Pushpa 2: పుష్ప 2 లో బాలీవుడ్ స్టార్స్.. బన్నీతో నటించేదెవరో తెలుసా?

టాలెంటెడ్ సుకుమార్ దర్శకత్వంలో మైత్రీ మూవీ మేకర్స్, సుకుమార్ రైటింగ్స్ సంయుక్తంగా నిర్మిస్తున్న చిత్రం పుష్ప 2: ది రూల్. పార్ట్-1 ఊహించనివిధంగా సక్సెస్ కావడంతో పార్ట్-2పై భారీ అంచనాలు రేపుతోంది. 2024 ఆగస్టు 15న ఈ మూవీ విడుదల కానుంది. పుష్ప రాజ్ పాత్రలో అల్లు అర్జున్ నటిస్తున్న ఈ సినిమా విడుదల కోసం పాన్ ఇండియా ప్రేక్షకులు ఆసక్తిగా ఎదురుచూస్తున్నారు.  అతనితో పాటు ప్రతిభావంతుడైన ఫాహద్ ఫాజిల్, నేషనల్ క్రష్ రష్మిక మందన్న కీలక పాత్రలు చేస్తున్నారు.

వీరిద్దరు ఇప్పటికే కీలక షూటింగ్ లో పాల్గొన్నారు. అయితే ఆశ్చర్యకరమైన విషయం ఏమిటంటే లెజెండరీ నటుడు సంజయ్ దత్ పార్ట్-2 నటించే అవకాశాలున్నాయట. బాలీవుడ్ నటుడు సంజయ్ దత్ ‘పుష్ప 2’లో అతిథి పాత్రలో కనిపించనున్నారని కొత్త రూమర్ చక్కర్లు కొడుతోంది. ఏ కథాంశానికైనా సరిపోయే నటుడిగా ఆయనకు మంచి పేరుంది. అయితే ఇదే వార్తకు సంబంధించి అఫీషియల్ ప్రకటించాల్సి ఉంది. ‘పుష్ప 2’లో మొదటి భాగంలోని కీలక పాత్రలతో పాటు పలు కొత్త పాత్రలను పరిచయం చేస్తూ త్వరలోనే అభిమానుల్లో ఆసక్తిని మరింత పెంచనున్నారు. అయితే పుష్ప2  లో నటించడానికి మరికొందరు బాలీవుడ్ నటులు ఆసక్తిగా ఉన్నారట.

అల్లు అర్జున్ మెగా వారసత్వంలో టాలీవుడ్ ఎంట్రీ ఇచ్చినా.. ఆ తర్వాత తనకంటూ ఓ గుర్తింపు తెచ్చుకున్నాడు. గంగోత్రి, ఆర్య, పరుగు, రేసుగుర్రం, అలవైకుంఠపురంలో, పుష్ప లాంటి సినిమాలతో టాలీవుడ్ లో కాకుండా బాలీవుడ్ లో ను తన మార్కెట్ ను పెంచుకున్నాడు. పుష్ప సినిమాలో మంచి నటన కనబర్చించినందుకు ఉత్తమ జాతీయ అవార్డును సొంతం చేసుకున్నాడు. ఈ సినిమా సక్సెస్ ఇచ్చిన ఉత్సాహంతో పుష్ప2 షూటింగ్ ను శరవేగంగా చేస్తున్నాడు. ఈ మూవీ నుంచి విడుదలైన గ్లింప్స్, లుక్స్ ప్రేక్షకుల్లో మంచి హైప్ ను క్రియెట్ చేసింది. ఇటీవల బెర్లిన్ లో సందడి చేసిన అల్లు అర్జున్ పుష్ప3 సినిమా కూడా తెరకెక్కే అవకాశాలున్నట్టు హింట్ ఇచ్చారు.