ఆ దర్శకుడికి అందుకే నో చెప్పాడట.!

టాలీవుడ్‌లో యంగ్ రెబల్ స్టార్ ప్రభాస్‌కు ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. రాజమౌళి తెరకెక్కించిన ‘బాహుబలి’ సిరీస్‌తో ప్రపంచవ్యాప్తంగా ఫాలోయింగ్‌ను పెంచుకున్నాడు. అందుకే టాలీవుడ్, బాలీవుడ్ నిర్మాతలు ప్రభాస్‌తో సినిమా చేయడానికి క్యూ కడతారు. అయితే తాజాగా ఓ స్టార్ డైరెక్టర్‌కు ప్రభాస్ షాక్ ఇవ్వడం ఇప్పుడు ఇండస్ట్రీలో హాట్ టాపిక్ అయింది.

ఇటీవల మెగాస్టార్ చిరంజీవితో ‘సైరా నరసింహారెడ్డి’ తెరకెక్కించిన దర్శకుడు సురేందర్ రెడ్డి ప్రభాస్‌తో ఓ సినిమా చేయనున్నాడని ఈ మధ్య వార్తలు జోరందుకున్నాయి. స్పై థ్రిల్లర్ కథాంశంతో కూడిన ఈ స్టోరీని డార్లింగ్‌కు వినిపించాడని తెలుస్తోంది. అయితే అనుకోని విధంగా ప్రభాస్ ఈ ప్రాజెక్ట్‌ను రిజెక్ట్ చేశాడట. సురేందర్ రెడ్డి వినిపించిన థ్రిల్లర్ కథ నచ్చినప్పటికీ దాన్ని పాన్ ఇండియన్ లెవెల్‌లో తెరకెక్కించే ఆస్కారం లేకపోవడంతో ప్రభాస్‌ నో చెప్పాడని సమాచారం.

కాగా, ప్రస్తుతం ప్రభాస్ ‘జాన్’ సినిమాపై పూర్తి ఫోకస్ పెట్టాడు. ఈ సినిమా షూటింగ్ జనవరి మొదటి వారంలో హైదరాబాద్‌లో మొదలు కానుంది. రాధాకృష్ణ దర్శకత్వం వహించనున్న ఈ చిత్రంలో పూజా హెగ్డే హీరోయిన్‌గా నటిస్తోంది.