నాగుపాముతో పరాచకాలా.? తలపై ముద్దుపెట్టాడు.. దెబ్బకు మడతెట్టేసింది..
మనిషికైనా, చిన్న కీటకానికైనా, క్రూర జంతువుకైనా ప్రాణభయం అనేది ఒకేలా ఉంటుంది. తమ ప్రాణాలకు ముప్పు వాటిల్లుతోందని..
మనిషికైనా, చిన్న కీటకానికైనా, క్రూర జంతువుకైనా ప్రాణభయం అనేది ఒకేలా ఉంటుంది. తమ ప్రాణాలకు ముప్పు వాటిల్లుతోందని అనిపిస్తే.. కచ్చితంగా ఎదురుదాడికి దిగుతాయి. పాములకు కూడా ఈ సూత్రం వర్తిస్తుంది.
సాధారణంగా పాములను చూస్తే చాలు.. చాలామంది జనాలు ఠక్కున భయంతో పరుగులు పెడతారు. ఇక స్నేక్ క్యాచర్స్ అయితే.. ఎప్పుడూ పాములతోనే సావాసం చేస్తుంటారు. ఎక్కడ చిన్న పొరపాటు జరిగిన వారి ప్రాణాలు పోయినట్లే. తాజాగా ఈ కోవకు చెందిన ఓ ఘటన కర్ణాటకలో చోటు చేసుకుంది. అది ఇప్పుడు సామాజిక మాధ్యమాల్లో వైరల్‌గా మారింది.
వివరాల్లోకి వెళ్తే.. కర్ణాటకలోని శివమొగ్గ ప్రాంతంలో ఓ నాగుపాము కలకలం సృష్టించింది. దీంతో స్థానికులు అక్కడ దగ్గరలో ఉన్న స్నేక్ క్యాచర్ అలెక్స్‌కు సమాచారం అందించారు. అతడు నాగుపామును చాకచక్యంగా పట్టుకుని.. దాని తలపై ఓ ముద్దు పెడతాడు. అంతే! ఒక్కసారిగా విషసర్పం ఎదురుదాడికి దిగింది. నన్ను పట్టుకున్నదే కాకుండా ముద్దు కూడా పెడతావా.. అంటూ అతనిపై ఎటాక్‌ చేసింది. అతడి పెదవిపై కాటు వేసింది. మనోడు ఇంకేం చేస్తాడు.. ఆ పామును సురక్షితంగా అటవీ ప్రాంతంలో విడిచిపెట్టి.. ఆ తర్వాత చికిత్స నిమిత్తం ఆస్పత్రిలో చేరుతాడు. కాగా, ప్రస్తుతం అలెక్స్ కోలుకుంటున్నాడని వైద్యులు తెలిపారు. ఈ ఘటనకు సంబంధించిన వీడియో ఇంటర్నెట్‌లో తెగ వైరల్ అవుతోంది. దీనిపై నెటిజన్లు రకరకాల కామెంట్లు చేస్తున్నారు. ఎంత స్నేక్ క్యాచర్ అయినా పాములతో పరాచకాలు ప్రమాదం అంటున్నారు.
ఆ వైరల్ వీడియో ఇదే..
మరిన్ని హ్యుమన్ ఇంట్రెస్ట్ న్యూస్ కోసం..
