మాట్లాడే కారును ఎప్పుడైనా చూశారా.. స్టీరింగ్ అసలే ఉండదు.. వింత ఆకారంలో టైర్లు.. మెర్సిడెస్ కంపెనీ నూతన ఆవిష్కరణ..

కారు అనేది ప్రస్తుత సమాజంలో నిత్యావసర సరుకుగా మారిపోయింది. చాలామంది కారును ఒక స్టేటస్ సింబల్‌గా భావిస్తున్నారు. బ్యాంకులు కూడా అందుకు తగిన విధంగా లోన్స్ ఇస్తూ ప్రోత్సహిస్తున్నాయి. దీంతో కార్ల కంపెనీలు రకరకాల కార్లను తయారుచేస్తున్నారు. రకరకాల ఫీచర్లతో ఆకర్షనీయ ధరల్లో అందిస్తున్నారు. అయితే ఇక్కడ మనం చెప్పుకునే కారు ప్రముఖ లగ్జరీ కార్ల సంస్థ మెర్సిడెజ్ రూపొందించింది. హాలీవుడ్ దర్శకుడు జేమ్స్ కామెరూన్‌తో కలిసి ఆయన ఆలోచనలకు అనుగుణంగా ఒక అధునాతన కారును సిద్ధం చేశారు. ఇవాటి ఆలోచనలే మనం రేపు పాటించబోయే ప్రమాణాలు అనే నినాదంతో ఈ కారును క్రియేట్ చేశామని మెర్సిడెజ్ ప్రతినిధులు తెలిపారు. ఈ కారు గురించి వివరిస్తూ 12 నిమిషాల వీడియోను కూడా యూట్యూబ్‌లో విడుదల చేశారు. మరి ఈ కారుకు ఉండే ప్రత్యేకతలు ఏంటో తెలుసుకుందామా..

ఈ కారు టైర్లను జంతువు, పువ్వు, ఆకృతులను దృష్టిలో పెట్టుకొని తయారు చేశారు. అందుకే అన్నికార్లకు ఉండే చక్రాల మాదిరిగా కాకుండా గుండ్రంగా ఉంటాయి. ఇలా ఉండటం వల్ల ఇరుకు ప్రదేశాల్లో పార్కింగ్ చేయడానికి అనువుగా ఉంటుందని కంపెనీ ప్రతినిధులు తెలిపారు. అలాగే కారులో స్టీరింగ్ బదులుగా ఒక ప్యాడ్‌ను అమర్చారు. దీనిని ఆపరేటింగ్ చేయడానికి సీటు పక్కన ఒక సెంట్రల్ కంట్రోల్ ప్యాడ్‌ను అమర్చారు. దానిపై చెయ్యి పెట్టి ముందుకంటే ముందుకు, వెనుకకంటే వెనుకకు, పక్కకంటే పక్కకు వెళుతుంది. ఇంకా చెప్పాలంటే ఈ కారు మీతో మాట్లాడుతుంది. మన శరీర స్పందనలను బట్టి పరిస్థితులను అర్థం చేసుకుంటుంది. దీనిని మొదటిసారిగా జనవరిలో అమెరికాలోని లాస్ వేగాస్‌లో ప్రదర్శించారు. ఇలా వింత కారు తయారుచేసి మెర్సిడజ్ కార్ల కంపెనీకి సవాల్ విసిరింది.