ఆ వీర మీసమేదీ అభినందన్..!
భారత ఎయిర్ఫోర్స్ వింగ్ కమాండర్ అభినందన్ వర్ధమాన్ మళ్లీ విధుల్లోకి చేరారు. ఎయిర్ చీఫ్ మార్షల్ ధానోవోతో కలిసి పంజాబ్లోని పఠాన్కోట్లో మిగ్-21 విమానాన్ని అభినందన్ నడిపారు. సుమారు ఐదున్నర నెలల విరామం తరువాత తనకు ఎంతో ఇష్టమైన మిగ్ 21 యుద్ధ విమానంతో గగనంలోకి దూసుకెళ్లారు అభినందన్. ఈ సందర్భంగా మీసాలను తొలగించిన ఆయన కొత్త లుక్లో కనిపించారు. కాగా ఫిబ్రవరి 26న పాకిస్తాన్లోని బాలాకోట్పై భారత్ చేసిన వైమానిక దాడుల తరువాత ఇరు దేశాల […]
భారత ఎయిర్ఫోర్స్ వింగ్ కమాండర్ అభినందన్ వర్ధమాన్ మళ్లీ విధుల్లోకి చేరారు. ఎయిర్ చీఫ్ మార్షల్ ధానోవోతో కలిసి పంజాబ్లోని పఠాన్కోట్లో మిగ్-21 విమానాన్ని అభినందన్ నడిపారు. సుమారు ఐదున్నర నెలల విరామం తరువాత తనకు ఎంతో ఇష్టమైన మిగ్ 21 యుద్ధ విమానంతో గగనంలోకి దూసుకెళ్లారు అభినందన్. ఈ సందర్భంగా మీసాలను తొలగించిన ఆయన కొత్త లుక్లో కనిపించారు.
కాగా ఫిబ్రవరి 26న పాకిస్తాన్లోని బాలాకోట్పై భారత్ చేసిన వైమానిక దాడుల తరువాత ఇరు దేశాల మధ్య ఉద్రిక్త పరిస్థితులు నెలకొన్నాయి. ఈ నేపథ్యంలో పాక్కు చెందిన యుద్ధ విమానాలు భారత్లోకి వస్తుండగా.. వాటిని వెంటాడే క్రమంలో ఆ దేశ ఆర్మీకి చిక్కాడు అభినందన్. ఆ తరువాత ఆ దేశ సైనికులు అభినందన్ను హింసించినప్పటికీ.. తెగువ, ఆత్మస్థైర్యంతో భారత రహస్యాలను బయట పెట్టలేదు మన వింగ్ కమాండర్. ఇక అభినందన్ను అరెస్ట్ చేయడంపై భారత్ అంతర్జాతీయంగా ఒత్తిడి తీసుకురావడంతో పాక్ ఎట్టకేలకు అతడిని విడుదల చేసింది. ఆ తరువాత అన్ని మెడికల్ టెస్ట్ల అనంతరం దాదాపు ఐదున్నర నెలలు విశ్రాంతి తీసుకున్న అభినందన్ తాజాగా విధుల్లో చేరారు. ఈ సందర్భంగా ఆయనకు పలువురు అభినందనలు తెలియజేస్తున్నారు. ఇదిలా ఉంటే ఇటీవల 73వ స్వాతంత్య్ర దినోత్సవాన్ని పురస్కరించుకొని భారత ప్రభుత్వం అభినందన్కు ‘వీరచక్ర’ పురస్కారాన్ని అందించిన విషయం తెలిసిందే.