసీ క్లాస్‌లలో ప్రయాణించే వీలుంది. పుణ్య క్షేత్ర యాత్ర: పూరి-కాశీ-అయోధ్య పేరిట తీసుకొచ్చిన ఈ ప్యాకేజీ రూ. 16,400 నుంచి ప్రారంభమవుతుంది.దీనిలో పూరి, కోణార్క్, గయ, వారణాసి, అయోధ్య, ప్రయాగ్‌రాజ్ నగరాలను సందర్శిస్తారు. అక్టోబర్‌ 12న ప్రారంభమయ్యే ఈ భారత్‌ గౌరవ్‌ టూరిస్ట్స్‌ ట్రైన్‌ పుణ్య క్షేత్ర యాత్రకు సంబంధించిన పూర్తి వివరాలు ఇప్పుడు చూద్దాం..

టూర్‌ హైలైట్స్‌ ఇవి..

• ప్యాకేజీ పేరు: పుణ్య క్షేత్ర యాత్ర: పూరి-కాశీ-అయోధ్య(ఎస్‌సీజెడ్‌బీజీ-14)
• కాల వ్యవధి: 9 రాత్రులు/10 పగళ్లు
• ప్రయాణ తేదీ: 12.10.2023
• రైలు ప్రయాణం ఇలా: సికింద్రాబాద్-పూరి – కోణార్క్ – గయా- వారణాసి – అయోధ్య – ప్రయాగ్‌రాజ్ – సికింద్రాబాద్
• అందుబాటులో ఉండే సీట్లు: 716 ( స్లీపర్‌: 460, 3ఏసీ: 206, 2ఏసీ: 50)
• రైలు ఆగే స్టేషన్లు: సికింద్రాబాద్‌, కాజీపేట్‌, ఖమ్మం, విజయవాడ, ఏలూరు, రాజమండ్రి, సామర్లకోట, పెందుర్తి, విజయనగరం

సందర్శించే ప్రాంతాలు ఇవి..

• పూరి: జగన్నాథ దేవాలయం
• కోణార్క్: సూర్య దేవాలయం, బీచ్
• గయా: విష్ణుపాద ఆలయం
• వారణాసి : కాశీ విశ్వనాథ దేవాలయండ, కాశీ విశాలాక్షి, అన్నపూర్ణా దేవి ఆలయం, సాయంత్రం గంగా హారతి అయోధ్య: సరయు నది వద్ద రామజన్మ భూమి, హనుమాన్‌గర్హి
• ప్రయాగరాజ్: త్రివేణి సంగమం, హనుమాన్ మందిర్, శంకర్ విమాన మండపం

పర్యటన సాగుతుందిలా..

డే01(12.10.2023): మధ్యాహ్నం 12 గంటలకు సికింద్రాబాద్‌ రైల్వే స్టేషన్‌ నుంచి భారత్‌ గౌరవ్‌రైలు ప్రారంభమవుతుంది. కాజీపేట్‌, ఖమ్మం, విజయవాడ, ఏలూరు, రాజమండ్రి, సామర్లకోట, పెందుర్తి, విజయనగరం స్టేషన్లలో పర్యాటకులను ఎక్కించుకొని ప్రయాణం సాగుతుంది. రాత్రంతా ప్రయాణం ఉంటుంది.

డే02(13.10.2023): ఉదయం 9.30 గంటలకు మల్తీపట్‌పూర్ చేరుకుంటారు. అక్కడి నుంచి రోడ్డు మార్గంలో పూరీకి వెళ్తారు. జగన్నాథ ఆలయాన్ని సందర్శించి. రాత్రిక అక్కడే బస చేస్తారు.

ఇవి కూడా చదవండి

IRCTC Tours: హైదరాబాద్ టు తిరుపతి ట్రిప్.. రెండు రోజుల్లోనే ఐదు ఆధ్యాత్మిక క్షేత్రాలు.. అతి తక్కువ ధరలో ఐఆర్ సీటీసీ ప్రత్యేక ప్యాకేజీ..

IRCTC Tours: హైదరాబాద్ టు ద్వారక.. అతి తక్కువ ధరకే ఐఆర్‌సీటీసీ ప్యాకేజీ.. స్టాట్యూ ఆఫ్ యూనిటీని కూడా చూడొచ్చు..

IRCTC Tours: రాజస్థాన్ రాజసం చూసొద్దాం రండి.. ఐఆర్‌సీటీసీ నుంచి అతి తక్కువ ధరలోనే విమాన ప్రయాణం..

డే03(14.10.2023): అల్పాహారం తర్వాత కోణార్క్‌లోని ప్రపంచ ప్రసిద్ధ సూర్య దేవాలయాన్ని సందర్శిస్తారు. తర్వాత గయాకు వెళ్లడానికి రైలు ఎక్కేందుకు మల్తీపట్‌పూర్‌ రైల్వే స్టేషన్‌కు తిరిగి వెళ్తారు.

డే04(15.10.2023): గయా చేరుకొని బోధ్ గయా-మహాబోధి దేవాలయం, విష్ణు పాద ఆలయాన్ని సందర్శిస్తారు. గయాలోనే రాత్రి బస చేస్తారు.

డే05(16.10.2023): గయా నుంచి వారణాసికి బయలుదేరుతారు. వారణాసికి చేరుకున్న తర్వాత సారనాథ్ స్మారక చిహ్నాలను సందర్శిస్తారు.

