హెచ్‌సీయూ ప్రవేశాలకు రికార్డు స్థాయిలో అప్లికేషన్లు

Huge Applications to HCU for PG Entrance : కరోనా భయంతో పరీక్షలను ప్రభుత్వాలు రద్దు చేస్తున్నా… విద్యార్థులు మాత్రం తమ చదువును పక్కన పెట్టడం లేదు. పోటీ పరీక్షలకు దరఖాస్తు చేస్తున్న వారి సంఖ్య పెరుగుతూనే ఉంది. తాజాగా..హైదరాబాద్​ సెంట్రల్​ యూనివర్సిటీ ప్రవేశాల కోసం భారీగా దరఖాస్తులు వచ్చాయి.

పీజీ ఎంట్రెన్స్ టెస్ట్ కోసం అప్లై చేసినవారి సంఖ్య ఎన్నడూ లేనంతాగా ఈ ఏడాది వచ్చాయి. 62,853 మంది దరఖాస్తు చేసుకున్నట్లు హెచ్​సీయూ పరీక్ష విభాగం తెలిపింది. కరోనా పరిస్థితులు మెరుగుపడిన తర్వాతే వీరికి పరీక్షలు నిర్వహిస్తామని వెల్లడించింది. పరీక్షలు ఏ తేదీన నిర్వహిస్తామనేది త్వరలో ప్రకటిస్తామని తెలిపింది.