Artificial intelligence: ఆ పరికరం కరోనావైరస్‌ను క్షణాల్లో కనిపెడుతుందట…

కరోనావైరస్ కల్లోలానికి ప్రపంచం వణికిపోతోంది. ఇప్పుడు ఇండియాలోను ఈ వైరస్ ప్రవేశించి భయపెడుతున్నది. ఎవరైనా దగ్గినా తుమ్మినా జనాలు భయపడిపోతున్నారు. కరోనా లక్షణాలనే అనుమానంతో ఆస్పత్రుల్లో

Artificial intelligence: ఆ పరికరం కరోనావైరస్‌ను క్షణాల్లో కనిపెడుతుందట...
TV9 Telugu Digital Desk

| Edited By:

Mar 03, 2020 | 10:38 PM

Artificial intelligence (AI): కరోనావైరస్ కల్లోలానికి ప్రపంచం వణికిపోతోంది. ఇప్పుడు ఇండియాలోను ఈ వైరస్ ప్రవేశించి భయపెడుతున్నది. ఎవరైనా దగ్గినా తుమ్మినా జనాలు భయపడిపోతున్నారు. కరోనా లక్షణాలనే అనుమానంతో ఆస్పత్రుల్లో చేరిపోతున్నారు. కానీ వీరికి నిజంగా కరోనా సోకిందో లేదో తెలుసుకోవడానికి మాత్రం చాలా సమయం పడుతోంది. అయితే ఇకపై అలాంటి అవసరం లేదంటూ ఓ వార్త వినపడుతోంది. ఎందుకంటే, చైనాకు చెందిన ఆలీబాబా సంస్థ సిద్ధం చేసిన ఏఐ(అర్టిఫీషియల్ ఇంటెలిజెన్స్) కరోనా వైరస్‌ను ఇట్టే పట్టేస్తుందట.

ప్రముఖ ఈ-కామర్స్ దిగ్గజం ఆలీబాబా ఆధ్వర్యంలోని రీసెర్చ్ ఇన్‌స్టిట్యూట్ డామో అకాడమీలో ఈ ఏఐను అభివృద్ధి చేశారని తెలుస్తోంది. కంప్యూటరైజిడ్ టోమోగ్రఫీ స్కాన్స్(సీటీ స్కాన్స్) ద్వారా ఇది కరోనాను గుర్తిస్తుందట. అది కూడా అత్యంత వేగంగా 20 సెకన్లలోనే పేషెంట్ పరీక్ష పూర్తవుతుందని సమాచారం. ఈ పరీక్షా ఫలితాలు 96శాతం కచ్చితత్వంతో ఉంటాయని అంటున్నారు. దాదాపు 5వేలమంది కరోనా బాధితుల డేటాతో ఈ ఏఐ మోడల్‌కు శిక్షణ ఇచ్చినట్లు పరిశోధకులు చెప్పారట.

మరోవైపు, చైనాకే చెందిన హెల్త్‌కేర్ కంపెనీ పింగ్ ఆన్.. కూడా కరోనాను కనిపెట్టే ఓ పరికరాన్ని తయారు చేసిందట. దీని గురించి ఆ సంస్థ సహాధ్యక్షుడు మాట్లాడుతూ.. తమ పరికరం 15 సెకన్లలోనే కరోనా కేసులను పట్టేస్తుందని, ఫలితాలు 90శాతం కచ్చితత్వంతో ఉంటాయని ప్రకటించారు.

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu