Halloween Marriage: బాబోయ్ ఆ మగ దెయ్యాన్ని భరించలేను.. విడాకులు కావాలంటూ భూత వైద్యుడి కోసం సెర్చింగ్..
దెయ్యాన్ని వివాహం చేసుకున్న ఓ మహిళ.. ఇప్పుడు విడాకుల కోసం భూత వైద్యులను సంప్రదిస్తోంది. ఈ టార్చర్ భరించలేను బాబోయ్.. నాకు విముక్తి కల్పించండి అంటూ వేడుకుంటోంది. దెయ్యం ఏంటి? పెళ్లి ఏంటి? విడాకులు ఏంటి? అని ఆలోచిస్తున్నారా? అయితే, ఇందుకు సంబంధించిన పూర్తి వివరాల్లోకి వెళ్లాల్సిందే.
Updated on: Apr 11, 2023 | 11:35 AM
దెయ్యాన్ని వివాహం చేసుకున్న ఓ మహిళ.. ఇప్పుడు విడాకుల కోసం భూత వైద్యులను సంప్రదిస్తోంది. ఈ టార్చర్ భరించలేను బాబోయ్.. నాకు విముక్తి కల్పించండి అంటూ వేడుకుంటోంది. దెయ్యం ఏంటి? పెళ్లి ఏంటి? విడాకులు ఏంటి? అని ఆలోచిస్తున్నారా? అయితే, ఇందుకు సంబంధించిన పూర్తి వివరాల్లోకి వెళ్లాల్సిందే.
ఆక్స్ఫర్డ్ షైర్కు చెందిన రాకర్ బ్రోకార్డ్(38), తన భర్త తన జీవితాన్ని నరకంగా మార్చేస్తున్నాడంటూ వాపోయింది. గత సంవత్సరం హాలోవీన్ సందర్భంగా ఎడ్వర్డోను పెళ్లి చేసుకుంది. అయితే, ఇప్పుడు ఆ పెళ్లే వద్దంటోంది రాకర్. తనకు విడాకులు కావాలని వేడుకుంటోంది. విక్టోరియన్ సైనికుడు ఎడ్వర్డోను పూనాడని, ఆమెను వెంబడిస్తూ నరకం చూపిస్తున్నాడని ఆవేదన వ్యక్తం చేస్తోంది.
ఈ దెయ్యం భర్త.. ‘ఏడుస్తున్న శిశువు అరుపులు’తో తనను వెంటాడుతోందని రాకర్ కన్నీరు మున్నీరవుతుంది. దెయ్యంతో పెళ్లి సరికాదని అనిపిస్తోందని చెప్పుకొచ్చింది. వింత వింత అరుపులతో దెయ్యం తనను వేధిస్తోందని, ఇక విడాకులు తీసుకోవాలని భావిస్తున్నట్లు రాకర్ తెలిపింది. ఈ దెయ్యం బెడద పోయేందుకు మంచి భూతవైద్యుడిని వెతుకున్నట్లు కూడా చెప్పుకొచ్చింది.
కాగా, రాకర్ నిర్ణయంపై ఎడ్వర్డో స్పందించాడు. రాకర్ ఇటీవల కొంతకాలంగా పీడ కలలు, ఆలోచనలతో ఇబ్బంది పడుతోంది. తనను దెయ్యం వేధిస్తోందని రాకర్ నమ్ముతోంది. తన నిర్ణయం తన ఇష్టం అని పేర్కొన్నాడు. కాగా, ఎడ్వర్డో, రాకర్ అక్టోబర్ 31న పాడుబడిన ప్రార్థనా మందిరంలో వివాహం చేసుకున్నారు. అనంతరం ఓ ద్వీపంలో హనీమూన్ ఎంజాయ్ చేశారు.
మరి ఈ అమ్మాయి అవస్థలు తీరేనా? విడాకులతో ఆ దెయ్యం ఆమెను వదిలేనా? వింత ఉన్న ఈ వార్త ఇప్పుడు సోషల్ మీడియాను షేక్ చేస్తోంది. నెటిజన్ల నుంచి భిన్నమైన స్పందన వస్తోంది.
మరిన్ని అంతర్జాతీయ వార్తల కోసం ఈ లింక్ క్లిక్ చేయండి..
