వ్యాన్ లో మంటలు..డ్రైవర్ దూకేశాడు.. ఆ తరువాత.. ..

చైనాలో ఈ నెల 20 న జరిగిన ఘటన ఇది.. యూబీ జిల్లాలోని పెట్రోలు స్టేషన్ ముందు ఆగిందో వ్యాన్.. అందులో పెట్రోలు పోయించుకునేందుకు డ్రైవర్ రెడీ అవుతూ కిందికి దిగబోయాడు. అంతే ! ఒక్కసారిగా ఆ వ్యాన్ లో మంటలు అంటుకున్నాయి. అది గమనించిన మనోడు వెంటనే విండో నుంచి దూకేశాడు. పొర్లుకుంటూ తన వాహనానికి దూరంగా వచ్ఛేశాడు. అతగాడు ఏ మాత్రం అజాగ్రత్తగా ఉన్నా ఈ ప్రమాదంలో సజీవ దహనమయ్యేవాడు.ఇతని వాహనం మంటల్లో చిక్కుకోవడం, ఇతడు దానినుంచి దూకేయడం గమనించిన పెట్రోలు బంక్ సిబ్బంది వెంటనే కాపాడేందుకు పరుగులు పెడుతూ వచ్చారు. పైగా బంక్ లోని పెట్రోలు పాయింట్లను ఆఫ్ చేశేశారు. వారు ఒకవేళ ఆ పని చేయకపోయి ఉంటే భారీ అగ్నిప్రమాదమే జరిగి ఉండేదని అధికారులు.. ‘ భయం భయంగా ‘ చెప్పారు. మొత్తానికి ఆ వాహన డ్రైవర్ సేఫ్.. అన్నట్టు… ఇది ఏనాటిదో డొక్కు వాహనమట. ఈ ఘటన జరగడానికి ముందే ఈ వాహనం నుంచి పెట్రోలు లీక్ అయిందని, అయినా పట్టించుకోకుండా నడుపుతూ వచ్చానని ఆ తరువాత ముఖాన చిరునవ్వు పులుముకుని ఈ డ్రైవర్ చెబుతుంటే పెట్రోల్ స్టేషన్ సిబ్బంది కళ్లప్పగించి వింటూ ఉండిపోయారు. చివరకు ఆ వాహనంపై నీళ్లు పోసి మంటలు ఆర్పేశారు. ఏమైనా… ఈ ప్రమాదం తాలూకు వీడియో నెట్టింట్లో వైరల్ అవుతోంది. అసలు వ్యాన్ లో మంటలు ఎలా రేగాయో తెలుసుకునేందుకు పోలీసులు దర్యాప్తు మొదలెట్టారు.