Viral News: ‘నేను కావాలా.. మటన్ కావాలా’.. భార్యకు భర్త అల్టిమేటం.. వైరల్‌గా మారిన ట్వీట్!
సోషల్ మీడియాలో ఒక న్యూస్ పేపర్ కట్ తెగ వైరల్ అవుతోంది. అందులో ఒక శాఖాహారుడు, కాలమిస్ట్ సలహా కోరుతూ, అతని భార్య మటన్‌ను మానుకోవడానికి నిరాకరిస్తున్నట్లు రాశాడు. భార్యాభర్తల మధ్య జరిగిన ఈ అపూర్వ గొడవ హాట్‌టాపిక్‌గా మారింది.
Updated on: Dec 05, 2021 | 9:31 AM
Viral News: సాధారణంగా ప్రతి భార్యాభర్తల మధ్య ఏదో ఒక విషయంలో మనస్పర్థలు వస్తుంటాయి. అయితే ఇంత జరిగినా ఇద్దరి మధ్య ప్రేమ కొనసాగుతోంది. అయితే, భార్యాభర్తల మధ్య నాన్‌వెజ్‌పై చర్చ ఎంతగా పెరిగిందంటే.. శాకాహారుడైన భర్త.. ‘అది కావాలా.. మటన్’ కావాలా అని భార్యకు అల్టిమేటం ఇచ్చాడు. ప్రస్తుతం ఇందుకు సంబంధించి సోషల్ మీడియాలో ఒక న్యూస్ పేపర్ కట్ తెగ వైరల్ అవుతోంది. అందులో ఒక శాఖాహారుడు, కాలమిస్ట్ సలహా కోరుతూ, అతని భార్య మటన్‌ను మానుకోవడానికి నిరాకరిస్తున్నట్లు రాశాడు. భార్యాభర్తల మధ్య జరిగిన ఈ అపూర్వ గొడవ సోషల్ మీడియాలో హాట్‌టాపిక్‌గా మారింది. దీనిపై యూజర్లు కూడా ఘాటుగానే స్పందించారు.
ట్విట్టర్‌లో ఈ వార్తాపత్రిక కటింగ్ వైరల్ అవుతుంది. ఇందులో శాకాహారుడు భర్త.. భార్య చేస్తున్నట్లు చేష్టలకు విసుగు చెందాడు. ఆమె మటన్ తినడానికి ఇష్టపడుతుండటం ఆయనకు ఏమాత్రం నచ్చడంలేదు. దీంతో భార్యతో కలత చెందాడు. అయితే, ఈ వ్యక్తికి పెళ్లికి ముందే తన భార్య అభిరుచి గురించి పూర్తిగా తెలుసు. పెళ్లయ్యాక నాన్ వెజ్ వదిలేస్తానని భార్య వాగ్దానం చేసింది. అయితే తాజాగా తన భార్య ఇప్పటికీ ‘చూట్లీ’ మటన్‌ను ఎంజాయ్ చేస్తుందని భర్తకు తెలిసింది. పెళ్లికి ముందు ఇచ్చిన మాటను భార్య నిలబెట్టుకోలేదన్న విషయం స్పష్టమవుతోందని భర్త అంటున్నాడు.
వార్తాపత్రిక కటింగ్ ప్రకారం, వ్యక్తి తన భార్య చాలా అందంగా ఉందని, అందుకే నాన్ వెజ్ మానేయాలనే షరతుతో ఆమెను పెళ్లి చేసుకోవడానికి అంగీకరించాడు. అయితే, ఇప్పుడు అతడి భార్య మాత్రం తనకు మటన్ అంటే చాలా ఇష్టమని చెప్పింది. అది లేకుండా బతకలేనని చెప్పింది. ఈ విషయంపై భార్య భర్తల మధ్య వివాదం రాజుకుంది. మటన్ తినాలని ఉందా.. లేదంటే తనతో ఉండాలని ఉందా అంటూ భార్యకు అల్టిమేటం ఇచ్చాడు. ఆసక్తికరమైన విషయమేమిటంటే, తన భార్య తనను విడిచిపెట్టి మటన్ ఎంచుకుంటుందని భర్త కూడా భయపడుతున్నాడు.
? Mutton or Me ?
Love Triangle ? btw you, #wife and #goat ? Let her choose mutton, You got a good chance to escape from her! ?? #girlsarefake #genderequality https://t.co/dgBGdSo8qP
— DG@MyNation (@Men_activist) December 3, 2021
భార్యాభర్తల మధ్య జరుగుతున్న ఈ అపూర్వ గొడవపై ట్విట్టర్ యూజర్లు ఘాటుగా స్పందిస్తున్నారు. ఓ మహిళా యూజర్ ఫన్నీగా కామెంట్ చేస్తూ ఇలా రాసారు. ‘తమాషాగా ఉండొచ్చు… కానీ ఒక విషయం మాత్రం స్పష్టంగా అర్థమైంది అబ్బాయి జీతం చూసి అమ్మాయి పెళ్లి, అమ్మాయి అందం చూసి అబ్బాయి పెళ్లి చేసుకుంది. ఇద్దరి మధ్య ప్రేమ లేనప్పుడు, ఆ సంబంధం ఎలా కొనసాగుతుంది. అయినప్పటికీ, చాలా మంది వినియోగదారులు తమలో తాము మాట్లాడుకోవడం ద్వారా దీనిని పరిష్కరించుకోవాలని సలహా ఇచ్చారు.
