Income Tax Returns: ఆదాయపు పన్ను లెక్కలు వేస్తున్నారా?  పిల్లల చదువులు వైద్యం వంటి ఖర్చులపై పన్ను మినహాయింపు పొందొచ్చు

Income Tax Returns: ఆదాయపు పన్ను దాఖలు చేసే ప్రక్రియ 2020-21 సంవత్సరానికి గానూ ప్రారంభమైంది. అటువంటి పరిస్థితిలో, మీరు కూడా ఆదాయపు పన్ను రిటర్న్ దాఖలు చేయాలనుకుంటే, మీరు పన్ను మినహాయింపు ప్రయోజనాన్ని పొందగల ఖర్చులు లేదా పెట్టుబడుల గురించి పూర్తి, సరైన సమాచారం తెలుసుకుంటే మంచిది కదా. అటువంటిదే ఈ టిప్. మీరు మీపిల్లల కోసం ఖర్చు చేసే ట్యూషన్ ఫీజు, వైద్య ఖర్చులతో సహా కొన్నిరకాల ఖర్చులపై మీరు పన్ను మినహాయింపు పొందవచ్చు. అవేమిటో తెలుసుకుందాం.

ఇద్దరు పిల్లలకు ట్యూషన్ ఫీజుపై ఉపశమనం దొరుకుతుంది. మీరు ఇద్దరు పిల్లలకు పాఠశాల / కళాశాల ట్యూషన్ ఫీజుపై సెక్షన్ 80 సి కింద రూ .1.5 లక్షల వరకు పన్ను ప్రయోజనం పొందవచ్చు. మీకు ఇద్దరు పిల్లలు కంటే ఎక్కువ ఉంటే, మీరు ఏ ఇద్దరు పిల్లలకు అయినా దీన్ని క్లెయిమ్ చేయవచ్చు. దీనికి షరతు ఏమిటంటే, భారతదేశంలోని విశ్వవిద్యాలయం, కళాశాల, పాఠశాల లేదా ఇతర విద్యా సంస్థలకు మీరు ఈ ట్యూషన్ ఫీజు చెల్లించి ఉండాలి. పూర్తి సమయం విద్యకు మాత్రమే పన్ను ఉపశమనం లభిస్తుంది. ప్రైవేట్ ట్యూషన్, కోచింగ్ క్లాసులు లేదా ఏదైనా పార్ట్ టైమ్ కోర్సులు పన్ను ఉపశమనం పరిధిలోకి రావు.

మీ పిల్లలకు తీసుకున్న విద్య రుణం కోసం సెక్షన్ 80 ఇ కింద పన్ను మినహాయింపు పొందవచ్చు. పిల్లల ఉన్నత విద్య ఖర్చుల కోసం విద్యా రుణం బ్యాంకు నుండి తీసుకున్నట్టయితే అటువంటి రుణాలపై మీకు సెక్షన్ 80 ఇ కింద పన్ను మినహాయింపు దొరుకుతుంది. సెక్షన్ 80 డిడిబి కింద, మీపై ఆధారపడిన వారిలో ఒకరి తీవ్రమైన, దీర్ఘకాలిక అనారోగ్య చికిత్సకు ఖర్చు చేసిన మొత్తానికి ఆదాయపు పన్ను మినహాయింపు లభిస్తుంది. ఆదాయపు పన్ను చెల్లింపుదారుడు తన తల్లిదండ్రులు, పిల్లలు, ఆధారపడిన తోబుట్టువులు, భార్య వైద్య చికిత్స కోసం ఖర్చు చేసిన మొత్తానికి మినహాయింపు పొందవచ్చు. క్యాన్సర్, హిమోఫిలయా, తలసేమియా, ఎయిడ్స్ వంటి వ్యాధులు వీటిలో ఉన్నాయి. పిల్లల కోసం, ఈ మినహాయింపు 40 వేల రూపాయలు. ఇందుకోసం మెడికల్ సర్టిఫికేట్ అవసరం.

బీమా కోసం చెల్లించే ప్రీమియంలపై మినహాయింపును కూడా మీరు పొందవచ్చు మీరు మీ పిల్లలకు ఆరోగ్య బీమా ప్రీమియంలు చెల్లించినప్పటికీ మీరు పన్నును ఆదా చేయవచ్చు. ఇందులో సెక్షన్ 80 డి కింద 25 వేల రూపాయల వరకు తగ్గింపు తీసుకోవచ్చు. ఇది కాకుండా, టర్మ్ లైఫ్ ఇన్సూరెన్స్ ప్లాన్ కోసం చెల్లించిన ప్రీమియంపై మీరు ఆదాయపు పన్ను చట్టంలోని సెక్షన్ 80 సి కింద పన్ను మినహాయింపు పొందవచ్చు. 80 సి కింద, మీరు రూ .1.5 లక్షల వరకు పన్ను ప్రయోజనం పొందవచ్చు.

Also Read: LIC Policy: రోజూ రూ. 200 పెట్టుబడితో రూ.17 లక్షలు పొందవచ్చు.. బోనస్‌తో సహా ఈ ప్రయోజనాలు లభిస్తాయి..

Home Auction: బ్యాంకు అదిరిపోయే ఆఫర్‌.. తక్కువ ధరకే ఇల్లు, ప్రాపర్టీ కొనే అవకాశం.. పూర్తి వివరాలు