డే06(17.10.2023): అల్పాహారం తర్వాత కాశీ విశ్వనాథ ఆలయం, కారిడార్, కాశీ విశాలాక్షి, అన్నపూర్ణా దేవి ఆలయాన్ని సందర్శిస్తారు. సాయంత్రం సాక్షి గంగా హారతిని సందర్శిస్తారు. అనంతరం అయోధ్యకు వెళ్లడానికి వారణాసి Jn నుండి రైలు ఎక్కండి.

డే07(18.10.2023): అయోధ్యకు చేరుకున్న తర్వాత హోటల్ లో చెకిన్ అయ్యి ఫ్రెష్ అవుతారు. అనంతరం రామజన్మ భూమి, హనుమాన్‌గర్హి సందర్శన, సరయు నది వద్ద సాయంత్రం హారతిని తిలకిస్తారు. అనంతరం అయోధ్య నుంచి ప్రయాగ్ రాజ్ కు రైలులో బయలుదేరుతారు.

రోజు08(19.10.2023): ఉదయం ప్రయాగ్‌రాజ్‌కి చేరుకుని పవిత్ర త్రివేణి సంగమం-గంగా, యమున, పౌరాణిక సరస్వతి-ఆచారాలు, హనుమాన్ మందిర్ సందర్శిస్తారు. అనంతరం హైదరాబాద్ కు తిరుగు ప్రయాణమవుతారు. మధ్యాహ్నం రెండు గంటలకు రైలు ఎక్కుతారు. రాత్రంతా ప్రయాణం ఉంటుంది.

డే09/10(20.10.2023, 21.10.2023): పగలంతా రైలు ప్రయాణం ఉంటుంది. సాయంత్రం 6.45 గంటలకు విజయనగరం చేరుకుంటుంది. ఆ తర్వాత వరుసగా పెందుర్తి, సామర్లకోట, రాజమండ్రి, ఏలూరు, విజయవాడ, ఖమ్మం, కాజీపేట్‌ స్టేషన్లలో పర్యాటకులను దించుతూ పదో రోజు ఉదయం 7.30 గంటలకు సికింద్రాబాద్ చేరుకోవడంతో టూర్ ముగుస్తుంది.

ప్యాకేజీ ధరలు ఇలా..

• రైలులో స్లీపర్ క్లాస్(ఎకానమీ)లో ప్రయాణిస్తూ హోటల్లో డబుల్ లేదా ట్రిపుల్ షేరింగ్ అయితే రూ. 16,400 చార్జ్ చేస్తారు. ఐదేళ్ల నుంచి పదకొండేళ్ల పిల్లలకు రూ. 15,200 తీసుకుంటారు.
• రైలులో థర్డ్ ఏసీ క్లాస్(స్టాండర్డ్)లో ప్రయాణిస్తూ హోటల్లో డబుల్ లేదా ట్రిపుల్ షేరింగ్ కావాలంటే రూ. 25,500, ఐదేళ్ల నుంచి పదకొండేళ్ల పిల్లలకు రూ. 24,200 చార్జ్ చేస్తారు.
• రైలులో సెకండ్ ఏసీ క్లాస్(కంఫర్ట్)లో ప్రయాణిస్తూ హోటల్లో డబుల్ లేదా ట్రిపుల్ షేరింగ్ కావాలంటే రూ. 33,300, ఐదేళ్ల నుంచి పదకొండేళ్ల పిల్లలకు రూ. 31,700 చార్జ్ చేస్తారు. సింగిల్ షేరింగ్ లేదు. సింగిల్ గా టికెట్ బుక్ చేసుకున్నా.. ఇతరులతో హోటల్ రూం షేర్ చేసుకోవాల్సి ఉంటుంది.

ప్యాకేజీలో ఇవి ఉంటాయి..

• స్లీపర్ క్లాస్ లో టికెట్ బుక్ చేసుకున్న వారికి హోటల్లో నాన్ ఏసీ రూమ్, లోకల్లో ప్రయాణాలకు నాన్ ఏసీ వాహనం అందుబాటులో ఉంటుంది.
• థర్డ్ ఏసీ క్లాస్ లో టికెట్ బుక్ చేసుకున్న వారికి హోటల్లో నాన్ ఏసీ రూమ్ లు, నాన్ ఏసీ వాహన సదుపాయం ఉంటుంది.
• సెకండ్ ఏసీ క్లాస్ లో టికెట్ బుక్ చేసుకున్న వారికి హోటల్లో ఏసీ రూమ్ లు, లోకల్ ప్రయాణాలకు ఏసీ వాహనం అందుబాటులో ఉంటుంది.
• ఉదయం టీ, అల్పాహారం, మధ్యాహ్న భోజనం, రాత్రి భోజన వసతి కల్పిస్తారు. శాకాహారం మాత్రమే ఉంటుంది. ప్రయాణ బీమా వసతి కల్పిస్తారు. టూర్ ఎస్కార్ట్స్ అందుబాటులో ఉంటారు. అయితే ఆయా ఆలయాల్లో దర్శన టికెట్లు, పార్కులు, బీచ్ లలో ఇతర ఖర్చులు, ఎంట్రీ టికెట్లు అన్ని పర్యాటకులే భరించాల్సి ఉంటుంది.
• మరిన్ని వివరాలకు ఐఆర్ సీటీసీ టూరిజమ్ అధికారిక వెబ్ సైట్లోకి వెళ్లి టూర్ ప్యాకేజెస్ సెక్షన్లో వెతకొచ్చు.

మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి..