ములుగు జిల్లాలో ఘోర రోడ్డు ప్రమాదం.. తాడ్వాయి సమీపంలోని163 వ జాతీయ రహదారిపై వేగంగా దూసుకొచ్చిన..

లాక్‌డౌన్ వల్ల రోడ్డు ప్రమాదాలు తగ్గాయని అనుకుంటే మళ్లీ ఇప్పుడు విపరీతంగా పెరిగిపోతున్నాయి. వాతావరణంలో వచ్చిన మార్పుల వల్ల మబ్బులు కమ్మి ముందున్న వాహనాలు కనపడక ప్రమాదాలు సంభవిస్తున్నాయి. తాజాగా ములుగు జిల్లాలో ఘోర రోడ్డు ప్రమాదం చోటుచేసుకుంది. ఈ ప్రమాదంలో ఒకరు మృతి చెందగా మరో ఇద్దరు గాయపడ్డారు.

ములుగు జిల్లా తాడ్వాయి సమీపంలోని 163 వ జాతీయ రహదారిపై వేగంగా వచ్చిన కారు ఆగి ఉన్న లారీని ఢీకొట్టింది. దీంతో కారులో ప్రయాణిస్తున్న ఓ వ్యక్తి మరణించగా, మరో ఇద్దరు గాయపడ్డారు. ఘటనా స్థలానికి చేరుకున్న పోలీసులు గాయపడిన వారిని దవాఖానకు తరలించారు. మృతుడిని మంగపేట మండలం పోతునూరి శ్రీనివాస్‌గా గుర్తించారు. ఈ ప్రమాదంలో శ్రీనివాస్‌ కుమారుడు, కుమార్తె గాయపడ్డారు. ఈ ఘటనపై కేసు నమోదుచేసిన పోలీసులు, దర్యాప్తు చేస్తున్నారు. ముందున్న వాహనం కనిపించకపోవడంతోనే ప్రమాదం జరిగిందని భావిస్తున్నారు.